Նախագծի արդյունքի հաջողության հիմքը մարդիկ են, ովքեր ներգրավված են նախագիծն իրականացնող թիմում,այլ կերպ ասած՝ նախագծի հաջողությունը պայմանավորում է թիմը։ Եթե թիմն ուզում է հասնել ցանկալի և նախատեսված արդյունքի, ապա թիմի անդամներին պետք է միավորի մեկ ընդհանուր նպատակ ու դրանից բխող բազում այլ գործոններ` միասին աշխատելու ցանկություն, փոխըմբռնում, պատասխանատվության զգացում, դրական տրամադրվածություն թիմակիցների հանդեպ, սահուն կերպով միմյանց լրացնելու կարողություն։
Շարունակելով մեր նախորդ շարքը, որտեղ ձեզ էինք ներկայացրել սոֆթ հմտություններից մեկը՝ կրեատիվությունը, և դրա անհրաժեշտությունն աշխատանքում, սիրով ներկայացնում ենք staff.am–ի հետ համագործակցող ընկերությունների մի շարք աշխատանքներ, որոնք պահանջում են թիմում արդյունավետ աշխատելու կարողություն։
Մեկը բոլորի համար, բոլորը՝մեկի․ եթե այս գաղափարի կրողն եք, ապա ստորև ներկայացված թափուր աշխատատեղերը Ձեզ համար են։
WEBB Fontaine– ՄԵՔԵՆԱՅԱԿԱՆ ՈՒՍՈՒՑՄԱՆ/ NLP ՄԱՍՆԱԳԵՏ
Webb Fontaine միջազգային տեղեկատվական տեխնոլոգիաների ընկերությունը, որի գլխավոր գրասենյակը գտնվում է Շվեյցարիայում, և ունի բազում գրասենյակներ Ասիայում, Միջին Արևելքում, Աֆրիկայում և Հյուսիսային Ամերիկայում, Հայաստանյան թիմում համագործակցության է հրավիրում մեքենայական ուսուցման/ NLP մասնագետի, ով կլինի ուշադիր, կունենա քննադատական մտածողություն, ժամանակի կառավարման և, իհարկե, թիմային աշխատանքի հմտություն։
DataOwl-ՆԱԽԱԳԾԵՐԻ ՂԵԿԱՎԱՐ- JIRA ԷՔՍՊԵՐՏ
DataOwl ընկերությունը, որն առաջարկում է CRM և բիզնես բանականության լուծումներ BioTrackTHC հաճախորդների համար, իր թիմ է հրավիրում աշխատասեր,ուշադիր ու թիմային աշխատանքի պատրաստ Նախագծերի ղեկավար- Jira էքսպերտի։
Questrade International– ԿՐՏՍԵՐ ՏԵԽՆԻԿԱԿԱՆ ԽՄԲԱԳԻՐ
Տեղեկատվական տեխնոլոգիաների ոլորտում բազմաթիվ հաջողություններ գրանցած Questrade միջազգային ընկերությունը փնտրում է թիմային աշխատանքի հմտությամբ Կրտսեր տեխնիկական խմբագրի՝ համալրելու վեց տասնյակից ավելի աշխատակիցների շարքերը։
CLUBSIXTEEN– ԱՎԱԳ ANDROID ԾՐԱԳՐԱՎՈՐՈՂ
Նորարարական քեշբեք համակարգ ներկայացնող CLUBSIXTEEN ընկերությունը փնտրում է Ավագ անդրոիդ ծրագրավորողի՝ օժտված առաջնորդության ու թիմային աշխատանքի հմտություններով։
Vectar– ԱՎԱԳ REACT.JS և NODE.JS ԾՐԱԳՐԱՎՈՐՈՂ
Ֆրանսիական Vectuel ընկերության մասնաճյուղը Հայաստանում՝ Vectar ընկերությունը ցանկանում է համագործակցել Ավագ React.js և Node.js ծրագրավորողի հետ,ով բացի մասնագիտական հմտություններից կտիրապետի նաև գեղարվեստական և թիմային աշխատանքի հմտություններին, կառանձնանա իր նպատակասլացությամբ։
Թիմային աշխատանքի հմտություն ձեռք բերելու համար հարկավոր է՝
Կիրառել սիներգիայի գաղափարը և կոնսենսուսի մեթոդը,
Լինել նպատակասլաց,
Ունենալ բանակցելու հմտություններ,
Պատրաստ լինել կոմպրոմիսների համար,
Ունենալ կառուցողական քննադատողություն,
Պահպանել շփում, որի շնորհիվ կկարողանաք միասին լուծումներ գտնել։
