#WorkFromHome. Dexatel-ի լավագույն փորձը

Work from home-ի մեր նոր նախագծով շարունակում ենք վիրտուալ այցերն ու այսօր Dexatel էինք «գնացել»: Բացի այն, որ հեռահար աշխատանքի կուլտուրան վաղուց արդեն մշակված էր այստեղ ու ռեժիմի հետ կապված ընդամենը հեշտությամբ ներդրվել էր, ամենահավեսն այն էր, որ ընկերությունն իր համար նոր աշխարհ է ստեղծել, կոտրել վիրտուալ շփման բոլոր արգելքներն ու կյանք/աշխատանք բալանսը պահելու «գաղտնի ինգրեդիենտ» գտել։ Բայց թե ինչ ու ոնց են այդ ամենն անում, կիմանանք կարդալով։

Dexatel-ի թիմին հատուկ շնորհակալություն օրվա պոզիտիվն ապահովելու համար 🙂

[one_half][/one_half][one_half_last]

Work From Home` Dexatel-ի արձագանքը Covid19-ին

[divider style=”dotted” top=”20″ bottom=”20″]

Դեռևս մարտ ամսվա առաջին շաբաթվանից, երբ արտակարգ իրավիճակ հայտարարված չէր, մենք առաջիններից էինք, որ հայտարարեցինք օֆիսից աշխատելու կամավորություն, այսինքն` դեռևս այն ժամանակ մեր թիմի մեծ մասը արդեն աշխատում էր տանից, չնայած նրան, որ գրասենյակում իրականացվում էր ամենօրյա ախտահանում։

Իսկ այնուհետև, երբ հաստատվեց արտակարգ դրությունը, ինչպես և մյուս ՏՏ ընկերությունները, մենք նույնպես անմիջապես անցանք հեռահար աշխատանքի: Այն մեզ մոտ բավականին հեշտ ստացվեց, քանի որ բոլորս աշխատում ենք  նոութբուքերով և նախկինում էլ բազմաթիվ անգամներ աշխատանքային ժամից հետո, հանգստյան օրերին, ինչպես նաև ճամփորդությունների ժամանակ անհրաժեշտ է եղել աշխատել հեռահար։ Օֆիսից դուրս աշխատանքը մեզ համար նորություն չէր նաև այն պատճառով, որ բազմաթիվ հաճախորդներ ունենք, ովքեր այլ ժամային գոտում են գտնվում։

[/one_half_last]

Իսկ որո՞նք են այն tech գործիքները, որոնց շնորհիվ ձեր բոլոր թասքերն արվում են ըստ պատշաճի, ճիշտ ժամանակին ու բարձր որակով 🙂

Ունենք սեփական մշակված ծրագրեր, որոնք օգտագործում ենք ամեն օր։ Օգտվում ենք նաև Gsuite, Trello, Timedoctor, Skype/Whatsapp հավելվածներից։

Տեխնոլոգիական ընկերություն -> tech գործիքներ -> տանից աշխատանք․ այս ամուր շղթայի ձևավորման ընթացքում արդյո՞ք հանդիպել եք մարտահրավերների, որոնց լուծումներն օգտակար խորհուրդ կլինեն մյուս ընկերությունների համար։

Քանի որ տեխնիկապես մենք բավականին պատրաստված էինք այս իրավիճակին, կարծում եմ մեր դեպքում հիմնական խնդիրը հոգեբանականն է, երբ բացակայում է սոցիալական շփումը։

Սակայն այս առումով նույնպես փորձում ենք լուծումներ գտնել և, օրինակ, երեկ կազմակերպել էինք օնլայն գինու համտես Ին Վինոյի հետ՝ նախապես թիմի բոլոր անդամներին ուղարկելով մեկ շիշ գինի և գինու բաժակ:

Այսուհետ, ամեն ուրբաթ օրը մեզ մոտ կլինեն առցանց սոցիալական, զվարճալի հանդիպումներ, համերգներ կամ խաղեր թիմի հետ։

