#ՏարինԱմփոփ Rockbite Games-ում․ Sandship-ից մինչև ապագայի մասնագիտություններ

2020թ․-ը, կարծես թե, մոտենում է իր ավարտին, և  մենք սիրով ցանկանում ենք Ձեզ հետ կիսվել մեր գործընկերների այս տարվա թոփ սթորիներով։Իհարկե, մի կողմից բարդ ու երկար տարի էր բոլորիս համար, իսկ մյուս կողմից՝ բավականին կարճ ու տպավորիչ թռիչքներով․ տարեսկզբին թիմային ճամփորդություն ու պատրաստություն նոր խաղի ռելիզին, հետո տանից աշխատանք, բայց cool օֆիսային մթնոլորտով, նոր ռելիզներ, մեծ թվով նոր թիմակիցներ, նոր օգտատերեր ու այս ամենը Rockbite Games -ում և մեկ տարում: 😊

Հաջողություններն սկսվեցին այն փաստից, որ Rockbite Games համահիմնադիրներ Ավետիսն ու Գևորգը դեռ մանկուց սիրում էին խաղ խաղալ, ինչն էլ վճռորոշեց հաջողակ խաղային ընկերություն, տեխնոլոգիական տիեզերքում իրենց հատուկ մատնահետքն ունեցող թիմ ու Երևանի սրտում  թույն օֆիս ունենալու իրենց տեսլականը։

«Այն ժամանակ, երբ որ Android և IOS համակարգերը բավականին պոպուլյար դարձան, մեզ մոտ ցանկություն առաջացավ խաղեր գրել։ Սկզբից Facebook հարթակում էինք փորձում ու ինչ-որ պահի որոշեցինք մեր սեփական խաղերը մշակել ու զարգացնել․ ունեցանք մի քանի փոքր հաջողություն, հետո այդ փոքր հաջողությունը վերածեցինք ավելի մեծ հաջողության և հիմնադրեցինք մեր առաջին ընկերությունը՝ UnderwaterApps: Սակայն ինչ-որ պահի անհաջողություններն ավելի շատ էին, քան հաջողությունները ու որոշեցինք ամեն ինչ նոր էջից սկսել՝ հիմնելով Rockbite Games ընկերությունը»,- հիմնադրման սթորիով մեզ հետ կիսվեց Տեխնիկական տնօրեն Գևորգը։

Rockbite Games-ում հաջողություններն արդեն անպակաս էր մեծ փորձ ունեցող ու խաղերի աշխարհը լավ հասկացող թիմից, որը ձևավորվել էր թե նախորդ ընկերության թիմակիցների ներգրավման, թե նոր մասնագետների հավաքագրմամբ։

«Rockbite Games-ն ինձ համար սկսվել է մեր առաջին հաջողությունից՝ Deep Town խաղի ստեղծմամբ։ Դա բավականին մեծ ձեռքբերում էր, քանի որ մենք այժմ ունենք միլիոնավոր խաղացողներ, մենք դրա մեջ ներդրել ենք մեր ամբողջ եռանդը, ոգին։ Այն համաշխարհային հայտնի խաղ է։ Մինչ այդ եղած սխալները, բացթողումները հասել էր մի փուլի, որտեղ մենք գիտեինք՝ ինչ պետք է անել ու, ամենակարևորը, ինչ չպետք է անել»։

Ինչն էլ բնականաբար տվեց իր դրական արդյունքը, բավականին մեծ ֆինանսական հոսք ուղղվեց դեպի ընկերություն, կառուցվեց այս հրաշալի օֆիսը, որտեղ և այսօր մենք այցելել ենք, ութ հոգուց բաղկացած թիմն ընդլայնվեց ու նախապատրաստվեցին շատ ավելի բարդ պրոյեկտի, որը և 2020թ․ ամենամեծ ձեռքբերումներից մեկն էր։

ԻՆՉՊԵՍ 2020Թ․-ԻՆ «ՏԵՂԱՓՈԽՎԵՑԻՆՔ» ՊՈՍՏԱՊՈԿԱԼԻՊՏԻԿ ԺԱՄԱՆԱԿԱՇՐՋԱՆ 😊

Rockbite-ում մեծ ոգևորությամբ պատմում էին, թե ինչպես այս տարի թողարկեցին իրենց երկրորդ խաղը՝ Sandship-ը, որը շատ ավելի ամբիցիոզ ու մեծ պրոյեկտ էր, այնքան ամբիցիոզ, որ երկու տարի հատկացրել էին այդ խաղի ստեղծմանը։ Կարելի է ասել, որ Հայաստանում այսպիսի մասշտաբի խաղ չէր գրվել դեռևս։  

Իր էներգետիկ ոճով Նախագծերի ղեկավար Նոեմին կիսվեց տպավորություններով,- «Կարանտինի ժամանակ ռելիզ գնալը մեզ համար իրական հաղթանակ էր, մենք անգամ թիմով շատ հավես նշեցինք այս առիթը։ Rockbite-ի կողմից ստացել էինք տրամադրություն ստեղծող  նվերներ, ու ամեն մեկս կոկտեյլներ էինք պատրաստել ու տանից միացել միթինգին, այդպես կատակելով – զրուցելով – խաղ խաղալով պահպանեցինք մեր թիմային իվենթների համն ու հոտը»։

ROCKBITE GAMES-Ի ՊՈԶԻՏԻՎ ՄԱՐԴԻԿ

ԹԻՄԻ ԱՃԸ ԿԱՄ ԱՆՑՈՒՄ ԶԱՐԳԱՑՄԱՆ ՆՈՐ ՓՈՒԼ

Եվ ինչպես ասում են, ընկերության զարգացման յուրաքանչյուր փուլ նոր մոտեցումներ է պահանջում, մտածելակերպի փոփոխություն․

