«Կորպորատիվ մշակույթին համապատասխանություն» արտահայտությունն այսօր շատերս ենք լսում թե HR մասնագետներից, թե, առհասարակ, աշխատանք փնտրողներից։ Թերևս սա այն կարևոր կետերից մեկն է, որը կարող է որոշել ձեր աշխատանքային հարմարավետությունը, բարձր տրամադրությունն ու մոտիվացիան։ Իսկ ձեր աշխատանքային հարմարավետ զոնան ստեղծելու համար աշխատանքի դիմելիս նախ և առաջ պետք է հասկանալ, թե ինչպիսին է այս կամ այն կազմակերպության կորպորատիվ մշակույթը, որի ներքո, իհարկե, նկատի ունենալով մի շարք կարևոր բաղադրիչներ, օրինակ՝ հաղորդակցման ձևը, ղեկավարման ոճը, մասնագիտական աճին ուղղված քայլերը, աշխատանքային ճկուն պայմանները, և այլն։
Դե իսկ, այսպիսի տեղեկատվություն ստանալու համար, լավագույն տարբերակներից մեկը ընկերությունների մասին հոդվածներ, տեսանյութեր կարդալն ու դիտելն է։
Ահա և ձեզ հետ ենք կիսվում 4 լավագույն տեսանյութերով 4 տարբեր ընկերությունների մասին, որտեղ յուրաքանչյուրը ներկայացել է յուրովի՝ պատմելով իր թիմի, իր նոր քաղաքականության, գրասենյակի բացման ու գերարագ աճի մասին։ Յուրաքանչյուր տեսանյութում վառ արտացոլված է տվյալ ընկերության մշակույթը, ինչն էլ ձեզ կօգնի ավելի լայն պատկերացում ունենալ ընկերության մասին։
Technamin
Technamin-ն այն բացառիկ ընկերություններից է, որ ծնունդ է առել կովիդյան ժամանակաշրջանում ու գրանցել գերարագ աճ։ Այս ընկերությունում ուշագրավ է այն փաստը, որ բոլորը համախմբված են, ինքնակազմակերպված ու, միևնույն ժամանակ, բազմազան՝ բոլորը կիսում են նույն արժեքները, բայց, յուրաքանչյուրն անհատականություն է, ինչն էլ Technamin-ի հաջողության գաղտնիքն է։
Նշենք, որ Հայաստանում խաղային B2B ոլորտն ունի 12 տարվա պատմություն, կան 20-ից ավելի կազմակերպություններ, որտեղ Technamin-ն իր առանձնահատուկ տեղն է զբաղեցնում՝ գործունեություն ծավալելով Հայաստանի տարածքից դուրս և ունենալով գրասենյակներ ու աշխատակիցներ Հայաստանում։ Իսկ թիմի ու արժեքների մասին կպատմեն հենց Technamin-ում (անպայման դիտել :)):
QLess
Այս տարի աշխատաշուկան համալրվեց ևս մեկ միջազգային ընկերության մասնաճյուղի բացմամբ. մարտին պաշտոնապես բացվեց QLess-ի գրասենյակը Հայաստանում։ Երևանյան գրասենյակի բացմանը հաջորդեց ԱՄՆ-ից մասնագետների այցը Հայաստան՝ տեղում հայկական թիմին ծանոթանալու, կապեր ստեղծելու և հայկական հյուրընկալությունը վայելելու։ QLess-ում շատ են կարևորում թիմից յուրաքանչյուրի հարմարավետությունը, բազմազանությունը և ընկերության կարևոր գործին միանալու պատրաստակամությունը։ ՏՏ պրոֆեսիոնալի համար այստեղ նշանակալից է ունենալ այն զգացողությունը, որ անում են կարևոր գործ և այդ գործը կատարում են միլիոնավոր օգտատերերի համար։
JTI Armenia
Աշխատակիցների մասին հոգ տանելու վառ օրինակներից է JTI Armenia-ն։ Արդեն 8 տարի անընդմեջ Հայաստանում, Եվրոպայում և աշխարհում Լավագույն գործատու հավաստագրված JTI Armenia-ն շարունակ մշակում է նոր քաղաքականություններ՝ ուղղված աշխատակիցների բարեկեցության բարելավմանը։ Այդպիսի քաղաքականություններից է NWOW-ն`«Նոր աշխատանքային մեթոդներ»-ը (New Ways of Working), որը ներդրվելով 2021 թվականից, այդքան կարճ ժամանակում հոգեհարազատ է դարձել բոլորին։
NWOW-ն JTI-ի վճռական որոշումն է հեռանալ ավանդական աշխատանքային առօրյայից դեպի հիբրիդ մոտեցում, որի շնորհիվ բաժինների մեծամասնությունում աշխատակիցներն աշխատաժամանակի 50%-ը կարող են աշխատել հեռավար, 50%-ը՝ գրասենյակից։ NWOW-ի մասին մեծ ոգևորությամբ պատմում են JTI Armenia-ում, որը կարող եք դիտել ստորև։
ZERO
ZERO-ում՝ որպես ՏՏ ոլորտի ընկերություն, թիմը շատ է կարևորում այն պրոդուկտը, որի վրա աշխատում են։ Այնտեղ աշխատանքի մեջ ներդրած յուրաքանչյուր ջանք էլ ավելի է հեշտացնում իրավաբանական ոլորտի ընկերությունների աշխատանքային գործընթացը։ Հիմնադրվելով 2015 թվականին՝ ZERO-ն արհեստական բանականության և խելացի ավտոմատացման միջոցով լուծում է ամենահրատապ օպերացիոն մարտահրավերներից մեկը՝ էլ.փոստի կառավարման խնդիրները։
Իսկ թե ինչքան կարևոր դեր ունի այդ հարցում ընկերության պրոդուկտ թիմը, կարող եք դիտել տեսանյութում 🙂
