2021թ.-ին DISQO -ն կատարեց իր առաջին acquisition-ը, հայտարարեց ավելի խոշոր՝ Series B ներդրման մասին, ներգրավվեց Inc 5000 ցանկում՝ որպես գերարագ աճող ընկերություն, մեկնարկեց 5 կրթական ծրագիր… ու այլ բազում նորություններ ու փաստեր, որոնք նոր աճ ու զարգացում են ապահովում աշխատանք փնտրողների կողմից այսքան սիրված գործատուի համար:
DISQO ստարթափը հիմնադրվել է ԱՄՆ-ում 2015թ․-ին tech ոլորտին նվիրված հայ հիմնադիրների՝ Արմեն Աճեմյանի, Արմեն Պետրոսյանի և Դրո Քոչարյանի կողմից։ Այժմ ընկերությունը գրասենյակներ ունի ԱՄՆ-ի տարբեր քաղաքներում, Ֆինլանդիայում և Երևանում։ Ընկերությունը շուկայական հետազոտությունների ոլորտի համար առաջարկում է գործիքակազմ, որը կօգնի հետազոտողներին առավել ստույգ տվյալներ, վերլուծություններ ու եզրակացություններ ստանալ։
Ու այս բոլոր հաջողությունների հետևում՝ կուլիսներից այն կողմ մենք բացահայտել ենք 11 փաստ DISQO-ի մասին։
ՓԱՍՏ 1. 2021-Ի ԱՄՌԱՆԸ DISQO-Ն 85 ՄԼՆ SERIES B ՆԵՐԴՐՈՒՄ Է ՍՏԱՑԵԼ
DISQO-ի հայաստանյան գրասենյակի հիմնումը հնարավոր դարձավ 2018 թվականի Series A ներդրումից հետո (13.5 մլն ԱՄՆ դոլար)։ 3 տարի անց ընկերությունն արդեն հայտարարեց ավելի խոշոր՝ Series B ներդրման մասին (85 մլն)։ Այս հաջողությանը հասնելու համար հայաստանյան թիմն իր ուրույն դերն է ունեցել։
Այս ներդրումը DISQO-ն օգտագործելու է պրոդուկտի և թիմի ընդլայնման ուղղությամբ։ Հայաստանյան գրասենյակը պատրաստվում է ևս մեկ անգամ ընդլայնել տարածքը՝ կրկնապատկելով այն, ինչպես նաև աշխատակիցների փնտրման նոր գերարագ փուլ է սկսում՝ նախատեսելով հատել 100-ի շեմը 2021 թվականին։
2015 թվականին Արմեն Աճեմյանի, Արմեն Պետրոսյանի և Դրո Քոչարյանի հիմնադրած DISQO-ն այսօր ունի ավելի քան 300 աշխատակից և ներգրավում է նոր տաղանդներ ամբողջ աշխարհից։
ՓԱՍՏ 2. ԻՆՉՈ՞Ւ Է DISQO-Ն ԳՐՎՈՒՄ Q-ՈՎ
DISQO-ի անվանումը լսելիս այս հարցը շատերի մոտ է առաջանում։ Իրականում պատասխանը միանշանակ չէ. հաճախ Q-ն ներկայացնում է այն հարցերը (questions), որոնց պատասխանում են ընկերության հարցումների պանելի օգտատերերը, կամ մատնանշում է DISQO-ի սպառողական տվյալների որակը (Q for quality), և վերջապես, ինչպես թիմն է ասում՝ «ինչու՞ ոչ» եթե այն օգնում է տարբերվել ու ընդգծել բրենդի ու թիմի յուրահատկությունը, համարձակությունն ու այսպես կոչված՝ խարիզման։
Կարճ ասած՝ Q-ն ներկայացնում է DISQO-ի շուկայական առավելությունը, թե որպես պրոդուկտ, թե որպես ընկերություն և թե որպես թիմ։
