Հայաստանի լավագույն գրասենյակները․ Այց Simply-ի նորաբաց երկրորդ գրասենյակ

5347

staff.am-ը շարունակում է «Հայաստանի լավագույն գրասենյակները» նախագիծը, որի նպատակն է ֆոտոպատմությունների տեսքով ներկայացնել Հայաստանում գործող ընկերությունների ամենատարբերվող, գեղեցիկ, հարմար, ոճային և տրամադրող գրասենյակները:

Այս անգամ ուրախ ենք ձեզ հետ կիսվել կարևոր նորությամբ՝ Երևանի կենտրոնում բացվել է Simply ընկերության, կամ ինչպես շատերիս մոտ է ընդունված  ասել «House of JavaScript»-ի երկրորդ գրասենյակը, որի ստեղծման անհրաժեշտությունը կապված է աճող ու արագ զարգացող թիմի հետ։ 

Կարդալ անգլերեն։ Read in English.

Simply-ի այս նորաբաց գրասենյակը նույնպես ջերմ ու հարմարավետ է՝ հագեցած բոլոր անհրաժեշտություններով, որոնք աշխատանքային առօրյան դարձնում են ավելի քան պրոդուկտիվ։ Շնորհակալ ենք ընկերության մարքեթինգի մասնագետ Արևիկին մեզ այցի ընթացքում ուղեկցելու և գրասենյակի ստեղծման պատմության ու առավելությունների մասին մեզ հետ կիսվելու համար։

Այսպես, մեր այցը Լեո 48/1 հասցե էր։ Երբ բացվեցին վերելակի դռները ու հայտնվեցինք նորաբաց գրասենյակում, միանգամից զգացվեց, թե որ ընկերությունում ենք մենք, նախորդի շունչն ու բրենդային համադրություններն արդեն իսկ պատմում էին մեկ բառով նոր գրասենյակի մասին՝ Simply։

Ազատ, թափանցիկ, պարզ, ուրախ, բայց միևնույն ժամանակ դասական ու լուրջ միջավայր աշխատանքի համար։ Արևիկը մեզ պատմեց, որ նույն մասնագետն  է աշխատել այս գրասենյակի ինտերիեր դիզայնի վրա՝ իհարկե, պարբերական քննարկումներ ունենալով ղեկավարության ու թիմի հետ։

Որպես գրասենյակի հիմնական գույներ են ընտրվել  դեղինն  ու կապույտը․ դեղինը խորհրդանշում է ուրախությունը, կապույտը՝ այն լրջությունն ու համակարգվածությունը, որ դրսևորում է Simply-ի յուրաքանչյուր թիմակից դեպի իր աշխատանքը, և ընդհանուր առմամբ, ընկերությունը՝ դեպի իր հաճախորդների նախագծերը:

Այն, որ հատուկ մեծ աուդիտորիում էր նախատեսված թիմային պրեզենտացիաների, քննարկումների, հմտությունների զարգացմանն (upskilling) ուղղված հանդիպումների համար, արդեն իսկ խոսում էր այն մասին, որ Simply-ում յուրաքանչյուր թիմակցի ձայն լսելի է, ու լավագույն մտքերը ծնվում են հենց այդ ազատ ու առողջ քննարկման արդյունքում։ 

Նախորդ գրասենյակի ավանդույթների տեղափոխումը դեպի նորը դեռ ընթացքի մեջ է: Քանի դեռ հանգստի սենյակը պատրաստ չէ, որպես լիցքաթափվելու ու հանգստանալու վայր է ծառայում խոհանոցը, որտեղ էլ հավաքվում են, քննարկումներ անցկացնում, ծննդյան օրեր նշում։ Simply-ի լավագույն ավանդույթներից են նաև հաճախակի կազմակերպվող թիմային նախաճաշերը։ 

