21-րդ դարում, երբ ամենաթանկ ռեսուրսը ժամանակն է, օրինաչափ ու տրամաբանական է արագացնել և օպտիմալացնել աշխատանքային գործընթացները՝ թվայնացնելով այն, ինչը հնարավոր է թվայնացնել՝ բարձրաձնելով կատարվող աշխատանքի արդյունավետությունը։ Չէ՞ որ մեր օրերում, երբ կան լվացքի մեքենաներ և լվացքատներ, ոչ ոք չի անում լվացքը գետում՝ քարին խփելով։ 

Սակայն ամեն օր ուսումնասիրելով մի քանի տասնյակ թեկնածուների աշխատանքային դիմումներ, տպավորություն է ստեղծվում, որ մենք ընդհանուր առաջընթացից հետ ենք մնացել և, ցավոք, հաճախ նախընտրում ենք «լվացքն անել գետում քարի վրա»։

Հեղինակային այս հոդվածում որոշեցինք անդրադարձ կատարել աշխատանքային դիմումներում ամենահաճախ հանդիպող խնդիրներին, ժամանակին համընթաց չշարժվելու արդյունքում ցանկալի արդյունք չունենալու հետևանքներին և ավելի զարգացած աշխատաշուկա ունենալու առավելություններին։

Մեկնաբանություններում «+» դնելը հարցի լուծում չէ

Եթե ակտիվորեն աշխատանք եք փնտրում, վստահաբար կարող ենք ասել, որ սոց․ցանցերում աշխատանքի հայտարարությունների մեկնաբանություններում պարզապես «+» դնելն ու սպասելը, որ գործատուն ինքը կզանգահարի ձեզ, չի օգնի ձեզ գտնել աշխատանք։ Դա ուղիղ ճանապարհ է դեպի «գործ չկա (տխուր սմայլիկ)» ոճի գրառումներ։ Պետք է մի քիչ ավելի նախաձեռնող լինել։

Եթե իսկապես աշխատանք եք փնտրում կամ, ինչո՞ւ ոչ, ունեք աշխատանք, բայց դեմ չէիք լինի պահել ձեռքն «աշխատաշուկայի զարկերակի» վրա, staff.am-ն այն հարթակն է, որն ընդամենը մեկ հպումով ձեզ հնարավորություն կտա տեսնելու ՀՀ ավելի քան 3000 ընկերության աշխատանքի հայտարարությունները։ Կարելի է փնտրել աշխատանքներն ըստ ընկերությունների, ոլորտների կամ նույնիսկ հմտությունների։ Գրանցվելով staff.am-ում՝ կարելի է հետևել ձեր նախընտրած ընկերություններին և մշտապես տեղյակ լինել, թե ինչ հաստիքներ են դրանք առաջարկում, բաց չթողնելով դիմելու պահը։ 

«ԳործԿա» քո սմարթֆոնում

Սմարթֆոնի դարաշրջանում հավելված ունենալը լրացուցիչ հնարավորություն է օգտատերերի համար էլ ավելի հասանելի լինելու համար։ staff.am-ը՝ ժամանակի հետ համընթաց քայլելով, գիտակցում է դա և ունի թե՛ Android-ի, թե՛ iOS-ի համար նախատեսված հավելված, որը հնարավորություն է ընձեռում ցանկացած վայրում ցանկացած պահի հետևել աշխատաշուկայի նորություններին։

Գրանցվելով հավելվածում՝ դուք մշտապես ծանուցումներ կստանաք, եթե ըստ ձեր նախընտրած ընկերության, ոլորտի կամ ընտրված հմտությունների հայտնվեն նոր աշխատանքներ։ Այսպիսով՝ աշխատանքի որոնման գործընթացը կդառնա էլ ավելի դյուրին ու հնարավորություն կտա թե՛ շատ արագ իմանալու նորություններն ու առաջինը դիմելու, թե՛ մշտադիտարկելու աշխատաշուկան ու բաց չթողնելու հետաքրքիր առաջարկները։

CV-ն՝ ճիշտ առաջին տպավորություն գործելու միակ հնարավորություն

CV-ի կազմումն այն խնդիրներից է, որին կյանքում գոնե մեկ անգամ բախվում են գրեթե բոլորը։ Անգամ ամենապահանջված ու փորձառու մասնագետները երբեմն դժվարություններ են ունենում գրագետ ռեզյումե կազմելու և պոտենցիալ գործատուներին լավագույնս ներկայանալու հետ։ Եվ խնդիրը կարող է լինել ինչպես ռեզյումե կազմելու փորձի բացակայության մեջ, այնպես էլ պարզ մարդկային ծուլության։ Բայց ռեզյումեն ձեր դեմքն է, ձեր միակ հնրավորությունն այնպիսի առաջին տպավորություն գործելու, որ ձեզ երկրորդը գործելու հնարավորություն ընձեռվի։ Ուստի շատ կարևոր է, որ CV-ն կազմված լինի գրագետ ու ներառի ձեր մասին ողջ կարևոր տեղեկատվությունը։ staff.am-ն ավտոմատացրել է նաև այդ գործընթացը՝ ընձեռելով հնարավորություն հենց կայքում կամ հավելվածում ստեղծել ճիշտ կազմված և ինֆորմատիվ CV, որը գործատուին կպատմի կարևորը ձեր մասին։ Եվ այս ամենը ևս՝ մեկ հպմամբ, արագ ու խնայելով ձեր ժամանակը։

Օգտվելով staff.am-ի կողմից տրամադրվող գործիքներից դուք հնարավորություն կունենաք «գետի մեջ քարի վրա լվացք չանելու» և միաժամանակ ապացուցելու ինքներդ ձեզ ու ողջ աշխարհին, որ «տաշած քարը գետնին չի մնա»։

Powered by staff.am.