ՓԱՍՏ 3. DISQO-Ի ՀԱՅԱՍՏԱՆՅԱՆ ԹԻՄՆ ԸՆԿԵՐՈՒԹՅԱՆ ՇՈՒՐՋ 40%-Ն Է ԿԱԶՄՈՒՄ
Սա նշանակում է, որ Հայաստանի թիմի աշխատանքն ահռելի ազդեցություն ունի բիզնեսի ու պրոդուկտի աճի ու զարգացման, ինչպես նաև ընկերության եկամտաբերության վրա։ Ավելին, նախատեսվում է, որ այս տարի հայաստանյան թիմը կհատի 100 աշխատակցի շեմը՝ շարունակելով ուղղակիորեն ազդեցություն ու ներգրավվածություն ունենալ ընկերության գլոբալ հաղթանակներում։ Օրինակ՝ ընկերության ամենաեկամտաբեր պրոդուկտներից մեկը նախագծվել և մշավել է Երևանյան թիմի կողմից ու հիմա այն օգտագործում են Fortune 500 ցանկում ներառված խոշորագույն ընկերությունները։
Իսկ ի՞նչ է իրենից ներկայացնում այդ պրոդուկտը։ Եթե հակիրճ՝ այն տրամադրում է հայտնի website cookie-ներին փոխարինող գործիքակազմ, որի օգնությամբ գովազդի և մարքեթինգի մասնագետներն առանց cookie-ների կչափեն իրենց գովազդների արդյունավետությունը՝ ըստ ճշգրիտ թիրախների։
Ինչպես թիմն է սիրում ասել՝ DISQO-ն իր պլատֆորմով ստեղծում է մի աշխարհ (cloud-based audience insights platform), որտեղ cookie-ները միայն քաղցրավենիքներ են։
ՓԱՍՏ 4. 2021-ԻՆ DISQO-Ն ՄԵԿՆԱՐԿԵՑ ՇՈՒՐՋ 10 ԿՐԹԱԿԱՆ ԾՐԱԳԻՐ՝ INTERNSHIP ԵՎ ԹՐԵՅՆԻՆԳ
Թրեյնինգներն ու ինթերնշիփերն ամենասպասված հնարավորություններն են եղել ըստ DISQO-ին ուղղած հարցերի։ Միայն 2021-ին ընկերությունն արդեն 5 ուղղությամբ շուրջ 10 կրթական ծրագրիր է մեկնարկել.
- 2 անվճար թրեյնինգ՝ վճարովի փորձաշրջանի հնարավորությամբ՝ Java և DevOps մասնագետների համար՝ ACA-ի հետ համագործակցությամբ։ Սա DISQO-ի ամենամեծ կրթական ծրագիրն է, քանի որ այն մեծ ներդրում է մասնագիտական համայնքում։ Այսպես՝ թրեյնինգն ավարտած շուրջ 50 մասնակիցներից միայն մի քանիսը կարող են հետագայում անցնել DISQO-ում փորձաշրջանի կամ աշխատանքի ընդունվելու հնարավորություն ունենալ, իսկ մնացած տասնյակ որակավորված մասնագետները բաց կլինեն առաջարկների մյուս խոշոր ընկերությունների կողմից,
- 2 անվճար թրեյնինգ Արցախի երկրորդ պատերազմի մասնակիցների համար (Java և Product Management) , որն ավարտեցին 27 հոգի, որոնցից լավագույնս դրսևորած 4-ը հնարավորություն են ստացել ավելի խորացնել իրենց գիտելիքները՝ ընկերության մյուս ծրագրերում ներգրավվելով,
- Վճարովի ամառային փորձաշրջան տվյալագետների համար, որի շրջանակներում թիմի իրական նախագծերի վրա աշխատելու հնարավորություն է տրվել,
