Մեր օրերում ֆինանսական և հյուրանոցային ոլորտը աճող ու զարգացող է, իսկ ոլորտի լավ մասնագետները՝ մշտապես պահանջված։ Ըստ staff.am-ի կատարած վերլուծության ՀՀ-ում վերջին մի քանի ամիսների ընթացքում աշխատանքների 14%-ը հենց ֆինանսաբանկային ոլորտում են, իսկ 5%-ը՝ հյուրանոցային ոլորտում։
Այս շաբաթ StaffBlog-ի շրջանակներում ձեզ ենք ներկայացնում staff.am-ի գործընկեր կազմակերպություններում առկա աշխատանքի հնարավորությունները` ֆինանսաբանկային և հյուրանոցային ոլորտներում։
ՎՏԲ Հայաստան
ՎՏԲ Հայաստան բանկը, որը զբաղվում է տարաբնույթ ավանդների ընդունմամբ, վարկերի տրամադրմամբ, միջազգային փոխանցումների իրականացմամբ և կոմունալ ծառայությունների վարձավճարների ընդունմամբ, իր թիմ է հրավիրում պատասխանատու բանկի խորհրդի քարտուղարի:
Armswissbank
Armswissbank-ը, որի առաքելությունն է բացահայտել հաճախորդների կարիքները` նրանց տրամադրելով միջազգային լավագույն փորձին համահունչ ֆինանսական լուծումներ, իր թիմ է հրավիրում աշխատասեր և ուշադիր վարկային ռիսկերի կառավարչի։
Teach for Armenia
Teach for Armenia կազմակերպությունը, որի նպատակն է Հայաստանի ապագա սերունդների կրթական երազանքն իրականություն դարձնելը, աշխատանքի է հրավիրում ռազմավարական մտածելակերպով և քննադատական մտածողությամբ ֆինանսների գծով ղեկավարի։
Ameriabank 
Ամերիաբանկը, որն առաջարկում է անհատականացված ֆինանսաբանկային լուծումներ, իր թիմ է հրավիրում սպասարկման որակի նախագծերի համակարգողի և սպասարկման որակի և բողոքների ավագ համակարգողի։
Deltapro
Դելտապրո ընկերությունը, որը հագեցած է ժամանակակից տեխնիկայով և հոսքագծերով, հրավիրում է աշխատանքի փորձառու ֆինանսական տնօրենի։
Byblos Bank Armenia 
Բիբլոս Բանկ Արմենիա-ն առաջնային դիրք զբաղեցնող ֆինանսական հաստատություն է՝ մասնագիտացված տեղական և որոշ արտասահմանյան շուկաներում, որը փնտրում է թիմային աշխատանքի հմտությամբ անհատական բանկիրի։
ConverseBank
Կոնվերսբանկ ընկերությունը դինամիկ զարգացող բանկ է, որն առաջարկում է բազմատեսակ ծառայություններ ֆիզիկական և իրավաբանական անձանց համար։ Ընկերությունն աշխատանքի է հրավիրում գլխավոր մասնագետի՝ պլանավորման, վերլուծությունների և մեթոդոլոգիայի բաժնում աշխատելու համար։
CARD AgroCredit UCO
ՔԱՐԴ ԱգրոԿրեդիտ Ունիվերսալ Վարկային Կազմակերպության առաքելությունն է աջակցել Հայաստանի գյուղատնտեսության կայուն զարգացմանը՝ արդյունավետ և ճկուն ֆինանսական ծառայությունների մատուցման միջոցով: Այժմ ընկերությունը համագործակցության է հրավիրում հետգործառնական բաժնի մասնագետի Մասիսի մասնաճյուղում։
Ginosi Apartels & Hotels
Գինոսի Ափարթելսը & Հոթելսը ափարթելների միջազգային ցանց է, որը կարճաժամկետ վարձակալությամբ տրամադրում է բնակարաններ հանգստի կամ բիզնես նպատակով։ Ընկերությունն այժմ փնտրում է խանդավառ և խելացի ֆինանսական բաժնի թիմակցի։
AMF Consulting 
ԷՅ ԷՄ ԷՖ Քոնսալթինգ գործարար խորհրդատվական ընկերությունը աշխատանքի է հրավիրում երիտասարդ և պրոֆեսիոնալ կառավարչական հաշվապահի, ով տեսնում է իր կարիերան ֆինանսների կառավարման և հաշվապահության ոլորտում։
