Կայացել է IT Intellectual Cup 2023-ը

770

Դեկտեմբերի 9-ին ջերմ ու դրական մթնոլորտում համախմբվել էր 57 ՏՏ ընկերություն՝ փորձելու իրենց ինտելեկտուալ կարողությունները IT Intellectual Cup-ի առաջնությանը։ «Ի՞նչ, ո՞րտեղ, ե՞րբ» խաղի կանոններով կազմակերպված առաջնության նպատակն էր ՏՏ ընկերությունների աշխատակիցների միջև ձևավորել ինտելեկտուալ ջերմ երկխոսություն։

Առաջնության մասին

Առաջնությունը կազմակերպվել է zealous™ ընկերության ջանքերով, իսկ գլխավոր հովանավորն էր Դիջիթեյն ընկերությունը։ Առաջնության գործընկերներն էին Գիտակների հայկական ասոցիացիան, և  արդեն երրորդ տարին է, ինչ առաջնությանն ակտիվորեն ու մեծ պատրաստակամությամբ օժանդակում ու խաղին ակտիվորեն մասնակցում է staff.am-ը։


IT Intellectual Cup-ը նվաճելու համար ՏՏ ընկերությունների աշխատակիցները կազմել էին 6 մասնակցից բաղկացած թիմեր ու մրցում էին միմյանց հետ՝ նվաճելու առաջին հորիզոնականը։

Լուսանկարը՝ IT Intellectual Cup-ի

staff.am և IT Intellectual Cup-ը

staff.am-ի թիմն արդեն երրորդ անգամն էր մասնակցում առաջնությանը՝ կրկին  հաճույքով ու մեծ խանդավառությամբ պատասխանելով  յուրօրինակ ու հետաքրքրաշարժ հարցերին։ 
Ի դեպ, չզարմանաք մեր թիմի ոչ այդքան «սովորական» լուքի վրա։ Մեր թիմի աղջիկները բառացիորեն «վերջին վայրկյանին» էին հասցրել առաջնությանը, հաջողությամբ «staff.am Գալա 2023» միջոցառումն ավարտելուց անմիջապես հետո, որը չնայած նույն օրն էր, բայց ոչ մի կերպ չխանգարեց մեր թիմին ակտիվորեն մասնակցելու խաղին։

Ամփոփենք․

Մրցույթի հաղթողների, մասնակիցների ու կազմակերպիչների համար նախատեսված էին մի շարք պարգևներ և անակնկալ նվերներ։
Դե ինչ, շնորհավորենք ինտելեկտուալ խաղի առաջամարտիկներին․

trophyԱռաջին տեղում էր Synopsis ընկերության թիմը։ 

trophyԵրկրորդ տեղում  էր Picsart

trophyԵրրորդ տեղում՝ Osensus-ի թիմը

Լուսանկարը՝ IT Intellectual Cup-ի

Այսքանով անակնկալները չէին սահմանափակվում։ staff.am-ը հետաքրքիր նվեր էր պատրաստել։
Վիճակահանության արդյունքում zealous™-ը staff.am-ի կողմից արժանացավ «Սկսնակ պլյուս» փաթեթից և 1 «Վառվող առաջարկ»-ից անվճար օգտվելու հնարավորությանը։ 

IT Intellectual Cup-ի ողջ հասույթը փոխանցվելու է  «Ազատազէն» ռազմակրթական հասարակական կազմակերպությանը։ 

Ինտելեկտուալ Քափ
staff.am-ի տնօրեն և համահիմնադիր Լուիզա Ավետիսյանը zealous™ թիմի ներկայացուցչին է հանձնում անակնկալ-նվերը։
Ժյուրին ամփոփում է արդյունքները

staffmedia.am-ը շնորհավորում է IT Intellectual Cup-ի բոլոր մասնակիցներին ու, հատկապես, պատվավոր հորիզոնականները զբաղեցրած ընկերությունների թիմերին ու zealous™ ընկերությանը՝ staff.am-ի ընձեռած պարգևին արժանանալու համար։

Սպասում ենք IT Intellectual Cup-ի հաջորդ առաջնությանը։