- Կրթաթոշակներ գիտական ու տեխնոլոգիական լրագրությանը մասնակցող ուսանողներին։ DISQO-ն նաև Գիտուժ նախաձեռնության անդամ է և ի աջակցություն գիտության ու տեխնոլոգիաների զարգացմանը՝ ընկերությունը որոշեց միանալ ISTC-ի և Գիտուժի նախաձեռնությանն ու աջակցել, թե ֆինանսապես և, թե գիտելիքով ու փորձով,
- 3-ից ավելի այլ փորձաշրջաններ, որոնցից մեկին միանալու հատուկ հնարավորություն է ստացել Արցախյան պատերազմի մի մասնակից, ով թիմին է միացել հենց Ստեփանակերտից՝ գտնվելով վերականգնողական բուժման փուլում։
Այս ամենն իրականացվել է 2021 թվականին և կրելու է շարունակական բնույթ։
Դե իսկ ընկերության ավանդույթ դարձած փորձի փոխանակման միջացառումները, վեբինարներն ու հանդիպումները շարունակում են ընդլայնվել նոր թեմաներով ու խոսնակներով։
ՓԱՍՏ 5. DISQO-ՈՒՄ ԱՇԽԱՏԱՆՔԱՅԻՆ ԳՐԱՖԻԿԸ ՃԿՈՒՆ Է ԵՎ ԱԶԱՏ
DISQO -ի աշխատակիցներն ազատ են աշխատել և տանից, և գրասենյակից՝ ըստ հարմարության ու ցանկության։ Պանդեմիային թիմը շատ արագ հարմարվեց, քանի որ պրոցեսներն ու մեխանզիմներն արդեն իսկ հարմարեցված էին։ Արդյունքում՝ ընկերությունն ամբողջովին տեղափոխվեց նոր իրականություն, որտեղ յուրաքանչյուրն ազատ է ընտրել իր աշխատանքային գրաֆիկը՝ ըստ սահմանած նպատակների ու աշխատանքային սպասելիքների։
Օրինակ՝ թիմերը պայմանավորվել են ուրբաթ օրերին հանդիպել գրասենյակում, թե գործնական իրական հանդիպումների, թե շփումների համար։ Եվ որ կարևոր է, կարիք չկա հատուկ դիմում կամ պրոցես անցնել հեռահար աշխատելու համար, ընդամենը հարկավոր է համաձայնեցնել թիմի հետ՝ ըստ պատասխանատվության տակ եղած առաջադրանքների ու նախագծերի գրաֆիկների։
ՓԱՍՏ 6. ՄԻ ՔԱՆԻ ՎԻՃԱԿԱԳՐԱԿԱՆ ՓԱՍՏԵՐ DISQO-Ի ԹԻՄԻ ՄԱՍԻՆ
Վերջերս DISQO-ն ընդգրկվեց Inc 5000 ցանկում՝ որպես գերարագ աճող ընկերություն։ Ընկերությունը նախորդ տարի ևս ընդգրկվել էր այս ցանկում։
DISQO-ն նաև մի քանի անվանակարգերում ճանաչվել է որպես լավագույն գործատու, որտեղ աշխատակիցների 96%-ը պնդում է, որ իրեն երջանիկ է զգում աշխատավայրում և խորհուրդ կտա ընտրել DISQO-ն որպես լավագույն աշխատատեղ։
Մի հետաքրքիր վիճակագրություն էլ թիմից. DISQO-ի ներկայիս աշխատակիցների 42%-ն ընկերությանն է միացել ավելի մեծ կազմակերպություններից՝ այստեղ գտնելով (ըստ հարցման արդյունքների)
- կարիերայի աճ,
- ընկերության ամբիցիոզ նպատակներ,
- անձնական արժեքների համընկնում ընկերության արժեհամակարգի հետ։
ՓԱՍՏ 7. DISQO-Ն 2021-ԻՆ ՖԻՆԼԱՆԴԱԿԱՆ ԸՆԿԵՐՈՒԹՅՈՒՆ Է ԳՆԵԼ
