Մեզնից յուրաքանչյուրն իր կյանքի ընթացքում առնվազն մեկ անգամ առնչվել է պոտենցիալ Գործատուի հետ՝ լավ կամ վատ տպավորություն ստանալով, իսկ այնուհետև սկսել է կիսվել իր ընկերների, հարազատների ու տարբեր մարդկանց հետ իր տպավորություններով ու պատկերացումներով։ Դե հասկանալի է, սա մարդու բնույթն է։ Իսկ վերջնական արդյունքում էլ այս պատկերացումների հիման վրա էլ կայացրել տվյալ պոտենցիալ Գործատուի աշխատանքին դիմելու կամ աշխատանքի առաջարկը ընդունելու որոշումը։
Եթե խոսենք փաստերով, ապա ըստ Glassdoor-ի կողմից կատարված ուսումնասիրության թեկնածուների 60%-ը վատ փորձառություն է ունենում պոտենցիալ Գործատուի հետ, և նրանցից 72%-ը այլ մարդկանց հետ կիսվում է իր տպավորություններով։ Դե կարծում եմ արդեն պատկերացրեցիք, որ թեկնածուի լավ փորձառությունը կարող է նպաստել Ձեր պոտենցիալ Գործատուի նկատմամբ վստահության ու հարգանքի ձևավորմանը և Ձեր HR բրենդի հզորացմանը, մինչդեռ թեկնածուի վատ փորձառությամբ դուք քանդում եք արդեն իսկ գործադրած ձեր ջանքերն ու ոչ միայն պոտենցիալ Գործատուի, այլ նաև ընկերության բրենդը։
Թեկնածուներն ակնկալում են միևնույն անհատական վերաբերմունքն ու ուշադրությունը, ինչ-որ ստանում են ձեր ընկերության մարքեթինգային արշավների ընթացքում՝ որպես հաճախորդ։ Եվ պատահական չէ, որ վերջին ժամանակաշրջանում ընկերությունների մոտ ակտիվորեն զարգանում է «Առաջինը՝ թեկնածուն» մտածելակերպը, այնպես, ինչպես «Առաջինը՝ հաճախորդը»։
Այս մոտեցումն ընկերություններին հնարավորություն է տալիս թեկնածուների լայն բազայից ընտրել լավագույններին, ամենահամապատասխաններին և ընտրողաբար մոտենալ ռեքրութմենթի հարցում, ինչպես նաև կրճատել Գործատուի բրենդի և hiring-ի վրա ծախսված ռեսուրսները (ժամանակ, փող, մարդկային ռեսուրս և այլն)։
Իսկ ի՞նչ է թեկնածուի փորձառությունը (Candidate experience)
Այսպիսով, Candidate experience-ը փոխազդեցությունն է պոտենցիալ գործատուի հետ՝ սկսված աշխատանքի որոնումից, աշխատանքին դիմելուց, հարցազրույցին մասնակցելուց մինչև աշխատանքի առաջարկի ընդունումը և աշխատանքի պայմանների քննարկումը։
Որպեսզի ռեքրութերները կարողանան բարելավել Candidate experience-ը, պատկերավոր ասած, պետք է կարողանան անցնել աշխատանքի ընդունման (hiring) բոլոր փուլերով «թեկնածուի կոշիկ» հագած․ գտնեն թափուր աշխատատեղը, դիմեն հաստիքին, հարցազրույց պլանավորեն և դերային հարցազրույց ունենան HR ղեկավարի հետ հասկանալու, թե ինչ է նշանակում լինել տվյալ ընկերության թեկնածու։ Այս գործընթացը կարող է շատ աննկատ մանրուքներ բացահայտել, որոնք շտկման կարիք ունեն։
Որպեսզի կարողանաք օպտիմալացնել Candidate experience-ը, ստորև ներկայացնում ենք 5 ռազմավարական քայլ։
5 ՌԱԶՄԱՎԱՐԱԿԱՆ ՔԱՅԼ CANDIDATE EXPERIENCE-Ը ԲԱՐԵԼԱՎԵԼՈՒ ՀԱՄԱՐ
