Ընդամենը մեկ ամիս է անցել այս նոր աշխատանքային ռեժիմից ու մենք շարունակում ենք ձեզ հետ կիսվել ընկերությունների մեկը մեկից տարբերվող փորձով։

Այսօրվա մեր այցը Simply Technologies էր, որտեղ եթե հարցում կազմակերպեինք բոլոր աշխատակիցների համար՝ արդյոք remote տարբերակով աշխատանքն իրենց հարմար է, ապա 100%-ն էլ կպատասխաներ՝ այո (անգամ նոր թիմակիցը, ով ընդամենն օնլայն է ծանոթացել իր կոլեգաներին)։ Դե, ուրախ թիմից, հավես չաթերից, «քաղցր» ընդմիջումներից, ուրբաթ երեկոների կենացներից ու ճոխ “Welcome Box”-երից ոչ մեկը չի հրաժարվի 🙂

Ուրեմն եկեք տեսնենք, թե ինչպես այսքան սիմփլ ու թեթև ստացվեց Simply-ի արձագանքը Covid19-ին։

Շնորհակալ ենք Simply թիմ, ձեր լավագույն փորձով կիսվելու համար 🙂

Simply_1

Work From Home` Simply-ի արձագանքը Covid19-ին

Նման իրադրությունը մեզ համար սպասելի էր, քանի որ անընդհատ հետևում էինք աշխարհում տեղի ունեցող իրադարձություններին, նաև արտասահմանյան կազմակերպությունների քայլերին ու գիտակցում, որ վաղ թե ուշ առերեսվելու ենք այս խնդրին։

Simply-ի համար միշտ առաջնահերթ է թիմակիցների առողջությունն ու անվտանգ, ապահով աշխատանքի իրականացումը։ Այդ իսկ պատճառով էլ դեռևս արտակարգ դրության մասին չէր հայտարարվել, մեր ընկերությունը հայտարարեց տնից աշխատելուն անցնելու մասին․ բոլորս մեզ հետ վերցրինք անհրաժեշտ իրերը՝ համակարգիչ, ականջակալ, նոթատետր և այլն, ու առավել մեծ պատասխանատվությամբ տուն վերադարձանք՝ չկասկածելով, որ այսքա՜ն երկար ժամանակ չենք լինելու ամենաջերմ ու ընկերական Simply-ում։

Իսկ որոշմանը նախորդող շաբաթները, անկասկած, լիքն էին զվարճալի, հումորային դեպքերով ու զրույցներով, ամենատարբեր հոգատար ու անհանգիստ հայացքներով, երբ ինչ-որ մեկը փռշտում կամ հազում էր, դիմակներ արտադրելու ու շատուշատ տարբեր բիզնես պլաններով 🙂

Simply-ում մենք հետաքրքրվեցինք նաև, թե արդյո՞ք սա առաջին դեպքն էր, որ ամբողջ թիմով են տնից աշխատում։ 

Ճիշտ է, եղել են առանձին դեպքեր, երբ թիմակիցները որոշ ժամանակով աշխատել են տնից, բայց ամբողջ թիմով տնից աշխատել, որպես այդպիսին, չէր եղել, և սա մեր առաջին փորձն էր, որն ընթանում է հաջողությամբ՝ շնորհիվ մեր պրոֆեսիոնալ ու պատասխանատու թիմի։

Մեզ անչափ դուր եկավ նաև ընկերության պոզիտիվ մոտեցումը այս օրերին հանդիպած մարտահրավերին 🙂 Դե իհարկե, այս ամենը խոսում է թիմային համախմբվածության ու կայացած կորպորատիվ մշակույթի մասին։

Փոքրիկ մարտահրավեր էր այն հանգամանքը, որ նոր աշխատակից պետք է միանար մեզ ու տխրել էինք, որ հանգամանքների բերումով չենք կարողանա սովորականի պես դիմավորել նրան։ Սակայն մի փայլուն միտք ծագեց ու որոշեցինք Welcome Box ուղարկել։ Ամենաանհրաժեշտ պարագաները պատրաստ սպասում էին ուղևորվելու։

Նշենք նաև, որ այս ընթացքում հավաքագրման աշխատանքները չեն դադարել և այս պահին ակտիվ online հարցազրույցներ են անցկացվում, ինչը նույնպես ոչ սովորական էր մեզ համար։

Դիտել նոր աշխատանքները

Աս – Ջավասկրիպտ ծրագրավորող! ?  այսպիսի Welcome Box կարող է ուղևորվել նաև քո բնակարան։ Ընդամենը դիմիր staff.am-ի միջոցով ։), իսկ տան հասցեն, եթե CV-ում լրացրել ես, միանգամից կնկատեն Simply-ում։

Իսկ ո՞ր գործիքներն են օգնում ձեր թիմին աշխատել հեռահար ու հեռահաղորդակցվել։ 

Այս շրջանում, ինչպես ամենօրյա աշխատանքում,  օգտագործում ենք գրեթե բոլոր հնարավոր գործիքները թիմի ընդհանուր հաղորդակցությունն ապահովելու համար։ Գլխավորապես Slack-ը, որում ավելացրել ենք նոր sticker-ներ corona-ի տեսքով, կիսվում ենք զվարճալի թեմատիկ մեմ-երով, վիդեոհոլովակներով ու հոդվածներով: Ինչպես նաև փոխվել է ամենից հաճախ օգտագործվող sticker-ների ցանկը, օրինակ, ավելացել է դիմակով smile-իկ։ ?

