Ստարթափը բիզնես-պրոյեկտի տեսակ է՝ հիմնված իննովացիոն մտքերի կամ տեխնոլոգիաների վրա։ Տերմինն առաջին անգամ օգտագործվել է Forbes ամսագրում 1973 թվականի օգոստոսին և Business Week ամսագրում 1977 թվականի սեպտեմբերին ՝ առավել լայն տարածում գտնելով 1990-ականներին։ Ներկայումս ստարթափ հասկացողությունն ունի մեծ դեր ու նշանակություն մեր իրականությունում, ինչի շնորհիվ էլ իր ուրույն տեղն է զբաղեցնում ինչպես միջազգային, այնպես էլ հայկական աշխատաշուկայում։
Այժմ StaffBlog-ի շրջանակներում կարող եք ծանոթանալ և դիմել մի շարք աշխատանքների՝ միանալով հեռանկարային ստարթափ ընկերությունների թիմերին և ներդնելով Ձեր նորարարական մտքերն աճող բիզնեսում։
ServiceTitan
ԱՄՆ-ում հիմնադրված և ազգությամբ հայ հիմնադիրներ ունեցող ServiceTitan ընկերությունը, որն ըստ մի շարք հեղինակավոր պարբերականների հանդիսանում է ԱՄՆ ամենախոստումնալից ստարթափներից մեկը, հավաքագրում է ինժեներների թիմ, ովքեր օժտված կլինեն մասնագիտական և անձնական բարձր որակներով։
SoloLearn
SoloLearn հայ-ամերիկյան ստարթափ ընկերությունը, որն արժանացել է #FbStart մրցանակին՝ որպես իր անվանակարգում տարվա լավագույն հավելված, իր թիմ է հրավիրում ավագ ծրագրավորողների։
Staff.am 
Staff.am-ը կարիերայի առաջատար հարթակ է և դինամիկ զարգացող ստարթափ, որն ընդլայնում է իր մեքենայական ուսուցման թիմը՝ փորձաշրջան անցնելու հնարավորություն տալով աշխատասեր, ուշադիր և ստեղծարար փորձնակի, ով մեծ ցանկություն ու եռանդ կունենա՝ զարգացնելու իր հմտությունները տվյալների մշակման ոլորտում։
PicsArt
Եթե տիրապետում եք անգլերենին ու ցանկանում եք մասնակցել ՏՏ ոլորտի պրոֆեսիոնալների կողմից կազմակեպրվող և անցկացվող DevOps թրեյնինգին, ապա շտապեք դիմել, և եթե ունեք փորձ որակի կառավարման ոլորտում, ապա բաց մի թողեք PicsArt-ի ստեղծարար թիմին միանալու հնարավորությունը։
Nubestic
Nubestic-ը ստարթափ է ՝ հիմնադրված ԱՄՆ-ում, մասնագիտացած տեղեկատվական տեխնոլոգիաների և ինժեներական լուծումների ոլորտում։ Ընկերությունն իր թիմ է հրավիրում Ավագ ․NET ծրագրավորողի, ով կունենա փորձ ՝ վեբ ծրագրեր զարգացնելու գործում, կունենա անկախ աշխատելու ունակություն և քննադատական մտածողություն։
2HZ
2HZ ընկերությունն արհեստական բանականության ոլորտի ստարթափ է, որը փնտրում է փորձառու C++ ինժեների՝ R&D թիմին միանալու համար։
Brainstorm Technologies
Brainstorm ընկերությունը, որն իր փորձառու և ստեղծագործ ծրագրավորողների, դիզայներների ու բիզնես խորհրդատուների միասնական աշխատանքի շնորհիվ կառուցում է ընկերություններ, փնտրում է մոտիվացված թիմակիցների՝ Node.js և React Native ծրագրավորողների։
Weem
Weem-ը ստարթափ է, որը տրամադրում է e-commerce լուծումներ։ Ընկերությունն այժմ փնտրում է նոր թիմակիցների՝ թիմային աշխատանքի հմտությամբ, դրական վերաբերմունքով PHP և Front-End ծրագրավորողների։
DISQO
Disqo ամերիկյան ստարթափը, որը շուկայի հետազոտությամբ զբաղվող աշխարհի խոշորագույն գործակալություններին, վերլուծությամբ զբաղվող ընկերություններին և բրենդներին ապահովում է հաճախորդների հատուկ մշակված տվյալների բազայով, հավաքագրում է նոր թիմ Հայաստանում։ Եթե ցանկանում եք զարգացնել Ձեր կարիերան, ապա այս հնարավորությունները հենց Ձեզ համար են։
Nova.am
Nova.am ընկերությունը, որն իր հաճախորդներին հնարավորություն է ընձեռում գնումներ կատարել արտերկրում գտնվող հազարավոր ինտերնետ-խանութներից, համագործակցության է հրավիրում տաղանդավոր թիմակցի` Java Backend ծրագրավորողի, ով կօգնի ստարթափին գրանցել նոր հաջողություններ։
