Պատկերացրեք․ ձեր օֆիսի աթոռը ձեր բազմոցն է, ձեր քաղցրեղենի «սնդուկը» անմիջապես ձեր համակարգչի տակ, իսկ միկրոֆոնը՝ ձեր գլխավերևում ու դուք կարողանում եք կառավարել ձեր ընտանիքի բոլոր անդամների աշխատանքը ու մի բան էլ ավելի՝ հետևում եք երեխաներին (չարաճճիների մասին չէ խոսքը 🙂 միկրոֆոնը հաստատ չի փրկի)։ Մի՞թե սա երազ է։

Բնավ, ոչ, սա 10Web-յան նոր ռեժիմն է, որը հաստատվել է մարտի 13-ին, ժամը 10:05 – ին բոլոր աշխատակիցների համար ընդդեմ Չինաստանի Ուհան քաղաքում հայտնաբերված նոր կորոնավիրուսի։ Իսկ ստորև լուսանկարում պարզապես Աննայի աշխատասենյակն է, որին մենք դեռևս կանդրադառնանք։

Խելահեղ մոտեցում է, չէ՞, եկեք կարդանք՝ տեսնենք էլ ինչ հետաքրքիր քայլեր են մշակել։

10Weber-ներ, շնորհակալ ենք հատուկ աշխատելաոճի համար։

10web_8

Work From Home` 10web-ի արձագանքը Covid19-ին

Վիրուսի տարածման մասին տեղեկանալուն պես Slack-ում հատուկ channel էինք ստեղծել հավաստի աղբյուրներից նորություններին տեղեկանալու, վիրուսի տարածման դինամիկային հետևելու և  նրանից պաշտպանվելու խորհուրդներով կիսվելու նպատակով։ Այդ ընթացքում ընկերությունն ապահովեց ախտահանիչ և պաշտպանիչ միջոցներով։ Օրվա ընթացքում մի քանի անգամ օդափոխում էինք սենյակները, սպիրտով մաքրում մեր աշխատասեղանը, համակարգիչը, հաճախակի մաքրում ձեռքերն ալկոգելով: Այն աշխատակիցները, ովքեր հիվանդ էին, հնարավորություն ունեին տանից աշխատելու բոլորիս անվտանգությունն ապահովելու նպատակով։

Երբ վիրուսի տարածումը աշխարհով մեկ նոր թափ հավաքեց, մարտի 12-ին ընկերության հիմնադիր Արտավազդ Մինասյանը հանդիպման հրավիրեց բոլոր աշխատակիցներին․  կարևորելով վիրուսի արագ տարածման կանխարգելումը և աշխատակիցների առողջությունը՝ որոշվեց անցնել հեռահար աշխատանքային ռեժիմին սկսած մարտի 13-ից։ Աշխատանքի արդյունավետությունը պահպանելու նպատակով նույն օրը բոլոր աշխատակիցներին տրամադրվեցին իրենց համակարգիչները, պահանջվող սարքավորումները։ Կարող եմ ասել, որ անցումը տանից աշխատելու ռեժիմին մեզ մոտ շատ հեշտ ստացվեց։

Իսկ այժմ շարունակվում է նաև առողջության ապահովագրման գործընթացը։ Արտակարգ դրության պայմաններում աշխատակիցներն ունեն հեռահար խորհրդատվությունների, ինչպես նաև թե կլինիկայում, թե տնային պայմաններում անցկացվող հետազոտությունների հնարավորություն։

Remote աշխատանք՝ որպես ընկերության բենեֆիթ (որը 10Web-ի կողմից վաղուց տրամադրվում է), և ամբողջ թիմի տանից աշխատանք արտակարգ դրության ժամանակ, կարծում ենք տարբեր մոտեցումներ են պահանջում։ Արդյո՞ք երկու դեպքում էլ ունեիք հատուկ մշակված մեթոդաբանություն։

Ընկերությունում կան աշխատակիցներ, ովքեր հեռահար են միշտ աշխատել, իսկ տարվա ընթացքում բոլորս ունենք նաև working from home հնարավորություն, այնպես որ մեթոդաբանությանը ծանոթ էինք։ Սակայն երբևէ կարիք չէր եղել, որ բոլոր աշխատակիցներն անցնեին նման աշխատելաոճի ։) Հետաքրքիր մարտահրավեր էր մեզ համար, սակայն մեզ մոտ ստացվեց արագ ու հեշտ կազմակերպել հեռահար աշխատանքը։

