Մայիսի 12-ին և 13-ին ք․ Ծաղկաձորի «Ռոսիա» կոնֆերենս սրահում կայացավ «HR խնդիրները և լուծումները Հայաստանում» HR կոնֆերանս «Այվազյան Ընդ Փարթնըրս» և Ռոսիա հյուրանոցի հովանավորությամբ։ Հանդիպմանը մասնակցում էին աշխատաշուկայում տարաբնույթ ոլորտներ՝ արտադրությունից, կրթական հաստատություններից մինչև պետական կառավարման հաստատություններ ներկայացնող 40 և ավելի HR մասնագետներ, ինչպես նաև staff.am կարիերայի առաջատար հարթակի մեր թիմակիցները՝ նպատակ ունենալով վերհանել HR ոլորտի հիմնախնդիրները և լուծման ուղիները ինտերակտիվ դիսկուսիաների և խաղերի ձևաչափով անցկացված թրեյնինգների միջոցով։
Բացի նախատեսված թրեյնինգների ընթացքում HR խնդիրների ներկայացումը և լուծման գործիքների առաջարկումը, «Այվազյան Ընդ Փարթնըրս» բիզնեսի կառավարման ընկերության Բիզնես էքսպերտ Վահե Ռոբեր Այվազյանը կոնֆերանսի որպես կարևորագույն նպատակներ էր դիտարկում փորձի փոխանակումը, նեթուորքինգը, ինչպես նաև մասնակիցների կողմից HR խնդիրների ներկայացումը, և թե ինչ HR գործիքներ կարող է առաջարկել staff.am կարիերայի հարթակը առաջարկված հիմնախնդիրներին։
Նշենք, որ կոնֆերանսի օրակարգը հագեցած էր HR ոլորտին առնչվող կարևորագույն թեմաների քննարկմամբ. Մասնավորապես, «Ֆրեդա» խորհրդատվական ընկերության Աշխատանքի իրավունքի և մարդկային ռեսուրսների կառավարման բաժնի ղեկավար Տիգրան Կիրակոսյանը անդրադարձ կատարեց HR-ի առաքելությանը և դերին, HR կառավարման ձևին և գործառույթներին, ինչպես նաև հատուկ ուշադրություն դարձրեց կադրային շրջանառության, կադրային ռեզերվի և ռազմավարության կարևորությանը։
Կոնֆերանսի ժամանակ ելույթ ունեցավ նաև staff.am-ի Մարքեթինգի և հաղորդակցության բաժնի ղեկավար Նազելի Բադալյանը՝ ներկայացնելով staff.am-ի HR գործիքներն ու առավելությունները, որոնք ապահովում են լուծում HR ոլորտի խնդիրներին։
«staff.am կարիերայի հարթակը, ստեղծվելով 1,5 տարի առաջ, նպատակ էր հետապնդում զարգացնել հայկական աշխատաշուկան՝ տրամադրելով տեխնոլոգիական լուծումներով և HR գործիքներով հարուստ կարիերայի հարթակ։ Այսօր արդեն հաջողություններն ակներև են, staff.am-ը Հայաստանում առաջատար հարթակ է, ունենք մոտ 20,000 գրանցված օգտատերեր հարթակում, 700 առաջատար ընկերություններ, որոնք օգտվում են staff.am HR և Գործատուի բրենդավորման գործիքներից։ staff.am-ի համակարգը բավականին ճկուն է՝ հնարավորություն տալով տեղադրել, խմբագրել աշխատանքի և թրեյնինգների հայտարարություններ, կառավարել թեկնածուների դիմումները, իսկ StaffSearch Engine թեկնածուների փնտրման համակարգի միջոցով այսօր ռեքրութմենթի գործընթացը երկու անգամ ավելի արագ է և դյուրին։ Մենք առաջարկում ենք նաև Գործատուի բրենդավորման արդյունավետ գործիքներ՝ Ընկերությունների համար ինտերակտիվ կարիերայի էջի հնարավորություն, ինչպես նաև այցելություններ ենք կատարում տարբեր ընկերություններ՝ լուսաբանելու մեր գործընկերների կորպորատիվ մշակույթը և գործունեությունը, որն այնուհետև հրապարակում ենք StaffBlog-ում։ Նշենք, որ աշխատանքի փնտրման գործընթացն այսօր նույնպես հեշտացված է՝ շնորհիվ staff.am IOS և Android հավելվածների»։
Արդյունավետ ռեքրութմենթ իրականացնելու գործում մեծ կարևորություն ունեն նաև Վահե Ռոբեր Այվազյանի կողմից առաջ քաշված Անձնակազմի մոտիվացիայի օրենքները։
«Քանի որ նոր թեկնածուների որոնման և աշխատանքի հայտարարության տեղադրման ժամանակ մոտիվացիայի օրենքները կիրառելու հնարավորությունները փոքր-ինչ նեղանում են, այսինքն` հարկավոր Է կետերով նշել բոլոր այն արտոնությունները, որոնք տրամադրում է ընկերությունը՝ առողջական ապահովագրություն, մարզասրահներից օգտվելու հնարավորություններ և այլն, խորհուրդ եմ տալիս ավելի խորքային ուշադրություն դարձնել Ձեր ընկերության ճանաչվածությանն ի սկզբանե։ Այսինքն` նախքան նոր թեկնածու որոնելը արդեն պետք է կազմակերպել այնպես, որ Ձեր աշխատակիցներն այնքան գոհ և ուրախ լինեն, որ այդ մասին պատմեն», – նշեց «Այվազյան Ընդ Փարթնըրս» բիզնեսի կառավարման ընկերության Բիզնես էքսպերտ Վահե Ռոբեր Այվազյանը։
Նշենք, որ այս խնդրի լուծմամբ է նաև հանդես գալիս staff.am-ը՝ առաջարկելով գործատուի բրենդավորմանն ուղղված գործիքներ։ Մասնավորապես, այցելություններ տարբեր ընկերություններ և Company Coverage-ի ստեղծում՝ լուսաբանելով այդ ընկերությունների գործունեությունը, ինթերնշիփային ծրագրերն ու կորպորատիվ մշակույթը StaffBlog-ում, և ընկերություններին տրամադրելով Ինտերակտիվ կարիերայի էջեր ստեղծելու հնարավորություն, որտեղ կարող են տեղադրել իրենց ընկերության մասին պատմող հարուստ տեղեկատվություն, լուսանկարներ և տեսանյութեր։
Այսպիսով, բուռն քննարկման մթնոլորտ էր տիրում կոնֆերանսի ողջ ընթացքում, որն ուղեկցվում էր կազմակերպիչների կողմից կազմակերպված միջոցառումներով և դերային խաղերով։
Իսկ ամենավերջում սպասվում էին անակնկալ նվերներ բոլոր մասնակիցներին։
staff.am թիմը ողջունում է այսպիսի նախաձեռնությունը, որը ևս մեկ կարևոր քայլ է Հայաստանում աշխատաշուկայի զարգացման գործում։
