#ՏարինԱմփոփ. «Կոկա-Կոլա Հելլենիկ Բոթլինգ Քամփնի Արմենիա»-ում ամփոփում են 2021թ.-ի, այդ թվում նաև 25-ամյակի ձեռքբերումները

2871

«Կոկա-Կոլա Հելլենիկ Բոթլինգ Քամփնի Արմենիա»-ն միջազգային առաջին ընկերություններից է, որ մուտք գործեց հայաստանյան աշխատաշուկա և էական դեր ունեցավ մասնագետների պատրաստման ու աշխատաշուկայի շարունակական զարգացման գործում։ Այսօր էլ ընկերությունն ակտիվորեն ներկայանում է նոր նախագծերով ու համագործակցություններով՝ ուղղված աշխատակիցների մասնագիտական աճին, շրջակա միջավայրի պահպանությանը և, իհարկե, մեր ապագայի՝ մեր երիտասարդների զարգացմանը։ 

Առիթը բաց չթողնենք ու միասին ամփոփենք «Կոկա-Կոլա Հելլենիկ Բոթլինգ Քամփնի Արմենիա»-ի 2021թ. Նվաճումները, ինչում մեզ օգնեցին «Կոկա-Կոլա Հելլենիկ Բոթլինգ Քամփնի Արմենիա»-ի Գլխավոր տնօրեն Արթուր Սահակյանը, ՄՌ ղեկավար Աննա Բարսեղյանը և Կորպորատիվ հաղորդակցության մասնագետ Անի Զաքինյանը։ 


ՀՈԲԵԼՅԱՆԱԿԱՆ ՏԱՐԻ. «ԿՈԿԱ-ԿՈԼԱ ՀԵԼԼԵՆԻԿ ԲՈԹԼԻՆԳ ՔԱՄՓՆԻ ԱՐՄԵՆԻԱ»-ՈՒՄ ՏՈՆԵՑԻՆ 25-ԱՄՅԱԿԸ


Արդեն 25 տարի է, ինչ ոչ ալկոհոլային զովացուցիչ ըմպելիքներ արտադրող խոշորագույն ընկերություններից «Կոկա-Կոլա Հելլենիկ Բոթլինգ

Քամփնի Արմենիա»-ն գործում է Հայաստանում։ Այլ կերպ ասած, 2021 թվականը հոբելյանական տարի էր շատերի կողմից սիրված Գործատուի համար, որի առթիվ էլ հունիս ամսին կազմակերպվել էր միջոցառում ամփոփելու տարիների ձեռքբերումներն ու զարգացման Հեռանկարները։ 

           «2021 թվականը հոբելյանական էր «Կոկա-Կոլա Հելլենիկ Արմենիա»-ի համար. լրացավ ընկերության գործունեության 25 տարին Հայաստանում։ Այս 25 տարիների ընթացքում Հայաստանի շուկայում ներդրվել է 21 միլիարդ դրամ և ստեղծվել մատակարարներից ու գործընկերներից կազմված ծավալուն արժեշղթա: Մենք հավատում ենք, որ բիզնեսի զարգացման կարևորագույն նախապայմանը երկրի սոցիալ-տնտեսական կայուն զարգացումն է, և անում ենք առավելագույնը դրան նպաստելու համար: Իր գործունեության 25 տարիների ընթացքում ընկերությունն ունեցել է բազմաթիվ մարտահրավերներ, հաղթահարել է շատ դժվարություններ, ինչու չէ, նաև արել է սխալներ, ունեցել է ձախողումներ։ Բայց միևնույն ժամանակ անթիվ են մեր ունեցած հաջողությունները, գրանցել ենք գերազանց արդյունքներ և ունեցել ենք բազմաթիվ հաղթանակներ», – մեզ հետ զրույցի ընթացքում այս տարիների ձեռքբերումների մասին պատմեց ընկերության գլխավոր տնօրեն Արթուր Սահակյանը։  


FAST FORWARD. ԶԱՐԳԱՑՄԱՆ ԾՐԱԳՐԵՐ՝ ՈՒՂՂՎԱԾ ԱՇԽԱՏԱԿԻՑՆԵՐԻ ՄԱՍՆԱԳԻՏԱԿԱՆ ԱՃԻՆ


Յուրաքանչյուր տարի «Կոկա-Կոլա Հելլենիկ Բոթլինգ Քամփնի Արմենիա»-ն միշտ հագեցած է լինում աշխատակիցների մասնագիտական աճին ուղղված ծրագրերով, և այստեղ աշխատակիցները կարողանում են օգտվել լավագույն հնարավորություններից կարիերայում հորիզոնական և ուղղահայաց աճ ունենալու համար։ 

Դե իսկ, 2021թ. Էլ բացառություն չէր, բայց նաև առանձնահատուկ էր Fast Forward ծրագրերով։ 

«Առաջին հերթին իրականացվել է «Fast Forward» առաջնորդության հմտությունների զարգացման ծրագիրը, որի հիմնական նպատակն է արագացնել մեր աշխատակիցների զարգացումը և նախապատրաստել տաղանդներին իրենց կարիերայում հաջորդ քայլի համար՝ սովորաբար առաջնորդման հաջորդ մակարդակ անցման։ Այս տարի առաջին օղակի ղեկավարների պատրաստման Fast Forward ծրագրում ընդգրկվել են 13 մասնակից, իսկ 7 աշխատակից հաջողությամբ ավարտել են երկրորդ օղակի ղեկավարների պատրաստման ծրագիրը», – ծրագրի հաջողություններով մեզ հետ կիսվեց ՄՌ ղեկավար Աննա Բարսեղյանը: 

