staffmedia.am-ը շարունակում է կիսվել հետաքրքիր փաստերով ՀՀ գործատուների մասին։ Այսօր մեծ ոգևորությամբ անդրադարձել ենք ոլորտի բացարձակ առաջատար, կայուն և զարգացող, կարիերայի աճի մեծ հնարավորություններ ստեղծող մեր գործընկերոջը՝ Աթենքին։ Չնայած, որ արդեն առիթ ունեցել էինք պատմելու թե ինչպիսին է կյանքն Աթենքում, ընկերության առաքելության, արժեքների, մարդկանց և գործունեության մասին (այստեղ), միևնույն է Աթենքի ավելի քան 30-ամյա ակտիվ գործունեությունը մեկ կամ մի քանի նյութով հնարավոր չէ ամփոփել։ Հենց այդ պատճառով էլ սիրով շարունակում ենք բացահայտել մեր գործընկերոջը՝ այս անգամ ներկայացնելով 10 ուշագրավ փաստ Աթենքի մասին։
Փաստ #1 Այսօրվա Աթենքն ավելի լավն է, քան երեկվանը և վաղը մենք, վստահաբար, ունենալու ենք ավելի լավ Աթենք
Աթենքն արդեն 30 տարուց ավելի է ինչ շուկայում է և զբաղեցնում է բացարձակ առաջատարի դիրք։ Աթենքի մարդկանց, սպառողների, տնտեսության նկատմամբ ունեցած պատասխանատվությունը մղում է Աթենքին անընդհատ կատարելագործման։
Փաստ #2 Խոսելով «աթենքերեն»
«Աթենքային աշխատելաոճ», «Աթենքային մտածելակերպ», «Աթենքային բնավորություն․․․ «Աթենքային» բառը լավագույնս բնորոշում է Աթենքի մարդկանց, քանի որ ընկերության թիմում այնպիսի մարդիկ են, որոնք առանձնանում են աշխատանքի նկատմամբ իրենց բացառիկ վերաբերմունքով և արդյունքին հասնելու համառությամբ։
Փաստ #3 Աթենք՝ ոչ միայն արտադրություն
Շուկայում Աթենքին ճանաչում են որպես խոշոր արտադրող, բայց քչերը գիտեն, որ ընկերությունն ունի նաև վաճառքի, ներմուծումների, մարքեթինգի, ֆինանսական, մարդկային ռեսուրսների կառավարման, ինժեներական մեծ թիմեր։ Այնպես որ, սիրելի մասնագետներ, այստեղ կարիերայի հնարավորությունները բազմաոլորտ են։
Փաստ #4 Զարգացումը Աթենքի արյան մեջ է
Գիտելիքահեն զարգացումն ընկերության ռազմավարական նպատակներից է․ ուստի Աթենքում իրականացվում են մի շարք թրեյնինգներ և ուսուցման ծրագրեր։ Ընկերությունում հաջողությամբ գործում է մսամթերքի տեխնոլոգի ուսուցման ծրագիրը, որի շրջանակում սկսնակ մասնագետները հնարավորություն ունեն միաժամանակ և՛ սովորելու ոլորտի լավագույն մասնագետների մենթորությամբ, և՛ ունենալու բարձր վարձատրվող աշխատանք։
Փաստ #5 Աթենքում խրախուսվում է առաջնորդությունը
Ընկերության միջին ու բարձր օղակի ղեկավարների 70%-ից ավելին իրենց կարիերան Աթենքում սկսել են սովորական մասնագետի պաշտոնում։ Ընկերությունում չեն վախենում պատասխանատու պաշտոններ վստահել խոստումնալից և բանիմաց երիտասարդների, քանի որ հավատում են նրանց ներուժին, նախաձեռնողականությանն ու որոշումներ կայացնելու վճռականությանը։
Փաստ #6 Աթենքի թիմն օրեցօր աճում է, իսկ աշխատատեղերի աշխարհագրությունը վաղուց հատել է Երևանի սահմանները
Շուրջ 1000 աթենքցի, 2 գործարան, ֆիրմային խանութների մեծ ցանց, պահեստային տնտեսություն․ որպես հայրենական ընկերություն՝ շատ կարևորում են մեր հայրենակիցների համար նոր աշխատատեղերի ստեղծումը, և այս ամենը ոչ միայն մայրաքաղաքում․․․ Ընկերությունն արդեն Վանաձորում է, Գյումրիում, Կապանում և այլուր։
Փաստ #7 Աթենքը նոր գործարան է կառուցում
20,000 քմ․ տարածք ունեցող գերհզոր արտադրական համալիր, ժամանակակից տեխնոլոգիաներ, եվրոպական առաջատար երկրներից ներմուծված նոր սերնդի սարքավորումներ և հոսքագծեր․․․ այս ամենը Աթենքի նոր կառուցվող արտադրական համալիրի մասին է։ Վստահ ենք, որ նման համալիրի գործարկումը հպարտության առիթ է ոչ միայն աթենքցիների, այլև ՀՀ-ում բնակվող յուրաքանչյուր քաղաքացու համար։
Փաստ #8 Աթենքում հավես մթնոլորտ է
Աթենքը ակտիվ ու նորարար երիտասարդների և փորձառու մասնագետների ստացված միքս է, որտեղ գերական միասնական ջանքերով սահմանված նպատակներին հասնելն է։ Ընկերության թիմում մեկտեղված են աշխատանքային գերակտիվ առօրյան և միաժամանակ միմյանց հետ անցկացրած ժամանցը, խաղերը, հանգիստը և ուղղակի դեսից դենից զրույցները։
Փաստ #9 Թիմի ներուժը միասնականության մեջ է
Ամռան ջերմ օրերն ամենասպասվածն են Աթենքում, քանի որ սկսվում է թիմբիլինդինգային ակտիվ շրջանը։ Քաղաքից դուրս ակտիվ ժամանցը, թիմային խաղերը, նոր ծանոթություններն ու շփման ջերմ միջավայրը թարմ շնչառություն են հաղորդում թիմին:
Փաստ #10 Մեծ ու փոքրիկ աթենքցիները
Ամեն տարի Աթենքի մարդուկների համար ընկերությունը կազմակերպում է մեծ տոն և վառ էմոցիաներ ու ջերմ ժպիտներ է կիսում փոքրիկ աթենքցիների հետ։ Աթենքի աշխատակիցների ընտանիքներում նոր համալրումներն ընկերության համար տոն են, և թիմը մեծագույն հոգատարությամբ պատրաստում է նվեր տուփեր նորածին Աթենք-մարդուկների համար։
Ամփոփելով, ցանկանում ենք նշել, որ Աթենքում մեր հերթական այցի ընթացքում ևս մեկ անգամ համոզվեցինք, որ մեր գործընկերոջ մասին հետաքրքիր փաստերն այսքանով չեն ավարտվում։ Մենք խոստանում ենք ավելի հաճախ անդրադառնալ Աթենքին, իսկ ձեզ առաջարկում ենք հետևել Աթենքի կարիերայի էջին staff.am-ում և staffmedia.am-ին, որպեսզի բաց չթողնեք մեր թարմացումները և ձեր հնարավորությունը՝ համալրելու Աթենքի մարդկանց շարքը։