Մեր աչքից չվրիպեց խոհանոցի պատին փակցված պաղպաղակի «թանկանոց» փայտիկը, որը դարձել է յուրօրինակ արվեստի գործ, այնպես որ աշխատակիցներն էլ իրենց ներդրումն ունեն ինտերիերի գործում։

Իսկ սառնարանին փակցված մագնիսներից յուրաքանչյուրը շեշտում է աշխատակիցներին կարևորելու փաստը: Ընկերությունն իր աշխատակիցներին տրամադրում է ոչ միայն կարիերայի, այլ նաև համակողմանի աճի հնարավորություններ: Մեկ տարի Simply-ում աշխատելուց հետո յուրաքանչյուր թիմակից հնարավորություն ունի մեկնել Եվրոպա, որի տոմսերը տրամադրում է ընկերությունը։ Առաջին գրասենյակում սառնարանն արդեն իսկ լեփ լեցուն է մագնիսներով, իսկ քանի որ երկրորդ գրասենյակը նորաբաց է, մագնիսները, դեռ անկասկած, ավելանալու են։

Մինչ թիմն անհամբերությամբ սպասում է նոր գրասենյակում սեղանի ֆուտբոլի առաջնությունների «բացմանը», թիմային ուրախ առօրյայի մասն են կազմում այլ բազմաբնույթ խաղեր։ 

Զարգացումը, ուսուցումը և աճը Simply-ի մշակույթի կարևոր մասն է, որի համար ստեղծված է գրասենյակային բոլոր հարմարությունները։ Միմյանց հետ քննարկումներ ունենալու ու օգնելու պատրաստակամության շնորհիվ մասնագետներն այստեղ շատ արագ են զարգանում: Փորձի փոխանակման, նոր գիտելիքների ու հմտությունների զարգացման համար պարբերաբար կազմակերպվում են նաև տարբեր թեմաներով թրեյնինգներ, սեմինարներ։ Թիմի անդամները հնարավորություն ունեն զարգացնելու ինչպես իրենց տեխնիկական գիտելիքները, այնպես էլ  փափուկ հմտությունները (soft skills):

Կարևորելով օտար լեզուներով հաղորդակցման անհրաժեշտությունը` գրասենյակում աշխատակիցների համար կազմակերպվում են նաև անգլերենի դասեր։

Քանի որ Simply-ում աշխատանքային տեխնոլոգիական կազմն (tech stack) ընդլայնվում է, թիմի աճին զուգահեռ շատ կարևոր էր այնպիսի հարմարություններ ստեղծել, որպեսզի նույն տեխնոլոգիական կազմով աշխատող թիմակիցները կարողանան մեկ վայրից աշխատել։ Այսպիսով, աշխատակիցները հնարավորություն ունեն ընտրել՝ որ օրերին և որ մասնաճյուղում աշխատել՝ ըստ ցանկության, հարմարավետությունից ելնելով և,  իհարկե, կախված տվյալ պահին կատարվելիք նախագծից։

Կարևորելով աշխատակիցների առողջությունը՝ նորաբաց գրասենյակում շատ են պատշգամբները: Տարվա տարբեր եղանակներին թիմի սիրելի վայրը շուտով կդառնա տերասան, որտեղ նախատեսում են կազմակերպել թիմային հավաքույթներ, տարբեր միջոցառումներ։ 

Նման վառ ու պայծառ միջավայրը հաճելիորեն լրացնում են նաև զանգերի համար նախատեսված առանձին փոքրիկ ու հարմարավետ սենյակները, ինչպես նաև հանդիպումների սենյակը։ 

SImply-ում՝ տարածաշրջանում լավագույն ընկերությունը դառնալու ճանապարհին անում են առավելագույնը, և հաստատուն քայլերով առաջ են գնում։

Դե իսկ, մեր թիմը վստահ է, որ Simply-ի ապագայի տեսլականը խոստումնալից է, իսկ նորաբաց գրասենյակն ու հաջորդիվ հիմնվելիք գրասենյակները ոլորտի զարգացման համար չափազանց կարևոր։

Powered by staff.am.