DISQO-ն վերջերս կատարեց առաջին acquisition-ը. գնեց այլ ընկերություն Ֆինլանդիայում՝ ընդլայնելով թիմը Եվրոպայում ևս։ Ընկերությունն այժմ թիմակիցներ ունի աշխարհի ամենատարբեր կետերից՝ ԱՄՆ, Մեքսիկա, Կանադա, Մեծ Բրիտանիա, Ֆինլանդիա, Ուկրաինա, Չինաստան և, իհարկե, Հայաստան։
Քանի որ Հայաստանի գրասենյակը երկրոդ ամենախոշոր գրասենյակն է, որն ունի նաև ստրատեգիկ կարևորություն, այստեղ ևս ներգրավում են աշխատակիցների արտասահմանից։ Սա առիթ է, թե հայրենադարձության, և թե այալզգի մասնագետների վերաբնակեցման։ Երկուսի օրինակն էլ կա ընկերությունում և նպատակադրված ենք թիմը նորերով համալրելու։
ՓԱՍՏ 8. DISQO-Ի ԱՇԽԱՏՈՂՆԵՐՆ ՍՏԱՆՈՒՄ ԵՆ STOCK OPTION-ՆԵՐ
Stock option-ները այսպես ասած բաժնետոմսեր են, որոնք աշխատակիցները կարող են թողարկել, երբ ընկերությունը դառնա հանրային կամ այսպես ասած IPO անի: Քանի որ սեփականության զգացումը (ownership) ընկերության կարևոր արժեքներից է, stock option-ների տրամադրումը աշխատակիցներին շահագրգռում է նրանց ընկերության աճի ու զարգացման մեջ իրենց ներդրումն ունենալու համար։
ՓԱՍՏ 9. DISQO-Ի ՂԵԿԱՎԱՐՈՒԹՅՈՒՆԸ «ԾԱՌԱՅՈՒՄ» Է ԹԻՄԻՆ, ԿԱՄ ԱՅԼ ԿԵՐՊ ԱՍԱԾ՝ SERVANT LEADERSHIP
Ի՞նչ է սա նշանակում։ 21-րդ դարում փոխվել է առաջնորդության ու ղեկավարության մոդելն ու փիլիսոփայությունը։ Հաջողող ու աճող թիմերը փորձում են անցում կատարել ավանդական մոդելներից և servant leadership-ը նոր ձևավորվող փիլիսոփայություններից է, որտեղ առաջնորդի նպատակը ծառայելն է: Ավանդական ղեկավարությունից տարբերությունն այն է, որ այստեղ առաջնորդի հիմնական ուշադրությունն ընկերության զարգացումից փոխվում է մարդկանց վրա. զարգացնել աշխատակիցներին՝ ընկերության զարգացմանը համընթաց։
Սրա նպատակով է, որ չնայած ընկերության արագ աճին, թիմին նոր միացողները հատուկ հանդիպումներ են ունենում գործադիր տնօրենի հետ ավելի մտերիմ ծանոթության համար։
ՓԱՍՏ 10. DISQO-Ն ՍՏԵՂԾԵԼ Է ԱՄՆ-Ի ՀԱՄԱՐ 1 ՀԱՐՑՈՒՄՆԵՐԻ ՊԱՆԵԼԸ, ՈՐՆ ԱՄԵՆԱԽՈՇՈՐՆ Է ՏԱՐԱԾԱՇՐՋԱՆՈՒՄ
Այդ ինչպե՞ս։ DISQO-ն ունի հարցումներ իրականացնելու պանել։ Այստեղ օգտատերերն իրենց կարծիքն են տրամադրում տարբեր հարցումներ լրացնելով և փոխհատուցվում դրանց համար։ Այս պանելի ստեղծվելուց ի վեր ներգրավվել են 20 միլիոնից ավելի սպառողներ ԱՄՆ-ից, Կանադայից և Ավստրալիայից։ Սրա շնորհիվ ընկերությունը ստեղծում է այն հզոր գործիքակազմը, որն օգնում է մարքեթինգային հետազոտողներին ու գովազդի մասնագետներին իրենց սպառողներին ու թիրախներին ավելի լավ հասկանալու ու ճանաչելու հարցում։
