HR գուրու Սվետլանա Իվանովան Հայաստանում

[dropcap]Ն[/dropcap]ախորդ շաբաթ՝ հոկտեմբերի 6-ին, «Էլիտ Պլազա» բիզնես կենտրոնում տեղի ունեցավ HR գուրու Սվետլանա Իվանովայի հեղինակային թրեյնինգ-պրակտիկումը՝ «Անհրաժեշտ մարդիկ։ Ներգրավման և պահպանման արվեստն ու գիտությունը» խորագրով։ Միջոցառմանը ներկա էին հայաստանյան և միջազգային մի շարք ընկերությունների ՄՌԿ մասնագետներ։

Թրեյնինգի կազմակերպիչը հանդիսանում էր մեր գործընկեր Ալվարիումը` Իվենտարիում նախագծի շրջանակներում, իսկ staff.am-ը մեծամասշտաբ թրեյնինգի ինֆորմացիոն գործընկերն էր։ Թրեյնինգ պրակտիկումին ակտիվորեն աջակցում էր նաև Անի Մերուժանի Մարգարյանը։

Ի դեպ, նշենք, որ մինչ հեղինակային թրեյնինգը, staff.am-ը բացառիկ հարցազրույց էր ունեցել Սվետլանա Իվանովայի հետ՝ քննարկելով կարիերայի մարտահրավերների, հաջողության ուղու և կադրերի պահպանման մի շարք կարևոր թեմաներ:

Հարցազրույց․ կարդալ ավելին

HR ոլորտում ավելի քան 20 տարվա փորձ ունեցող Սվետլանա Իվանովան կիսվեց իր գիտելիքներով, հետաքրքիր ու տպավորիչ օրինակներով՝ թե՛ իր, թե՛ այլ մասնագետների պրակտիկայից, իսկ թրեյնինգն էլ ավելի արդյունավետ դարձնելու համար ներգրավեց մասնակիցներին՝ նրանց փոքրիկ առաջադրանքներ տալով HR ոլորտի խնդիրները մի քանի կողմից ներկայացնելու և վերաձևակերպելու, սոֆթ հմտությունները տարբեր ոլորտների համար դիտարկելու, կազմակերպության կարգախոսը հնարավորինս պրակտիկ ներկայացնելու, որևէ մասնագիտության պարտադիր հմտություններ առանձնացնելու և այլ իրավիճակների վերաբերյալ։

[divider style=”dashed” top=”20″ bottom=”20″]

Թրեյնինգը բաղկացած էր մի քանի հիմնական մասերից՝

Աշխատաշուկայի ուսումնասիրություն,

Թափուր հաստիքների համար անհրաժեշտ պահանջների ընտրություն,

Թեկնածուների թիրախային խմբի ընտրություն,

Ուսումնասիրություն ընկերության ներսում՝ տարբեր փուլերում թեկնածուներ ներգրավելու համար,

Ամեն ինչ head hunting-ի մասին,

Ռեկրուտինգի վերլուծություն՝ սեփական արդյունավետությունը բարձրացնելու համար։

[divider style=”dashed” top=”20″ bottom=”20″]Այս ամենից զատ Ս․ Իվանովան խորհուրդ տվեց կոլեգաներին մեդալի երկու կողմերն էլ դիտարկել, այսինքն թեկնածուներին «բաց» հարցեր տալ՝ պարզելու համար նրանց տրամադրվածությունը դեպի աշխատանքը, աշխատելու մոտիվացիան, և դրան զուգահեռ իմանալ իրենց ընկերության մրցակցային առավելությունների ու թերությունների մասին՝ փորձելով առավելությունները ընդգծել, իսկ թերությունները վերացնել, կոմպենսացնել կամ վերաձևակերպել։

Մասնագետի խոսքով՝ առավել արդյունավետ է ստեղծել ոչ թե ունիվերսալ «զինվորների» թիմ, այլ թիմ, որտեղ մասնագետները փոխլրացնում են միմյանց։

[divider style=”dashed” top=”20″ bottom=”20″]

Շեշտը դնելով շուկայում մրցակցային հարաբերությունների վրա, Ս․ Իվանովան կես կատակ, կես լուրջ նշեց․

Եթե մարքեթինգում չի կարելի հակառակորդ կազմակերպությունների թերությունները նշել, ապա HR ոլորտում ոչ մի կանոն չկա։

[divider style=”dashed” top=”20″ bottom=”20″]

Ամփոփելով դասընթացը՝ HR գուրուն ասաց․

Կարևոր է թե՛ առօրյայում, թե՛ աշխատանքում գործածել այն գիտելիքները, որոնք ստացաք այսօր։ Առօրյայում գործածելը թույլ կտա աշխատել էլ ավելի սահուն ու նվազեցնել սխալի հավանականությունը։

[divider style=”dashed” top=”20″ bottom=”20″]Իբրև վերջաբան Սվետլանա Իվանովան խոսքն ուղղեց ՄՌԿ ոլորտի մասնագետներին․

Երբեք մի մոռացեք, որ դուք կարող եք ճակատագրեր որոշել։

[divider style=”dashed” top=”20″ bottom=”20″] [divider style=”solid” top=”20″ bottom=”20″]

Հատուկ շնորհակալություն ենք հայտնում Ալվարիում-ին Հայաստանի HR ոլորտում միջազգային փորձի ներդրմանն ուղղված նախագծերի համար։ staff.am-ը, կարևորելով Հայաստանում HR ոլորտի զարգացումը, սիրով տրամադրում է իր աջակցությունը  ոլորտի գործունեության արդյունավետության բարձրացմանն ուղղված նախագծերում։