Մեկնարկեց «Վերափոխելով բանականությունը» խորագրով «Գլոբալ ինովացիոն ֆորում»-ը, որի ընթացքում աշխարհի 20 երկրների ավելի քան 90 գիտնականներ, նորարարության և բիզնես ոլորտի ներկայացուցիչներ քննարկում են արհեստական բանականության դրսևորումները տարբեր ոլորտներում։ StaffBlog-ը՝ որպես կարիերայի մեդիա գործընկեր, ձեզ հետ կկիսվի կարիերայում AI-ի ունեցած ազդեցության մասին՝ հարցազրույց ունենալով ակնառու հյուրերի, ներկաների և տարբեր ոլորտի գիտնականների հետ։
Այսօր զրուցեցինք Foundation for Armenian Science and Technology (FAST) համահիմնադիր, խորհրդի անդամ Նուբար Աֆեյանի հետ։
Ինչպիսի՞ ազդեցություն կունենան արհեստական բանականությունը, մեծ տվյալները և մեքենայական ուսուցումը յուրաքանչյուրիս կարիերայում։
Արհեստական բանականությունը մեծ ազդեցություն կունենա մեր կյանքի վրա՝ ներառյալ կարիերայի: Ես կարծում եմ, որ կարիերայի առումով յուրաքանչյուրը կշահի, եթե ծանոթ լինի Արհեստական բանականությանը (AI): Հակառակ դեպքում այն սարսափ ֆիլմ կհիշեցնի:
Օրինակ որոշ հավելվածների հետ աշխատելը կամ օնլայն ինչ-որ գործիքի օգտագործումը, որոնք արհեստական բանականության ալգորիթմներ են պարունակում, թույլ կտա տեղեկացված լինել տվյալ ոլորտին և միայն օգտակար կլինի։
Տարբեր ժամանակաշրջաններում գիտական նորությունները լուրջ ազդեցություն են ունեցել, կխնդրենք նշել արհեստական բանականության 1 առավելություններից և 1 թերություններից։
Հարյուրավոր առավելություններ կան: Սակայն, եթե անհրաժեշտ է պարզապես մեկը նշել, ապա կնշեմ հետևյալը. մարդիկ կարող են առնչվել բարդագույն երևույթների հետ, որոնք նախկինում գոյություն չեն ունեցել և անկանխատեսելի են: Սակայն նրանք չեն կարող գործ ունենալ հազարավոր այնպիսի երևույթների հետ, որոնք ուղիղ համեմատական են վերոնշյալ անկանխատեսելի երևույթներին: Ահա այս ամենի մասին է իրականությունը, շուկան:
Սրանք առավելություններ են, որոնց արդյունքը՝ վերլուծությունը, եզրահանգումը մենք հասկանալ չենք կարող:
Որպես թերություն կարող եմ ավելացնել այն, որ մարդկանց համար անհարմարություն կստեղծվի, քանզի նրանք մշտապես ցանկանում են հասկանալ ամեն բան: Իսկ սրանք ալգորիթմներ են, որոնք պարզապես անհասկանալի են: Մարդկանց պարզապես հասկանալուց և կառավարելուց զատ պետք է գտնենք փոխազդեցության ընդհանուր եզրեր: Ինչն էլ, իհարկե, անհնարին չէ մեր ժամանակներում։
Զրուցեց Նազելի Բադալյանը
Լուսանկարի աղբյուրը՝ Flagship Pioneering