- Հստակեցրեք ձեր սպասումները․ թեկնածուները սովորաբար հավատարիմ են այն բրենդներին, որոնք թափանցիկ են։ Թափանցիկությունը սկսվում է աշխատանքի ընդունման գործընթացի ամենաառաջին փուլից՝ աշխատանքի նկարագրությունից։ Ներկայացրեք, թե ինչ հմտություններ, մարտահրավերներ ու պարտականություններ է ներառում այդ աշխատանքը։ Թեկնածուների նախնական ընտրությունից հետո տեղեկացրեք, թե ինչ ժամանակահատվածում ինչ փուլեր են սպասվում։ Օրինակ, անակնկալները հարցազրույցի ճնշող միջավայրում ընդհանրապես ընդունելի չեն։
- Ապահովեք անմիջական կապ․ Սահուն հաղորդակցությունն ամենակարևոր գործոնն է, որի միջոցով կարող եք ներգրավել տաղանդներին և ունենալ լավագույն Candidate experience-ը։ Ըստ HireBee ռեքրութմենթի հարթակի կողմից կատարված ուսումնասիրության․ «Թեկնածուների հետ հաղորդակցության բարելավումը – դիմումների կարգավիճակի մասին թեկնածուներին տեղեկացումը, անհատական նամակների ուղարկումը, կարող է զգալիորեն նպաստել դիմումների և կրկնակի դիմումների (որոշ ժամանակ անց այլ համապատասխան հաստիքի առկայության դեպքում նույն թեկնածուի դիմում) քանակի աճին»։
- Կազմակերպեք թեկնածուների սքրինինգը հմտությունների ավտոմատացված գնահատման միջոցով․ Հմտությունների ավտոմատ գնահատմամբ կարող եք արդյունավետ կերպով որոշել թեկնածուի կարողությունները և ապահովել անկողմնակալություն։
- Օգտագործեք ճիշտ գործիքներ․ Ամենամեծ խնդիրը, որը կարող է խոչընդոտել լավագույն candidate experience ձևավորելուն, ժամանակի սղությունն է, երբ ռեքրութերը չի հասցնում անհրաժեշտ ժամանակ հատկացնել յուրաքանչյուր թեկնածուին։ HR tech լուծումը կարող է այս հարցում իր վրա վերցնել ամենօրյա կրկնվող աշխատանքի առյուծի բաժինը։ HireBee դիմումների կառավարման համակարգը, օրինակ, կարող է ավտոմատացնել թեկնածուներին ուղարկվող հաղորդագրությունները, հեշտացնել նամակագրությունը, ապահովել թեկնածուի սքրինինգը AI ալգորիթմով, արխիվացնել թեկնածուի պատմությունը և միաժամանակ տրամադրել բրենդավորված կարիերայի էջ ու վիզուալ ստուդիա թեկնածուին ուղղված միևնույն մեսիջը տարբեր աղբյուրներով ներկայացնելու համար։
- Բարելավեք ձեր գործատուի բրենդը․ Վերաբերվեք ձեր Candidate experience-ին այնպես, ինչպես հաճախորդների experience-ին։ Արդյո՞ք հեշտ է թեկնածուի համար գտնել տեղեկատվություն ձեր ընկերության մշակույթի, բենեֆիթների, աշխատանքային միջավայրի մասին։ Արդյո՞ք թեկնածուն կսեղմի «Դիմել» կոճակին նույնքան վստահությամբ, որքան «գնել» կոճակին։ Այս լենսով դիտելը միանշանակ կփոխի ձեր մոտեցումը թեկնածուների փորձառության նկատմամբ և կնպաստի նոր ու ավելի կառուցողական ռազմավարության մշակմանը։
ՍՏԵՂԾԵՔ ԼԱՎԱԳՈՒՅՆ
CANDIDATE EXPERIENCE-Ը
Կատարեք ձեր հաջորդ քայլը և բարելավեք ձեր թեկնածուների հետ կապը՝ օգտվելով ռեքրութմենթի կառավարման AI գործիքներից։ ԳՐԱՆՑՎԵԼ 14-ՕՐՅԱ ԱՆՎՃԱՐ ԴԵՄՈ ՏԱՐԲԵՐԱԿԻՆ։