Ամեն օր ունենում ենք խմբային տեսազանգեր, օգտվում ենք Skype-ից, Zoom-ից, ինչպես նաև Google meet-ից։ Այս ընթացքում նաև նոր գործիքներ ենք սկսել օգտագործել՝ Slack Donut, որը նույնպես ապահովում է թիմակիցների ամենօրյա շփումը։

Simply-ն էլ այն ընկերություններից է, որ չնայած այս փոքր-ինչ խառնակ ժամանակներին, շարունակում է շուկայում առանձնանալ իր #workfromhome լավագույն փորձով, վայելել իր հաճախորդների գոհունակությունը, ապահովել նույնչափ կամ ավելի բարձր պրոդուկտիվություն։ Այլ կերպ ասած, ադապտացվել 🙂 Իսկ ինչպե՞ս։ 

Այս ընթացքում թիմը պահում է իր  բարձր պրոֆեսիոնալիզմը, իսկ մեզ մնում է փորձել այնպես անել, որ մեր աշխատանքային առօրյայի ինչ-որ բաղկացուցիչներ տեղափոխվեն վիրտուալ Simply թիմ։
Աշխատանքային գրեթե բոլոր պրոցեսները պահպանվել են նաև հեռավար աշխատելու օրերին, ինչպես օրինակ, HR թիմի «Wow day»-երը, մարկետինգ թիմի «Marketing is awesome» օրերը, ինչպես նաև բնականոն հունով են ընթանում Development թիմում coaching-ը․ իսկ այս պահին աշխատում ենք online training-ներ անցկացնելու վրա։

Կարոտում ենք մեր սեղանի ֆուտբոլն ու թիմային մրցաշարերը։ Ընդմիջումներին մենք միշտ տարբեր խաղեր ենք խաղում և հիմա էլ փորձել ենք գտնել նույն խաղերի օնլայն տարբերակները․ և պատկերացրեք, որ գտել ենք ու ժամանակ առ ժամանակ կրկին բոլորով խաղում ենք ու լավ ժամանակ անցկացնում։

Մեր առօրյայի մասն է կազմում նաև միասին սրճելը։ Այս բացն էլ ենք փորձել լրացնել՝ փոքրիկ քաղցր տուփեր ուղարկելով թիմակիցներին և տեսազանգով միասին վայելելով սուրճի հետ։

Նաև փորձել ենք «Ուրբաթ երեկո» կազմակերպել․ խմել տարբեր կենացներ, պատմել այս օրերին մեզ հետ տեղի ունեցած զավեշտալի դեպքերի մասին։ Սա շատ լավ հնարավորություն էր նաև ծանոթանալու թիմակիցների փոքրիկների հետ և մոռացության մատնելու #COVID19-ը։ Իսկ վերջում պայմանավորվեցինք, որ առաջին իսկ հնարավորության դեպքում կկրկնենք, բայց արդեն էկրաններից այս կողմ։

Փոխարենը, մի քանի կարևոր իրադարձություններ հետաձգվեցին՝ Simply-ի 9 ամյակի խնջույքը, որին նախորդ տարեդարձից սպասում ենք թիմում, ինչպես նաև IT կազմակերպությունների միջև անցկացվող ֆուտբոլային առաջնությունը, ինչին նույնպես լավ պատրաստվել ենք։ Բայց ամեն ինչ դեռ առջևում է ու դեռ շատ առիթներ կլինեն տոնելու։

«Ցանկացած իրավիճակից կարելի է օգուտ քաղել»․ կարծում եմ համաձայն եք այս մոտեցման հետ, իսկ ի՞նչ արդյունք կտա այն ձեր թիմին։ 

Այո, համաձայն ենք։ Մենք մեր բոլոր հաճախորդների հետ աշխատում ենք հեռավար տարբերակով և այս իրավիճակում, երբ ամբողջ թիմով հեռավար ենք աշխատում, թույլ կտա մեզ տեսնել իրավիճակն ու աշխատանքային պրոցեսը հաճախորդի կողմից և հասկանալ՝ ինչ խնդիրներ և դժվարություններ կարող են առաջանալ հաճախորդների մոտ ու փորձել հարթել այդ դժվարությունները։

Եթե վաղը հայտարարվի, որ ամեն բան արդեն անցյալում է, ու բոլորս անցնում ենք օֆիսային աշխատանքի, ինչպիսի՞ն կլինի ձեր արձագանքը։

Բազմաթիվ անգամներ իրար հարցրել ենք, թե ով ինչ կանի առաջինը, երբ ամեն բան արդեն ետևում կլինի ու վերադարձանք կլինենք գրասենյակ, իհարկե, կխմենք մեր համեղ սուրճը ու կհիանանք Simply-ից բացվող հրաշալի տեսարանով։

Դե, իսկ արդեն հաջորդիվ որոշել ենք գնալ մեր թիմակիցներից մեկի տուն համեղ խորոված համտեսելու։ Իհարկե, մեր #dreamteam-ի նկարներով կկիսվենք Ձեզ հետ։

#WorkFromHome VS #OfficeWork

Իսկ հիմա եկեք մեկ անգամ ևս հարցում կազմակերպենք և տեսնենք Simply-ի թիմի քանի տոկոսն է ուզում վերադառնալ օֆիս՝ աշխատանքի։ Պարզվեց՝ 100%-ը։ Իսկ թե ոնց ստացվեց, որ քիչ առաջ հարմար էր տնից աշխատելը, իսկ հիմա էլ ուզում են վերադառնալ, շատ պարզ։ Առջևում ֆուտբոլային առաջնությունն է, Simply-ի 9-ամյակի խնջույքը ու էլի լիքը առիթներ 🙂