Երբևե փորձե՞լ էիք մրցել հեռահար վազքով կամ բեմականացում ունենալ աշխատանքի ընդմիջման ժամանակ։ Work from home աշխատանքային ռեժիմը շարունակում է գերազանցել մեր բոլորիս սպասումները՝ դառնալով ավելի ու ավելի համուհոտով ու հումորով։ Իսկ երբ այս ամենին ավելանում է նաև սեփական թիմի կողմից պատրաստված գործիքը, որը նման օրերին շատ անհրաժեշտ է դառնում, արդեն մոռանում ես ինքնամեկուսացման օրերի քանակը։

Ահա և այսօր մեր վիրտուալ այցը MentorcliQ էր։ Շնորհակալ ենք 🙂 ինքնամոռաց նվիրվածությամբ ձեր լավագույն փորձով կիսվելու համար։

20200403_143548

Work from home` MentorcliQ-ի արձագանքը Covid19-ին

Երբ դեռևս արտակարգ իրավիճակ հայտարարված չէր, մենք առաջիններից էինք, որ որոշեցինք տանից աշխատել թե ԱՄՆ, թե հայաստանյան մասնաճյուղում՝  դրանով իսկ կանխարգելելով որևէ հնարավոր վտանգ թե հասարակության, և թե մեր թիմակիցների համար։

Հեռահար աշխատանքը մեր ընկերությունում ընդունված կարգ է, քանի որ հեռահար աշխատում ենք մեր ԱՄՆ-ում գտնվող գործընկերների հետ։ Սակայն իրավիճակի փոփոխման, հեռահար աշխատանքի երկարատև ու ամբողջ թիմի նոր ռեժիմով աշխատանքը, իհարկե, իրենից ենթադրում է նոր մեթոդաբանություն։ Նոր ռեժիմի անցնելու առաջին իսկ օրվանից ունեինք լիդերշիփի կողմից մշակված հեռահար աշխատանքի հստակ պլան բոլոր թիմերի համար։ Եվ, իհարկե, ընթացքում ևս կիսվում ենք նոր արդյունավետ հնարքներով։

Այսպիսով, ի շնորհիվ արդեն իսկ ներդրված աշխատանքային պրոցեսների, հստակ գործընթացների մեր կազմակերպության համար աշխատանքի կազմակերպման տեսանկյունից ամեն ինչ հարթ է։

Համամիտ ենք, որ հեռահար աշխատանքն ամենաօգտակար որոշումն էր այս դրությունում, իսկ արդյո՞ք հավելյալ քայլեր նույնպես ձեռնարկվել են ձեր կողմից աշխատակիցների անվտանգության ապահովման և վիրուսով վարակվելու ռիսկի նվազեցման ուղղությամբ։

Աշխատակիցների անվտանգությունն ու հարմարավետությունը մեզ համար առաջնային են թե ստեղված իրավիճակում, թե դրանից դուրս։ Շատ վաղ տանից աշխատանքի անցնելը, իհարկե, մեծ դերակատարություն ունի, սակայն դրանից զատ մեր կազմակերպությունում պահում ենք բոլոր սանիտարահիգիենիկ պահանջների համապատասխանությունը, ունենք առաջին օգնության համար անհրաժեշտ բոլոր պարագաները, մշտապես ունենք ախտահանման միջոցներ, առաջին օգնության տրամադրման թրեյնինգներ անցած աշխատակիցներ։ Ամենից զատ՝ բոլորս և մեր ընտանիքի անդամներն ունենք պրեմիում առողջության ապահովագրության փաթեթ։

Առողջության համար մեծ կարևորություն ունի նաև տանից աշխատելու հարմարավետությունը։ MentorcliQ-ն աջակցում է իր բոլոր թիմակիցներին տնային աշխատանքային օֆիս (home office set up) ստեղծելու հարցում։ 

Mentor_11

Այս օրերին կարող ենք նոր կարգախոս ավելացնել, ի՞նչ կարծիքի եք․ #StayHome, #StaySafe-ին ավելացնելով #StayProductive-ը 😀 ։ Իսկ որո՞նք են այն պարտադիր tech գործիքները, որոնք օգնում են ձեզ մնալ պրոդուկտիվ և այս հարցում կօգնեն մյուս ընկերություններին նույնպես։

Իհարկե, օգտագործում ենք մեր սոֆթը՝ MentorcliQ-ը, թիմին նոր միացած անդամների մենթորինգի, օնբորդինգի կազմակերպման համար։ Ունենք cliQ care և affinity circles (COVID19 support) ծրագրեր, որոնց իրականացումն ապահովում ենք մեր սոֆթի միջոցով։

Հետևել MentorcliQ-ին staff.am-ում

Իսկ մեր սոֆթից զատ աշխատանքի կազմակերպման համար օգտվում ենք Jira, Slack, gotomeeting, Gsuit գործիքների ամբողջական փաթեթներից, որոնք մեր առօրյա աշխատանքային գործիքներից են, քանի որ դրանք ևս հարմարեցված են մեր հեռահար աշխատանքին։

