Hirebee-ն կմասնակցի Կաննի AI համաշխարհային փառատոնին

823

Hirebee հավաքագրման ավտոմատացման համակարգը կմասնակցի Կաննի արհեստական բանականության համաշխարհային փառատոնին (WAICF), որը կանցկացվի ապրիլի 14-ից 16-ը։ 

Ֆրանսիական Կաննում անցկացվող փառատոնն այս տարի կմիավորի 150-ից ավելի AI առաջատար ընկերություններ և անհատներին՝ բացահայտելու արհեստական բանականության վերջին նորարարությունները, նոր միտումները և հանդիպելու արհեստական ​​ինտելեկտի լավագույն մասնագետներին ողջ աշխարհից: Հիբրիդային ձևաչափով (թե՛ առցանց, թե օֆլայն) անցկացվող միջոցառման շրջանակում սպասվում է համաժողով և ցուցահանդես։ Համաժողովի շրջանակում ելույթ կունենա ավելի քան 100 փորձագետ ամբողջ աշխարհից։

Ցուցահանդեսին կներկայանա արհեստական բանականության ոլորտի շուրջ 120 առաջատար խաղացող, որոնց թվում են Microsoft-ը, Meta-ն, Nvidia-ն, Huawei-ը, Twitter-ը, IBM-ը: Գործելու է նաև ստարտափ գոտի, որտեղ տարբեր երկրներից ավելի քան 60 ստարտափների շրջանակում հանդես կգա նաև հայկական Hirebee-ն։

Ի՞նչ է Hirebee-ն և ինչպե՞ս է հայտնվել Կաննում

Hirebee-ն հավաքագրման ավտոմատացման համակարգ է, ՄՌԿ մասնագետների արդյունավետ աշխատանքի համար նախատեսված բազմաֆունկցիոնալ գործիք, որը հնարավորություն կտա խնայելու ժամանակ ու նյարդեր, ավելի սեղմ ժամկետներում լուծելու ընկերության առջև դրված հրատապ խնդիրները՝ լրացնելով անհրաժեշտ մասնագետների պակասը, կազմակերպելու թափուր հաստիքների լրացման բոլոր փուլերը, հավաքագրելու մասնագետների հարմար ու մնայուն բազա և, որպես արդյունք, լուծելու ընկերության առջև դրված կարճաժամկետ ու երկարաժամկետ խնդիրները՝ խնայելով ամենակարևորը՝ գումարն ու ժամանակը։ Խոսքը գնում է հավաքագրման ողջ ընթացքի մասին՝ հաստիքի մասին հայտարարություն տարածելուց մինչև նախընտրելի մասնագետին աշխատանքի ընդունելը։

Hirebee-ն հենց այնպես չէ հայտնվել AI ոլորտի աշխարհի ուժեղների կողքին։ ՄՌԿ մասնագետների կյանքը հեշտացնելուն ու նոր կադրերի հավաքագրման գործընթացն օպտիմալացնելուն ուղղված հավաքագրման ավտոմատացման համակարգը եզակիներից է, որ գործում է արհեստական բանականության հիմքով։ Ինչպե՞ս է դա տեղի ունենում։ Երբ ՄՌԿ մասնագետը Hirebee-ի միջոցով ստանում է պոտենցիալ թեկնածուի դիմումն ու ռեզյումեն, արհեստական բանականության մեխանիզմը գնահատում է այդ ռեզյումեն և դրա համապատասխանելությունը հաստիքի պահանջներին։ Hirebee-ի AI մեխանիզմի հիմքում պատենտավորված ալգորիթմերն են, ՄՌԿ ոլորտում բազում տարիների փորձի արդյունքում կուտակված գիտելիքները և նորարարությունները, ինչը հնարավորություն է տալիս լուծելու խնդիրը՝ հաշվի առնելով հետևյալ չափորոշիչները՝ թեկնածուի փորձ և հմտություններ, ընկերության հավաքագրման սկզբունքներ և որոշումներ, ՄՌԿ մասնագետի դիտարկումներ։

Hirebee-ի միջոցով ընկերությունները կարող են օգտագործել արհեստական բանականության ընձեռած լայն հնարավորությունները՝ նպաստելով իրենց բիզնեսի զարգացմանը, թիմի լրացման գործընթացի օպտիմալացմանը, հավաքագրման պրոցեսների օբյեկտիվ անցկացմանը, և որպես արդյունք՝ կորպորատիվ մշակույթի և ընկերության ներսում տրամադրությունների բարելավմանը։ 

Hirebee արհեստական բանականությամբ աշխատող հավաքագրման ավտոմատացման հարթակը ժամանակակից ու նոր լուծումներ է առաջարկում փոքր, միջին և խոշոր ընկերությունների համար։ Ցանկացած ընկերություն կարող է գրանցվել անվճար 14-օրյա փորձնական տարբերակին և ապահովագրել սահուն հավաքագրում Hirebee-ի միջոցով։

Powered by staff.am.