Մի փոքր կկիսվե՞ք մեզ հետ այդ զվարճալի դեպքերով։

Ռեժիմի ընթացքում հետաքրքիր միջադեպեր հաճախ են պատահում։ Շատ արկածային ստացվեց կազմակերպված առցանց միջոցառումը (գինու համտես), որը նախատեսված ժամանակը կրկնապատկեց՝ 2 ժամի փոխարեն տևելով 4 ժամ ու ավելի :)։ Եվ ավարտից հետո շատերը շարունակեցին միջոցառումը օնլայն մնալով և մոռանալով, որ շփումը վիրտուալ դաշտում է։

Կարող ենք ասել, որ դուք գտել եք ինքնամեկուսացման դեմ պայքարի ձեր տարբերակը, որն, ի դեպ, շաաատ լավ է աշխատում։ Անգամ չգիտեմ, արդյո՞ք տեղին է հարցնել` որոնք են այս ռեժիմի թերությունները (եթե կան ?) և առավելությունները (գիտենք, որ կան ?)։

Թերություններ կան, բայց կենցաղային 🙂 Երբ ընտանիքի բոլոր անդամները փակված են տանը և դժվար է լինում կենտրոնանալ աշխատանքի վրա, ինչպես նաև մեկը մյուսի աշխատանքին կարող է խանգարել։

Առավելություններից պետք է նշեմ թիմի մոբիլիզացիան։ Նմանատիպ ճգնաժամային իրավիճակներում սովորաբար ընկերությունները մոբիլիզացնում են իրենց ուժերը և արդյունքում, անկախ բարդ իրավիճակից հնարավոր է նույնիսկ աշխատանքի արդյունավետության բարձրացում։

Ցանկացած իրավիճակից ձեր թիմը կարող է օգուտ քաղել, դրանում մենք համոզված ենք։ Իսկ այս ռեժիմը ի՞նչ կտա ձեզ։

Մենք հենց այդպես էլ տրամադրված ենք, որ հաղթած պետք է դուրս գանք այս իրավիճակից, և ընկճվելու փոխարեն փորձում ենք գտնել հնարավորություններ, որոնցից կարող ենք օգուտ քաղել։  Իզուր չէ, որ այս պահին ընդլայնում ենք թիմը և ունենք 3 ակտիվ աշխատանքի հայտարարություն։

Դիտել նոր աշխատանքները

Մարտակա՜ն՝ այն, ինչ ամենակարևորն է այս օրերին։ Դեռ ավելին, Dexatel-ում նոր տաղանդների են սպասում։ Այ թի նեթուորքի, SEO-ի, տեղական շուկայի համար բիզնեսի զարգացման մաստերներ, ձեզ սպասում են ու ավելին՝ դուք միասին եք դիմավորելու օֆիսային առաջին աշխատանքային օրը։ 

Հետաքրքրեց, չէ՞, ոնց եք նշելու (անկեղծ ասեմ, մեզ այդ օրվա նկարներն էլ են հետաքրքրում ?):

🙂 Պանդեմիան հաղթահարելուց հետո մեր առաջին աշխատանքային օրը դժվար թե օֆիսում լինի, քանի որ ամբողջ թիմով պատրաստվում ենք մի լավ նշել մեկուսացման ավարտը ?։

[divider style=”double” top=”20″ bottom=”20″]

#WorkFromHome VS #OfficeWork

[divider style=”double” top=”20″ bottom=”20″]

Մայիս՝ տանից օֆիսից աշխատանք, հունիս՝ տանից  քաղաքից դուրս թիմբիլդինգի, հուլիս՝ տանից կորպորատիվ իվենթներ, աութ օֆ մայնդ միթափներ, լիքը ուրախ ու տաք օրեր։ Հիմա կասեք՝ այս ինչ ենք չէ գրում։ Ասում են, որ մի բան շատ ես ուզում, լինում է։ Բայց ուզելու հետ պետք է նաև գործել, իսկ Dexatel-ում իսկապես գործում են։ Շնորհակա՜լ ենք 🙂