Մեկնարկեց «Վերափոխելով բանականությունը» խորագրով «Գլոբալ ինովացիոն ֆորում»-ը, որի ընթացքում աշխարհի 20 երկրների ավելի քան 90 գիտնականներ, նորարարության և բիզնես ոլորտի ներկայացուցիչներ քննարկում են արհեստական բանականության դրսևորումները տարբեր ոլորտներում։ StaffBlog-ը՝ որպես կարիերայի մեդիա գործընկեր, ձեզ հետ կկիսվի կարիերայում AI-ի ունեցած ազդեցության մասին՝ հարցազրույց ունենալով ակնառու հյուրերի, ներկաների և տարբեր ոլորտի գիտնականների հետ։
Մեր զրուցակիցն է DeepMindParis-ի և Inria Lille Sequel թիմի մեքենայական ուսուցման գիտնականներից Միխալ Վալկոն։
Կրթություն և կարիերա․ համամի՞տ եք այն մտքի հետ, որ Գործատուների կողմից այլևս առաջնային չի համարվի թեկնածուի բարձրագույն կրթությունը, այլ կկարևորվեն գիտելիքները, որոնք միգուցե ձեռք են բերվել ինքնուսույց կամ այլ անսահման աղբյուրներից։
Կրթությունը դեռևս հասանելի չէ բոլորին: Հայաստանում ևս այդպես է. կրթական համակարգը հավասարազոր բաշխվածություն չունի: Ես ևս փոքր երկրից եմ՝ Սլովակիայից, որտեղ մենք չունենք հետազոտողներ, համապատասխան մասնագետներ: AI-ը կարող է օգտակար լինել ճիշտ մասնագետին ճիշտ մարդու հետ կապելու առումով: Կարող եմ ավելի կոնկրետ լինել: Աշխատում եմ ֆրանսիական մի ստարթափի հետ, որը կոչվում է Inria Lille Sequel։
Այն փորձում է Ֆրանսիայում կրթությունը հասանելի դարձնել բոլոր մարդկանց համար: Կան բազմաթիվ ուսուցիչներ, ովքեր բազմաթիվ նյութեր են տրամադրում, այնուհետև կայքը, հիմնվելով ուսանողների պատասխանների վրա, կազմում է հարցերի հիանալի շարք քննություններին նախապատրաստվելու համար: Ուսանողները ստանում են հարցերը սովորական թեստի տեսքով: Սա նորություն չէ: Սակայն AI-ը, հիմնվելով հարցերի վրա, կազմում է նոր հարցաշար և նոր աղբյուրներ ուսանողի առաջադիմությունը բարելավելու համար, որը միևնույն ժամանակ կխնայի ժամանակ: Կարիք չկա միավորներ բարձրացնելու նպատակով ուսանողին տալ մի բան, որին արդեն վերջինս քաջատեղյակ է: Եվ հակառակը, կարիք չկա տալ մի բան, որը չափից դուրս բարդ է, այլապես ամեն բան անհասկանալի կլինի:
Սա ուսանողին ավելի ադապտացված տարբերակ առաջարկելու մի օրինակ է՝ ուսանողի կրթական մակարդակը բարձրացնելու համար:
Օնլայն կրթությունը, ինքնակրթությունը շատ ավելի հասանելի է: Ոչ բավարար ռեսուրսներով չենք կարող ունենալ անձնավորված (տետատետ) ուսուցիչներ: Վատ չէր լինի, եթե այս պահին 10 ուսուցիչ հոգ տաներ մեր մասին: Բայց սա իրատեսական չէ:
Չկան այնքան ուսուցիչներ, որքան ուսանողներ: Այդ պատճառով կան գրքեր: Այստեղ որևէ նորությւն չկա: Կարող ենք այսպես մտածել ՝ AI-ը գիրք է քեզ համար կրթության ոլորտում, բայց չկա այն մարդը, ով կգրի այդ գիրքը քեզ համար: Կարծում եմ այն օգտակար է, քանի որ շատ բաներ կարող են ավելի արագ կատարվել: Կրթությունը բոլորին ողջ աշխարհում ավելի հասանելի դարձնելու առումով սա հիանալի հնարավորություն է: Այն ավելի շատ օգտակար է, քան անհրաժեշտ:
Ձեր talk-ում բավականին հետաքրքիր անդրադարձ կատարեցիք գրաֆիկաների հզորությանը և նրանց ազդեցությանը օնլայն կրթության վրա։ Կմեկնաբանե՞ք, ինչ է նշանակում օնլայն կրթություն Ձեր տեսանկյունից։
Օնլայն կրթության 2 տեսակ կա՝ համացանցային օնլայն կրթություն և օնլայն կրթությունը, երբ դու որոշումներ ես կայացնում: Օրինակ, ռոբոտաշինության մեջ դու #OnlineLearning ես կատարում, քանզի յուրաքանչյուր քայլի դու պետք է որոշումներ կայացնես: Չես կարղ պարզապես տվյալների խումբ ունենալ և կանխագուշակություններ կատարել: Անհրաժեշտ է որոշումներ կայացնել: Սրանք երկու տարբեր #OnlineLearning-ներ են:
Ամենակարևորը հետևյալն է՝ AI-ն է որոշումներ կայացնում այս դեպքում: Այսինքն՝ #OnlineLearning-ը նույնն է, ինչ՝ AI-ը սովորում է որոշումներ կայացնել: Մինչդեռ #OfflineLearning-ը վերաբերում է տվյալների դասակարգմանը:
Զրուցեց Նազելի Բադալյանը
