Շարունակելով մեր այդքան շատ սիրված #ՏարինԱմփոփ նախագիծը՝ կիսվում ենք նախորդ տարվա բուռն ձեռքբերումներով ու նվաճումներով։
2021-ը հետաքրքիր ու նվաճումներով լի տարի էր Renderforest-ի՝ բրենդինգի ստեղծման համար նախատեսված ավտոմատացված հարթակի համար։ Տարեվերջյան տվյալներով՝ հարթակն ունի շուրջ 15 միլիոն օգտատեր՝ ողջ աշխարհից։ Իսկ թե ինչ այլ ձեռքբերումներ է գրանցել Renderforest-ը 2021-ի ընթացքում, կպատմենք ավելի մանրամասն մեր անդրադարձում։
Renderforest-ի 2021-ը՝ տեսանյութով
Իսկ ավելի մանրամասն կարող եք կարդալ մեր նյութում, ինչպես նաև ծանոթանալ հղմամբ։
4 հանրահատ կայք, 50-ից ավելի անվանակարգ, սեփական հավելված
2021 թվականի ընթացքում Renderforest-ը նոմինացվել է այնպիսի հանրահայտ կայքերի կողմից, ինչպիսիք են՝
- G2 Crowd
- Crozdesk
- Sourceforge
- Trustpilot
և հաղթող ճանաչվել 50-ից ավելի անվանակարգում.
2021-ին հարթակը թողարկել է իր Android հավելվածը, զարգացրել ու կատարելագործել բոլոր 5 պրոդուկտները։
Առանձնահատուկ էր այս տարվա Reinvent-ը․ շարունակելով ներդրում ունենալ երկրի կրթական ոլորտի զարգացման գործում՝ Reinvent-ը մի հարկի տակ է հավաքում 4-րդ ինդուստրիալ հեղափոխության մասնագիտությունների լավագույն գիտակներին, ովքեր մի ամբողջ օր կիսվում են գիտելիքներով ու փորձառությամբ։
People First․ նոր մասնագետներ՝ նոր շունչ
2021-ի ընթացքում թիմը համալրվել է տասնյակ նոր մասնագետներով, որոնք թարմություն ու նոր շունչ են բերել Renderforest։ Թիմի մասին կարելի է շատ խոսել, քանի որ յուրահատուկ է, շատ տարբերվող է, համախմբված է մի մեծ գաղափարի շուրջ։
«Անհատապես վերցրած՝ շատ հումորով ենք, անսահման ստեղծարար։ Սիրում եմ մեր մշակույթը՝ People First։ Առհասարակ՝ հետքրքիր մշակույթ ենք ստեղծել, որտեղ քաջալերվում է սկսնակներին անվճար կրթելը, փորձի փոխանակումը, կամավորական աշխատանքն ու երկրի զարգացմանը նպաստելը` աջակցելով տարբեր կրթական նախագծերի, մարզերի զարգացմանն ուղղված ծրագրերի։ Օրինակ՝ այս տարի մեր գործընկեր կազմակերպությունների ամանաորյա նվերների համար հատկացվող միջոցները ուղղել ենք Նոր Հաճն քաղաքի Ռոբոտաշինության կենտրոնին, ինչի մասին հավաստագրեր են ստացել մեր գործընկեր կազմակերպությունները և պարբերաբար կծանուցվեն նորությունների մասին», – նշում է Renderforest-ի HR թիմի ղեկավար Վարդուհի Գումրույանը։
Renderforest-ն ունի նաև մասնագիտական հայրենադարձությանն ուղղված ծրագրեր, որոնք շարունակել է 2021-ին՝ փոխադրման օգնությունն իր հայրենադարձված աշխատակիցներին, Սփյուռքի Երիտասարդ Դեսպանների հետ համագործակցությունը, հայրենադարձությանն ուղղված այլ նախագծերի ֆինանսավորումը։
Renderforest-ը ցանկանում է իր փորձով կոչ անել մյուս ընկերություններին նպաստել մասնագիտական հայրենադարձմանը:
2022-ի մեծ պլաններն ու սպասումները
2022-ի համար Renderforest-ը լավ լուրեր է պատրաստել պլանավորում է Renderforest Academy-ի պաշտոնական բացումը, որը տարեկան 1500-2000 ուսանող կվերապատրաստի առաջատար կրթական մեթոդներով։ Պատերազմի մասնակից մեր քաջերի համար կրթությունը կլինի անվճար, իսկ դասավանդողները՝ ոլորտի առաջատարներ։
Մյուս լուրերը Renderforest-ից խոստացան հայտնել շուտով, իսկ մենք հետաքրքրությամբ կհետևենք նորարարական լուծումներ առաջարկող ընկերության նոր հաջողություններին, որպեսզի պատմենք դրանց մասին։