Կազմակերպության առջև դրված նպատակներին հասնելու համար, ինչպես գիտենք, 4 կետ անչափ կարևոր է՝ լիդերշիփ (թօօյն լիդերշիփ ունեք), հաղորդակցություն (ձեզ մոտ փայլուն ստացվում է), կարգուկանոն (հստակ պրոցեսներ մշակված են ու արդեն գործում են) և չորրորդը՝ մոտիվացիա։ Կկիսվե՞ք ձեր լավագույն փորձով, ինչպես եք հաղթահարում առաջացած մարտահրավերներն ու ապահովում ձեր աշխատակիցների բարձր մոտիվացիան։

Ամենամեծ խնդիրը կարոտն է։ Սովորական աշխատանքային ռեժիմով մենք շատ ժամանակ ենք անցկացնում միասին՝ թիմային լանչերը,  յուրաքանչուր ուրբաթ որևէ հետաքրքիր իվենթ ենք կազմակերպում, ամեն ամիս թիմբիլդինգներ ամբողջ կազմակերպությունով, լիքը սպորտային չալենջներ, play station խաղեր և, իհարկե, շատ դժվար էր միմյանցից այդքան ժամանակ հեռու գտնվելը։

Մեր վերը նշած բոլոր հավաքույթներն այժմ անցկացնում ենք առցանց, արդեն ունենք ավանդույթ դարձած PFH (party from home), ամեն ուրբաթ աշխատանքից հետո հավաքվում ենք բոլորով ու մի լավ ուրախանում, օնլայն լանչեր ու սուրճի միթինգներն էլ առօրյայի մաս են կազմում։ Ունենք նաև այս պահին վազքի մրցույթ, յուրաքանչյուր առավոտ սթենդափից առաջ վազում ենք, հետո կիսվում մեր արդյունքներով։

Mentor_7

Ընհանուր առմամբ, մեզ մոտ միմյանց օգնելու, աջակցելու, նորարական ու կրեատիվ մտքեր ստեղծելու արդեն իսկ ձևավորված կորպորատիվ մշակույթն ամուր հիմք է ցանկացած ստեղծված անսպասելի իրավիճակներում, որը տեղի ունեցավ նաև այս դեքում։ Մեզ մոտ կորպորատիվ մշակույթի համար պատասխանատվություն ենք զգում բոլորս, ու ներդրված բոլոր մեխանիզմները մինչ այժմ հաջողությամբ են պսակվել։

Շատ բնական կերպով մեր բոլոր զանգերը դարձել են վիդեոզանգեր, ավելի հաճախակի են դարձել 1։1 հանդիպումները, նույն հունով շարունակվում են շաբաթական All hands հանդիպումները։ Բոլորս ամենօրյա աշխատանք ենք կատարում պրոցեսների լավացման ուղղությամբ, ինչպես նախկինում, այնպես էլ հիմա անցկացնում ենք ռետրոսպեկտիվ ու այլ հանդիպումներ։

Նման իրավիճակներում մտքի թռիչքն ուրիշ է 🙂 ։ Ի՞նչ արկածային դեպքերով մեզ հետ կկիսվեք։

Շատ հետաքրքիր մտքեր ենք ունենքում՝ օրինակ stand-up հանդիպումներից մեկի ժամանակ մեր բալիկների համար փոքրիկ տիկնիկային թատրոն կազմակերպեցինք, թե մենք, թե բալիկները շատ ուրախացան, օրվա հիասքանչ սկիզբ էր 🙂

Work from home-ից հետո, հավանաբար, երեխաներին էլ եք ձեզ հետ տանելու աշխատանքի 😀 Իսկ այս ռեժիմն ի՞նչ թերություններ ունի ձեր թիմի համար։

Թերությունները միմյանցից հեռու գտնվելն է, սակայն կարծում ենք, եթե մինչև հեռահարին անցնելն ունես ճիշտ գործընթացներ, նախապես մշակված պլան, ապա հեռահար աշխատանքը դժվարություն չի ներկայացնի իրենից, այլ կդառնա ևս մի challenge, որը կհաղթահարի քո թիմը։

Այս օրերին ի՞նչն ամենաշատը գնահատեցիք ձեր թիմում։

Ստեղծված իրավիճակն առիթ էր հերթական անգամ համոզվելու մեր միասնականության մեջ, որ ցանկացած ստեղծված բարդ ու դժվարին իրավիճակում բոլորս իրար աջակցելով կարող ենք հաղթահարել այն։

Եվ վերջում, մեր սիրելի բլից հարցը` որն է լինելու ձեր առաջին քայլը պանդեմիայի ավարտից հետո օֆիս վերադառնալուն պես 🙂

Անակնկալներով լի է լինելու մեր վերադարձը? գաղտնիքները հիմա չենք բացի, բայց սիրով հետագայում կկիսվենք staff.am-ի հետ մեր առաջին օրվա լուսանկարներով։ Ու, իհարկե, կնշենք ստեղծված իրավիճակի ավարտը և մեր սիրելի օֆիս վերադարձը։

#WorkFromHome VS #OfficeWork

Նկատեցի՞ք, MentorcliQ-ն ինտրիգա է մտցրել մեր բլից հարցում։ Հիմա ոնց անենք, որ շուտ այս ամենն ավարտվի ու շտապ ձեզ հետ կիսվենք օֆիսային առաջին օրվա թօօօօյն նկարներով։ Կարելի է հետևել իրենց լավագույն փորձին, վայելել նաև այս թանկ ժամանակը, որ հետո նոր ուժով ու ոգևորվածությամբ վազենք մեր սպասված նպատակների հետևից 🙂