Ամփոփում ենք այս ամսվա staff.am գործընկեր կազմակերպությունների նորությունները։ Նշենք, որ ամիսը շատ ակտիվ էր՝ սկսած նոր գրասենյակների բացումից մինչև 1000-րդ աշխատակցին նվիրված միջոցառումների կազմակերպումը։
Պատրա՞ստ եք, ուրեմն հետևեք ստորև կարճ անդրադարձերին և ինչու չէ հետաքրքրության դեպքում կարդացեք ամբողջական հոդվածը։
FORTRA
HelpSystems-ը, որը կիբերանվտանգության լուծումներ է տրամադրում 30,000-ից ավելի միջազգային հաճախորդների, այսուհետ կներկայանա նոր բրենդով՝ Fortra։ Որպես այս էվոլյուցիայի մի մաս՝ ընկերությունն իր ռեսուրսները կենտրոնացրել է կիբերանվտանգության և ավտոմատացման վրա՝ ձեռք բերելով կարողություններ տվյալների անվտանգության, ենթակառուցվածքների պաշտպանության և անվտանգության կառավարվող ծառայությունների ոլորտներում: Fortra-ն այժմ ունի 18 գրասենյակ և ավելի քան 3000 աշխատակից ամբողջ աշխարհում: Իսկ հայաստանյան գրասենյակում այսօր 140-ից ավելի մասնագետներ են աշխատում, ովքեր միջազգային գործընկերների հետ միասին իրենց արժեքավոր ներդրումն են ունենում Fortra-ի գրեթե բոլոր պրոդուկտների և ծառայությունների մշակման պրոյեկտներում։ Fortra-ում աշխատանքի հիանալի հնարավորություններ կան կիբերանվտանգության և ավտոմատացման ոլորտներով հետաքրքրվող մարդկանց համար։
SYNOPSYS ARMENIA
Գյումրիում Synopsys Armenia-ն ողջունեց իր 1000-րդ աշխատակցին։ Արտյոմ Ալեքսանյանը, աշխտանքի է ընդունվել Synopsys-ի Գյումրու մասնաճյուղում որպես փորձնակ/ինթերն, և կարճ ժամանկահատվածում ցուցաբերելով անհրաժեշտ տեխնիկական հմտություններ և գիտելիք շարունակել է իր կարիերան որպես R&D ինժեներ։
Նշենք, որ Synopsys Armenia-ն լայն հնարավորություններ է ընձեռնում ինչպես ոլորտ մուտք գործող սկսնակ մասնագետներին կրթելու ու կարիերա կերտելու, այնպես էլ՝ ոլորտի կայացած և առաջատար մասնագետների համար։ Համագործակցելով տեղական և տարածաշրջանային համալսարանների հետ՝ Սինոփսիսը մեծ ներդրում է կատարում միկրոէլեկտրոնիկայի կրթության մեջ՝ բարձր որակավորում ունեցող և արտադրությանը պատրաստ ՏՏ մասնագետներ պատրաստելու և Հայաստանում կիսահաղորդչային տեխնոլոգիաների գերազանցության մակարդակը բարձրացնելու համար։
G5 GAMES
Երևանում անցկացվեց ՏՏ նախաճաշ G5 Games-ի հետ․ միջոցառումը համընկավ Հայաստանում ընկերության գրասենյակի բացման հետ:
ՏՏ նախաճաշին ներկա էր ավելի քան 50 մարդ՝ ծրագրավորողներ, խաղերի դիզայներներ, նկարիչներ և բոլոր նրանք, ովքեր հետաքրքրված են խաղերի մշակմամբ։ Ոչ պաշտոնական մթնոլորտում հյուրերը կարողացան շփվել և քննարկել բջջային խաղերի մշակման վերջին միտումները, օգտակար կապեր հաստատել, ծանոթանալ G5-ի կարիերայի հնարավորություններին և մասնակցել օգտակար մրցանակների խաղարկությանը:
MAJOREL ARMENIA
«Majorel Armenia» (Մեյջորել Արմենիա) միջազգային ընկերության ֆինանսական աջակցությամբ, ԵՊՀ գերմանական բանասիրության ամբիոնի հետ համագործակցության շրջանակում, վերանորոգվել և նորագույն տեխնիկայով է համալրվել ԵՊՀ եվրոպական լեզուների և հաղորդակցության ֆակուլտետի 507 լսարանը:
Մեյջորելի երևանյան գրասենյակից այսօր շուրջ 400 աշխատակից իրականացնում է հաճախորդների սպասարկման ծառայություն՝ միջազգային շուկայի հեղինակավոր բրենդների համար։ Ընկերությունն այս ողջ ընթացքում կարիերայի լայն հնարավորություններ է ընձեռել գերմաներենի տիրապետող մասնագետների, որոնցից շատերը հենց ԵՊՀ գերմանական բանասիրության ամբիոնի շրջանավարտներ են։
EVOLUTION ARMENIA
Երևանում տեղի ունեցավ առցանց խաղերի ոլորտում ՏՏ լուծումներ առաջարկող առաջատար «Evolution» ընկերության ուղիղ հեռարձակման ստուդիայի պաշտոնական բացումը։ Ստուդիան սպասարկում կապահովի առցանց խաղերի օպերատորներին ամբողջ աշխարհում։ Բացման հանդիսավոր արարողությանը ներկա էին Evolution Group-ի Գլխավոր գործադիր տնօրեն Մարտին Կարլեսունդը, Գործառնությունների տնօրեն Օլեսյա Իվանովան, ՀՀ էկոնոմիկայի նախարար Վահան Քերոբյանը, Հայաստանում Շվեդիայի դեսպան Պատրիկ Սվենսոնը, staff.am ներկայացուցիչները, ինչպես նաև բիզնես ոլորտի մի շարք այլ ներկայացուցիչներ, տեղական լրատվամիջոցներ և տեղական թիմի ներկայացուցիչներ։