Իսկ որո՞նք են այն remote տեխնոլոգիաները, որոնք ապահովում են ձեր թիմի միջև կապը, ապահով շփումը ( 2-2,5 մ սոցիալական հեռավորություն պահպանելով, եթե, իհարկե, հարևաններ չեն :D) և նույնչափ պրոդուկտիվություն, որքան օֆիսում։

Ընկերությունում շփումն ու աշխատանքի արդյունավետությունն ապահովելու համար մենք միշտ էլ օգտվել ենք տարբեր tech գործիքներից։ #WorkFromHome-ին անցնելիս ավելացրել ենք միայն Zoom-ը։ Աշխատանքի կատարողականությունն ապահովելու համար բոլոր աշխատակիցներն ապահովված են համակարգիչներով, լսափողներով, անհրաժեշտ սարքավորումներով և ծրագրերով։

Ընկերության ներքին հաղորդակցության համար մենք օգտվում ենք Slack-ից, քննարկումները, աշխատանքային օնլայն հանդիպումներն իրականացվում են Zoom-ով, աշխատանքային գործընթացները՝ JIRA-ով, դե իսկ տանից աշխատելու ժամանակ աղմուկը վերացնելու համար օգտվում ենք Krisp-ից 🙂 :

Այս իրավիճակում ընկերությունն անցկացնում է նաև օնլայն թեստավորումներ, հարցազրույցներ: Արդեն իսկ ունենք նոր 10Weber-ներ, նրանց օնբորդինգն էլ կազմակերպվում է օնլայն՝  Zoom հանդիպումներ, օնլայն թրեյնինգներ։

Դիտել բոլոր աշխատանքները

10Web YouTuber, ի՜նչ հետաքրքիր հաստիք է, հավեսով էլ պահանջներ ու պարտականություններ ունի։ Հաա, մոռացանք ասել, այս պահին 2 ակտիվ հայտարարություն ունի 10Web-ը: Ու եթե ընտիր YouTuber կամ Writer եք, ուրեմն հաստատ կդառնաք նաև Weber 🙂

10Web մեր վիրտուալ այցի նպատակներից էր նաև ծանոթանալ այն մարտահրավերներին, որոնք առաջացել են այս ռեժիմով պայմանավորված, ու նաև դրանց լուծման 10Web-յան տարբերակին։

Մարտահրավերներից կարող ենք առանձնացնել մարդկային շփման բացակայությունը։ Այն փորձում ենք լրացնել Slack-ում առանձին #remotelife channel-ում․ այնտեղ կիսվում ենք հետաքրքիր նորություններով, ծիծաղելի նյութերով և մեմերով։

Աշխատանքային բոլոր քննարկումներն անցկացվում են տեսազանգերի միջոցով, որպեսզի չհասցնենք շատ կարոտել միմյանց 🙂 Zoom-ում ունենք սրճելու համար նախատեսված լինք՝ Coffee room, յուրաքանչյուրս օրվա ընթացքում կարող է միանալ և սրճել, զրուցել թիմակիցների հետ։

Անցկացրել էինք challenge՝ բոլորս կիսվում էինք մեր աշխատասեղանների նկարներով։ Ահա մի քանի լուսանկար․․

Ունեցել ենք առաջին օնլայն All hands-ը, որի ժամանակ քննարկվեցին մեր մարտավարությունը, տանից աշխատելու մասին մեր քաղաքականությունը, հետագա պլանները՝ կախված թե ինչ ընթացք կստանա վիրուսը Հայաստանում։ Ամենավերջում բոլորս սկսեցինք զրուցել, կատակել։ Շատ լավ անցավ, բոլորիս տրամադրությունը բարձրացավ, քանի որ այս ընթացքում առաջին անգամ էինք բոլոր աշխատակիցներով հավաքվել։

Տանից աշխատելիս հաճախ չենք զգում ժամանակը, արտակարգ դրության պայմաններում էլ գործնական և անձնական կյանքը միաձուլվում են, իսկ եթե ունես երեխաներ, ապա էլ ավելի դժվար է ստացվում տարանջատել դրանք)) Ուստի շատ կարևոր է բոլոր հանդիպումները շարունակել ավելացնել Google Calendаr-ում, հարկ եղած դեպքում նշել աշխատանքային ժամերը, որպեսզի թիմակիցները տեղյակ լինեն ձեր հասանելիությունից։

