DISQO-ի ղեկավարների թիմը Հայաստանում է՝ մասնակցելու ընկերության այս տարվա իր ամենամեծ միջոցառմանը, որը տեղի կունենա հոկտեմբերի 6-ին՝ ժամը 18:30-ին Թումո կենտրոնում:
Որքան բարդ է մարտահրավերը, այնքան ուժեղ է մեր կամքը դրան դիմակայելու և ավելիին ձգտելու: Մեր կամքը` խթանելու Հայաստանի տեխնոլոգիական ոլորտի ընթացքը, հստակ է, իսկ քայլերը՝ հետևողական: DISQO-ն ավելի քան երբևէ հանձնառու է՝ նպաստելու հզոր և գրագետ ոլորտի կայացմանը, որը հիմք կդնի տեխնոլոգիական համայնքի զարգացման համար»,- ասված է հաղորդագրությունում:
Այս խոստումն իրականացնելու համար DISQO-ն համախմբում է իր փորձառու ղեկավարներին, որոնք նախկինում աշխատել են Google-ի, Nike-ի, Oracle-ի, ZipRecruiter-ի և Rubicon Project-ի հետ։ Նրանք ելույթ կունենան «Scaling Up: People, Tech, Product» խորագիրը կրող տեխնոլոգիական հանդիպման շրջանակներում։ Ի թիվս այլ բանախոսների, DISQO-ի համահիմնադիրներ Արմեն Աճեմյանը և Դրյու Քուչարյանը կկիսվեն իրենց փորձառությամբ: Քննարկումը վարելու է Առաջատար տեխնոլոգիաների ձեռնարկությունների միության (ԱՏՁՄ) գործադիր տնօրենի խորհրդական Րաֆֆի Քասսարջյանը:
Բանախոսների թվում են նաև Քևին Ուիթչերը (VP, Product/Enterprise Apps, DISQO), Նիկոլաս Ուիվերը (VP, Engineering, DISQO) և Թիֆֆանի Չելսվիգը (VP, People Operations, DISQO):
Ելույթներին կհաջորդի բանախոսների և հյուրերի հանդիպումը: Միջոցառման օրակարգի, ինչպես նաև բանախոսների մասին հավելյալ տեղեկություն ստանալու համար այցելեք այս հղումով:
DISQO-ն հաճախորդների փորձառության հարթակ է, որն օգնում է բիզնեսներին ավելի լավ հասկանալ իրենց օգտատերերի առցանց վարքագիծը։ Դա իրականացվում է ապագամետ պրոդուկտի միջոցով, որտեղ տվյալները հավաքագրվում են օգտատերերի թույլտվությամբ։ Ընկերությունը հիմնադրվել է երեք ամերիկահայ գործարարների՝ Արմեն Աճեմյանի (գործադիր տնօրեն), Արմեն Պետրոսյանի (մարքեթինգի գլխավոր տնօրեն) և Դրյու Քուչարյանի (տեխնիկական գծով տնօրեն) կողմից։ DISQO-ն արագ զարգացող տեխնոլոգիական ընկերությունների շարքում է և ունի շուրջ 500 աշխատակից ողջ աշխարհում։ Այս պահին ընկերության հաճախորդներն են ավելի քան 300 համաշխարհային բրենդներ, մարքեթինգային հետազոտություն իրականացնող 125 մեծ ընկերություն, առաջատար 35 գովազդային գործակալություն և 20-ից ավել մեդիա հարթակ։
