«Ապագայի գործակալ» մրցույթ․ անդրադարձ ՌՈՍԳՈՍՍՏՐԱԽ-ԱՐՄԵՆԻԱ ընկերության ինթերնշիփային ծրագրին

StaffBlog-ի այս նախագծի նպատակն է բոլոր մոտիվացված երիտասարդներին և ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ինթերնշիփային ծրագրերի մասին։ Ստորև ուրախ ենք ներկայացնել  ROSGOSSTRAKH-ARMENIA  ընկերության «Ապագայի գործակալ» մրցույթ ծրագիրը։

  www.rgs.am

ԸՆԿԵՐՈՒԹՅԱՆ ՄԱՍԻՆ

«Ռոսգոսստրախ-Արմենիա»-ն Հայաստանի խոշորագույն ապահովագրական ընկերությունն է, որը ֆիզիկական և իրավաբանական անձանց տրամադրում է զանազան ապահովագրական ծառայություններ բազմաթիվ տեսակի ռիսկերից պաշտպանելու նպատակով:

Հիմնադրվելով 2008թ․-ին՝ ընկերությունն իր առաքելություն է համարում ստեղծել քաղաքակիրթ ապահովագրական շուկա Հայաստանում։

Ընկերությունում այժմ աշխատում է 370 հաստիքային աշխատակից, մոտ 1000 ակտիվ վաճառքներ իրականացնող գործակալներ։ Նրանցից շատերը Հայաստանի ապահովագրական շուկայի լավագույն մասնագետներից են:

«ԱՊԱԳԱՅԻ ԳՈՐԾԱԿԱԼ» ԾՐԱԳՐԻ ՄԱՍԻՆ

«ՌՈՍԳՈՍՍՏՐԱԽ–ԱՐՄԵՆԻԱ» Ապահովագրական ՓԲԸ-ում իրենց կարիերան են սկսել բազմաթիվ երիտասարդներ, ովքեր այսօր դարձել են արհեստավարժ մասնագետներ և պատրաստ են իրենց գիտելիքներով և փորձով կիսվել Ձեզ հետ, միասին բացահայտել յուրաքանչյուրիդ պոտենցիալը, օգնել Ձեզ ապահովագրության մեջ գտնել կարիերայի պլանավորման և կայուն եկամուտ ստանալու Ձեր բանաձևը:

«ԱՊԱԳԱՅԻ ԳՈՐԾԱԿԱԼ» ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ ԵՎ ՀՆԱՐԱՎՈՐՈՒԹՅՈՒՆՆԵՐԸ

  Ուսուցումն անվճար է,

  Գրաֆիկն ազատ է՝ օրական առնվազն 3-4 ժամ,

  Բարձրագույն կրթությունը և աշխատանքային փորձը պարտադիր չեն,

  Մասնակիցները ստանում են ավարտական հավաստագրեր, իսկ հաղթող մասնակիցները՝ հատուկ մրցանակներ:

Հնարավորություն է ընձեռնվում՝

 Ստանալու տեսական և պրակտիկ գիտելիքներ՝ հատուկ մշակված ծրագրով,

  Ձեռք բերելու աշխատանքային փորձ վաճառքի և սպասարկման ոլորտում,  

  Գումար վաստակելու հենց ծրագրի ընթացքում, 

  ՌՈՍԳՈՍՍՏՐԱԽՈՒՄ հաստիքային աշխատանքի հեռանկար։

«ԱՊԱԳԱՅԻ ԳՈՐԾԱԿԱԼ» ԾՐԱԳՐԻ ՏԵՎՈՂՈՒԹՅՈՒՆԸ

  2 ամիս, ծրագրի ավարտից հետո վաճառքի բարձր  ցուցանիշներ ապահովող  մասնակիցները  մեկ տարվա ընթացքում կարող են դառնալ հաստիքային ապահովագրական խորհրդատու, ինչպես նաև հավակնել ընկերությունում առկա այլ թափուր հաստիքների:

«ԱՊԱԳԱՅԻ ԳՈՐԾԱԿԱԼ» ԾՐԱԳՐԻ ԱՎԱՐՏԻՑ ՀԵՏՈ ՄԱՍՆԱԿԻՑՆԵՐԻ ՔԱՆԻ ՏՈԿՈՍՆ Է ԱՆՑՆՈՒՄ ՀԻՄՆԱԿԱՆ ԱՇԽԱՏԱՆՔԻ

ԴԻՄՈՒՄԻ ԸՆԹԱՑԱԿԱՐԳ

Եվ այսպես, եթե Դուք ՝

  Ակտիվ եք և սիրում եք շփվել մարդկանց հետ,

  Ուսանող եք կամ նո՞ր եք ավարտել ԲՈՒՀ-ը ու դեռ չե՞ք գտել Ձեր տեղը աշխատաշուկայում,

  Ունեք բավականաչափ ազատ ժամանակ՝ ակտիվ աշխատանքով զբաղվելու համար,

  Կուզենայիք  նոր մասնագիտություն ձեռք բերել,

  և,  իհարկե, շատ  գումարներ վաստակել,

ապա, հետևեք «Դիմել հիմա» կոճակին՝ ԱՊԱԳԱՅԻ ԳՈՐԾԱԿԱԼ դառնալու Ձեր հնարավորությունը բաց չթողնելու համար։Շտապե՛ք, տեղերը սահմանափակ են:

Մասնակցեք այս ծրագրին, բացահայտեք ապահովագրությունը ձեզ համար և  դարձեք  ձեր հարազատների ու ընկերների համար ապահովագրության հարցերով խորհրդատու:

Հավատացած ենք, որ բոլոր երիտասարդների և շրջանավարտների համար, ովքեր առաջին քայլերն են կատարում իրենց կարիերայում, օգտակար կլինի «Հայաստանյան ընկերություններում ինթերնշիփային ծրագրերը» StaffBlog  հատուկ նախագիծը։ Յուրաքանչյուր թողարկման ժամանակ անդրադառնալու ենք այն ընկերություններին, որոնք աշխատաշուկայում առանձնանում են իրենց ինթերնշիփային ծրագրի հաջողության պատմություններով։