Rockbite Games թիմն այս տարվա ընթացքում նույնպես բումային աճ ունեցավ՝ համալրվելով ավելի քան 10 նոր մասնագետով, ու մենք առիթը բաց չթողեցինք ծանոթանալ նրանց հետ և հարցնել, թե ամենից շատ ինչը հավանեցին ու ինչը զարմացրեց նրանց այստեղ․

«Կովիդի ժամանակ չնայած նրան, որ հայաստանյան շատ ընկերություններ հարցազրույցներ անցկացնելու հնարավորություն չունեին, Rockbite Games-ը կարողացավ կազմակերպել հարցազրույց և նույնիսկ թիմը մեծացնել այդպիսի պայմաններում, որն ինձ համար շատ հաճելի էր և անսպասելի»:

«Արդեն 6 ամիս է, ինչ միացել եմ թիմին ու ամենաշատը զարմացել եմ թիմում տիրող առողջ ու քուլ մթնոլորտից, որի շնորհիվ չես վախենում արտահայտել քո գաղափարներն ու մտքերը, առանց որի ուղղակի սկսում ես չպատկերացնել քո կյանքը։ Որպես Game Tester ինձ դուր է գալիս ամենօրյա չելինջները։ Առհասարակ Rocbite-ում ամեն ինչն է զարմացնող»:

«Rockbite Games-ում ես հանդիպեցի շատ տարբեր մարդկանց բազում հետաքրքրություններով, որ իմ համար շատ զարմանալի էր, քանի որ կարելի է մտածել, որ մենք աշխատում ենք միևնույն պրոդուկտի շուրջ»:

SECRET SANTA-Ն ԱՐՑԱԽՑԻ ԵՐԵԽԱՆԵՐԻ ՀԱՄԱՐ

Մեր այցի ժամանակ Rockbite Games-ի գրասենյակը զարդարում էին նաև բավականին շատ գեղեցիկ փաթեթավորված նվերներ։ Ու փոքր-ինչ անց Տաթևիկը մեզ պատմեց, որ նախորդ օրն ամբողջ թիմով փաթեթավորել են այս նվերները և որոշել են Secret Santa-ն այս տարի Արցախի երեխաների համար կազմակերպել, ովքեր դժվար իրավիճակում են գտնվում՝ հաճելի պահեր նվիրելով նրանց։

ԱՊԱԳԱՅԻ ՄԱՍՆԱԳԻՏՈՒԹՅՈՒՆՆԵՐԸ ROCKBITE GAMES-ՈՒՄ

«Խաղը զվարճանք է, խաղն ավելի շատ նման Է կինոնկարահանման, քան ծրագրեր գրելուն։ Կարելի է ասել, խաղերը արվեստի գեղեցիկ գործեր են (art work)», – Ավետիսի հետ զրուցելիս արդեն իսկ մեզ մոտ հարց առաջացավ, թե ինչ մասնագետներ են առավել պահանջված Rockbite Games-ում, ու որոնք անգամ Հայաստանում չկան։

«Մեզ մոտ հմտությունների պահանջները շատ ավելի բարդ են, և ժամանակի ընթացքում հասկացանք, որ նախընտրելի է աշխատանքի ընդունել ոչ թե խաղերի ծրագրավորողների, այլ փորձառու ծրագրավորողների, ովքեր ունեն շատ փորձ տարբեր համակարգերում, բայց ցանկանում են անցում կատարել խաղերի ոլորտ։ Եվ այս մոտեցումը շատ բարձր որակ է ապահովում մեր ընկերությունում»։

«Այս պահին էլ աշխատանքի շատ մեծ հնարավորություններ կան գրաֆիկական ծրագրավորողների, արտիստների, կոնցեպտ արտիստների, Real time VFX artist-ների համար (իրադադարձությունները տեղի են ունենում խաղի ընթացքում իրական ժամանակում)։ Այս պահին կարելի է ասել Հայաստանում նման մասնագետներ շատ քիչ կան կամ չկան, իսկ աշխարհում պահանջարկը բավականին շատ է, ու մենք փորձում ենք աճեցնել նման մասնագետների։ Նույնիսկ ստեղծել ենք հատուկ տեխնոլոգիաներ, որոնց միջոցով կարելի է գեղեցիկ էֆեկտներ ստանալ։ Ինչպես նաև մեր սերվերի ինֆրաստրուկտուրան բավականին բարդ է, օրինակ Sandship-ն օնլայն խաղ է և ունի բազմաթիվ խաղացողներ, ու այն հաշվարկը, որ արվում է յուրաքանչյուր խաղացողի համար, պահանջում է շատ փորձառու մասնագետներ։   

Կարծում եմ՝ առաջիկայում էլ կունենանք շատ մեծ ինթերնշիփ ծրագիր ու կհավաքագրենք այն մարդկանց, ովքեր հետաքրքրված են դառնալ հենց այսպիսի մասնագետներ»։

Եվ հաշվի առնելով, որ համահիմնադիրներ Ավետիսն ու Գևորգը խոստացան մեր մյուս այցի ընթացքում պատմել իրենց հաջորդ խաղի մասին ու թե ինչպես են իրենց թիմով հասել նման հաջողության, դեռ շատ մասնագետներ կգտնեն իրենց երազանքի աշխատանքն այս հեքիաթային վայրում։ Շարունակենք հետևել ու արձանագրել իրեն հատուկ կոլորիտով Rockbite Games ընկերության զարգացումները։