Իսկ առհասարակ, թիմային ոգու ամրապնդումը և բարձ մոտիվացիայի ապահովումը շարունակական բնույթ են կրում։ Այժմ մտածում ենք` ինչպես առավել արդյունավետ կազմակերպել թիմբիլդինգները։

Որպես 100% հեռահար ռեժիմով աշխատող ու tech-ում հմուտ ընկերություն՝ ի՞նչ խորհուրդ կտայիք մյուս ընկերությունների թիմերին։

Մեր փորձից ելնելով՝ խորհուրդ կտանք օգտվել տեսազանգերից աուդիոզանգերի փոխարեն․ այդպես շփումն ավելի մոտ է իրականին, թեկուզ աշխատանքային քննարկումների ժամանակ ավելի հեշտ կլինի հասկանալ միմյանց։ Իսկ գրավոր հաղորդակցման ժամանակ օգտագործել շատ emoji-ներ, ձեր ուղարկած տեքստերին նրանք էմոցիա կհաղորդեն, և ձեր միտքն ավելի արագ կընկալվի զրուցակցի կողմից՝ նաև բաձր տրամադրություն ապահովելով։

Արդեն առավելություններից մեկին հասցրել ենք ծանոթանալ, ձեզնից ամեն մեկը հասցրել է ստեղծել իր կոմֆորտ զոնան, իսկ ի՞նչ այլ առավելություններ ու թերություններ կնշեք։

Հեռահար աշխատանքի առավելություններից կարող ենք նաև նշել ժամանակի խնայողությունը։ Այժմ չկան խցանումներ, տանից գրասենյակ հասնելու համար ժամանակ չենք ծախսում։ Շատերը նշում են, որ այսպես բարձրացել է իրենց կատարողականությունը, ժամանակն ավելի լավ են կառավարում։ Ավելի շատ ժամանակ արդեն անցկացնում ենք ընտանիքի անդամների հետ, շատերս էինք կարոտել տան համեղ ուտեստներին 🙂 🙂

Թերություններից մեզ համար կառանձնացնեմ շփման պակասը, նաև շատ ենք կարոտել մեր գրասենյակը, միասին սրճելուն, խաղերին․․ Գրասենյակում ունեինք նաև կրիաներ, բույսեր, որոնց խնամք էր անհրաժեշտ։ Ուստի մինչ մեր բնականոն աշխատանքին վերադառնալը, որոշեցինք նրանց էլ մեզ հետ տանել տուն։

Իսկ ինչ վերաբերվում է կոմֆորտ զոնային, եկեք մի փոքր ավելին պատմեմ մեր Աննայի մասին 🙂 (այլապես քաղցրակերի տպավորություն կստեղծվի)։ Քանի որ ունենք յութուբյան ալիք, որպես SEO մասնագետ Աննան տեսանկարահանումներն անցկացնում է տանը ))

10web_8

 

Եվ մեր բլից հարցը․ Ինչպե՞ս են տոնելու իրենց օֆիսային առաջին օրը 10Weber-ները։

Բոլորս անհամբեր սպասում ենք այդ օրվան․․․ շա՜տ-շա՜տ ենք կարոտել մեր 10Web-ը, միմյանց, միասին սրճելը, լանչ անելը․․

Առաջին օրը կարծում եմ բոլորս գրասենյակն ենք պատրաստելու աշխատանքային գործընթացի համար, սակայն չենք կարողանալու կենտրոնանալ և աշխատել 🙂 Կսրճենք, կզրուցենք, իսկ երեկոյան մի լավ կնշենք բնականոն առօրյային վերադառնալը։

#WorkFromHome VS #OfficeWork

Չմոռանանք ավելացնել, որ դեռ այս ընթացքում եղած տոներից առաջ դնելու են «անցած» բառը, սովորության համաձայն Slack-ում channel բացեն «Անցած Ապրիլի 7», «Անցած Զատիկ» անուններով (չնայած, որ միմյանց հետ շփվելու համար Slack-ի կարիք դժվար թե լինի) ու սկսեն ամեն օր աշխատանքից հետո մի առիթով հավաքվել։ Բայց դե այս ամենից զատ, ամենակարևոր տոնը բոլորիս համար կլինի օֆիսային առաջին աշխատանքային օրը 🙂