staff.am –ն այսօր մեծ ուրախությամբ նշում է իր առաջին տարեդարձը։ Անհավատալի է, բայց staff.am-ն արդեն 1 տարի է հայկական աշխատաշուկայում ծավալում է իր գործունեությունը, բերելով իր հետ նոր մշակույթ, աշխատանք և աշխատակից գտնելու գործընթացը դարձնելով առավել արդյունավետ, և նպաստելով գործատու-աշխատանք փնտրող անմիջական կապի ստեղծմանը։
Մեր անցած տարին
Մեր հարթակի թողարկումից հետո, շարունակել ենք աշխատել և նոր գործիքներ ու հնարավորություններ ավելացնել արդեն առկա ֆունկցիոնալին։
Անչափ հպարտ ենք մեր ձեռքբերումների համար նույնպես՝
Ավելի քան 13,000 գրանցված անհատներ
Ավելի քան 500 գրանցված ընկերություններ
Աշխատանքի փնտրման առաջին մասնագիտաված հավելվածը Հայաստանում` ինչպես iOS այնպես էլ Android համակարգերում, որոնք արդեն ունի ավելի քան 3,000 ներբեռնու
Ավելի քան 200 հոդված մեր StaffBlog-ում
Ակտիվ մասնակցություն հայկական ստարթափ միջոցառումներին։
Ուրախությամբ արձանագրում ենք, որ շատ կարճ ժամանակահատվածում կարողացել ենք մի շարք առումներով առաջատար դիրքեր զբաղեցնել ՀՀ շուկայում։
Ամեն ինչ դեռ առջևում է
Նոր ծրագրերը շատ-շատ են, իսկ մեր թիմը մեծ եռանդով աշխատում է դրանց իրականացման համար։
Պլանավորում ենք մեր հարթակում ավելացնել նոր գործիքներ, որոնք աշխատանք և աշխատակից փնտրելու գործընթացը կդարձնեն ավելի արդյունավեռ, և կխնայեն ժամանակ։
Մեծ հաճույքով իրականացնելու ենք Brand Advocates ծրագիրը, որն արդեն ի դեպ բավականին մեծ ուշադրության է արժանացել։
#StaffBlog-ի շրջանակներում ներկայացնելու ենք նոր նախագծեր, նոր և հետաքրքիր հետազատություններ և վերլուծություններ։
Շարունակելու ենք զարգացնել staff.am Trainings մոդուլը, քանի որ հավատացած ենք, որ այս ոլորտում շատ անելիքներ ունենք։
Ամեն ինչ իսկապես դեռ առջևում է ։)
Շնորհակալ ենք, որ մեզ հետ եք
Այս ամենը հնարավոր չէր լինի առանց մեր սիրելի օգտատերերի աջակցության։ Անչափ շնորհակալ ենք մեզ հետ մեր ձեռքբերումները կիսելու համար, մեր ուժերին հավատալու և վստահելու համար։ Վստահորեն կարող ենք ասել, որ շատ բան ենք սովորել ձեզանից, և դեռ շատ բան էլ ունենք սովորելու։ Հավատացած ենք, որ շատ երկար ճանապարհ ունենք անցնելու, և գիտենք որ այդ ճանապարհն անցնելու ենք միասին։