Ինչպե՞ս. միահյուսելով կարծիքային ու պահվածքային տվյալները և կապելով այս երկու հետազոտական աշխարհները, որ մինչ այս գործում էին անջատ: Ու, ի դեպ, DISQO-ն առաջինն է այս լուծումը տրամադրում։ Ինչպես վերը նշեցինք, այս գործիքակազմի առավելությունը նաև այն է, որ այն գործ ունի ուղղակիորեն սպառողից հավաքագրած ճշգրիտ տվյալների հետ, ուստի տրամադրած լուծումներն ինքնին լինում են էլ ավելի որակյալ և ճշգրիտ։
Ընկերության գործունեության ընթացքում այս պանելում անցկացվել են 60 միլիոնից ավելի հարցում և ամսական գրանցվում են 1 միլիարդից ավելի թվային գործողություն սպառողների կողմից (գնումներ, որոնումներ, և այլն)։
ՓԱՍՏ 11. DISQO-ԻՆ ՎՍՏԱՀՈՒՄ ԵՆ ԳԼՈԲԱԼ ՄԱՍՇՏԱԲՈՎ ԹՈՓ 1000 ԸՆԿԵՐՈՒԹՅՈՒՆՆԵՐԻ ՑԱՆԿԻՑ
DISQO-ի տրամադրած լուծումներն ու տեխնոլոգիան հետաքրքրում է խոշոր հետազոտական և բրենդային ընկերությունների, գովազդային գործակալությունների մարքեթինգային թիմերին ։ Ընկերությունն այժմ աշխատում է 175 աշխարհահռչակ բրենդի, 125 խոշորագույն հետազոտական ընկերության և 35 առաջատար գովազդային գործակալության հետ։
Նշենք մի քանի օրինակ. հայտնի հոլիվուդյան ֆիլմերից շատերն իրենց թրեյլերների արդյունավետությունը չափել են DISQO-ի Ad Measurement պլատֆորմի միջոցով։ Այսինքն՝ DISQO-ն ճշգրիտ վերլուծություն է տրամադրել, սպառողի գնման պահվածքի վրա գովազդի ազդեցության, որը չափվում է ոչ միայն լոկ գովազդի ցուցադրություններով կամ click-երով, այլ մի քանի հարթակներում կատարած գործողություններով։
Հաջորդ օրինակը է DISQO-ի հաճախորդներից Kroger-ից է, որը ԱՄՆ-ի ամենախոշոր օնլայն սուպերմարկետն է ըստ եկամուտի` տարեկան 121.16 միլիարդ դոլլար, և աշխարհի խոշորագույն ընկերությունների Fortune 500-ի ցանկում 23-րդ տեղն է զբաղեցնում։
DISQO-ի հետ համագործակցությամբ այս ընկերությունը ստանում է այնպիսի խորը վերլուծություն իրենց գնորդների վերաբերյալ, որ դեռևս անհասանելի էր իրենց։ Ավելին՝ նրանք հնարավորություն են ստանում իրենց սպառողների վարքագծին ծանոթանալ ավելի լայն առևտրային շրջանակներում։
Ամփոփելով նշենք, որ DISQO-ն չի սահմանափակվում 11 փաստով և պատրաստվում է նոր ձեռքբերումների՝ գրասենյակի ու թիմի ընդլայնում, նոր աշխատատեղեր ու նոր թիմեր հայաստանյան գրասենյակում, ամերիկյան և եվրոպական թիմերի այցեր ու փորձի փոխանակություն, նոր փորձաշրջաններ ու կրթական ծրագրեր, համայնքային միջացառումներ, և այլն։
Հետևեք ընկերության թարմացումներին սոցցանցերում և առաջինը տեղեկացեք մեծ լուրերի ու հնարավորությունների մասին։