Տարվա ընթացքում թարմացվել է նաև նոր աշխատակիցների ադապտացիոն (onboarding-ի) ծրագիրը, որն օգնում է նոր աշխատակիցներին հարմարվել մասնագիտական գործունեության պայմաններին և մշակույթին, ընդունել ընկերությունում գործող արժեքներն ու նորմերը, ինչպես նաև համակողմանիորեն ճանաչել բիզնեսը։

«Մասնավորապես, պատրաստվել են մի շարք օգնող նյութեր գործընթացի մասնակիցների համար, հստակցվել է յուրաքանչյուրի դերը և պատասխանատվության շրջանակը, մշակվել է ճանաչողական հանդիպումների շարք»։

Բացի այս ծրագրերից, աշխատակիցների մասնագիտական հմտությունների զարգացման նպատակով ներդրվել են նաև Վաճառքի և Մատակարարման շղթայի ակադեմիաները, ինչը հնարավորություն է տալիս նոր աշխատակիցներին ձեռք բերել մասնագիտական գիտելիքներ և ունենալ բացառիկ կատարողական՝ համապատասխանելով շուկայի կարիքներին։ 

«Այս ձևաչափով մենք փորձում ենք հասկանալ առկա բացերը և հատուկ մշակված գործիքակազմի միջոցով օգնել ավելի արագ զարգացնել անհրաժեշտ հմտությունները»։ 


ԹԻՄԻ ՀԱՄԱԼՐՄԱՆ ՆՈՐ ՄՈՏԵՑՈՒՄՆԵՐ ԵՎ ԲԱԶՄԱԶԱՆՈՒԹՅՈՒՆ


«Կոկա-Կոլա Հելլենիկ Բոթլինգ Քամփնի Արմենիա»-ում բոլոր աշխատակիցները տարբեր են, ու յուրաքանչյուրն ունի իր ուրույն արժեքն ու անհատականությունը:

Մեր ընկերության յուրահատկությունն է խրախուսել կարծիքների բազմազանությունը, որն էլ մեզ ամեն օր առաջ է մղում: Մենք փոփոխել ենք մեր մոտեցումները նոր աշխատակիցների ներգրավման հարցում, մասնավորապես, նպատակադրվել ենք ունենալ կին աշխատակիցներ այն պաշտոններում, որոնցում մինչ այդ կանայք ներգրավված չեն եղել։ Դրան ուղղված քայլերից մեկը իրազեկվածության բարձրացումն է ընկերությունում և աշխատաշուկայում, որին ուղղված քայլերից մեկը Կանանց միամսյակին նվիրված տեսանյութերի շարքն էր, որտեղ պատմում էինք ոչ ստանդարտ դերեր զբաղեցնող կին աշխատակիցների մասին։ Արդյունքում մենք կարողացել ենք այս տարի Վաճառքի թիմը համալրել 3 կին շուկայի զարգացման պատասխանատու աշխատակիցներով, ինչն այդքան էլ բնորոշ չէ մեր շուկային, – հավելեց Աննան։

Այս տարի «Կոկա-Կոլա Հելլենիկ Բոթլինգ Քամփնի Արմենիա»-ում կազմակերպվել են օնլայն և օֆլայն ինթերնշիփեր։ Օնլայն ինթերնշիփին մասնակցել են 26, իսկ օֆլայնին՝ 8 մասնակից Հայաստանի առաջատար բուհերից։ Մասնակիցները հնարավորություն են ունեցել ստանալ գիտելիքներ բիզնես գործընթացների վերաբերյալ, զարգացնել մասնագիտական հմտությունները, մասնակցել նոր նախագծերի և կորպորատիվ ծրագրերի։


ԱՇԽԱՏԱԿԻՑՆԵՐԻ ՆԵՐԳՐԱՎՎԱԾՈՒԹՅՈՒՆ ԵՎ ԽՐԱԽՈՒՍՄԱՆ ԾՐԱԳՐԵՐ


«Կոկա-Կոլա Հելլենիկ Բոթլինգ Քամփնի Արմենիա»-ում որևէ տարբերություն չի դրվում անհատական և թիմային հաջողությունների միջև ու հավասարապես ըստ բաժինների խրախուսվում է յուրաքանչյուր արդյունք։ Մասնավորապես, Մատակարաման շղթայի աշխատակիցներին խրախուսման նպատակով կազմակերպվել է «Supply Chain Awards» խրախուսական հանդիպումների շարքը՝ ուղղված Մատակարարման շղթայի թիմերի և անհատների գրանցած արդյունքների ամփոփմանը։ Թիմերը և առանձին աշխատակիցներ պարգևատրվեցին 2020-ի և 2021-ի ընթացքում ունեցած բացառիկ ներդրման և լավագույն բիզնես արդյունքներ գրանցելու համար։

Ցանկանում ենք առանձնացնել, որ համաձայն պարբերաբար անցկացվող «Մշակույթի և ներգրավվածության» հարցման՝ Ընկերության կայուն ներգրավվածության գործակիցը 2021թ․-ին 95% է, ինչը բավականին լավ արդյունք է թե՛ ոլորտի, թե՛ Կոկա-Կոլա Հելլենիկ Խմբի համեմատությամբ։ Հարցման համաձայն, որպես առավել ուժեղ կողմեր են գնահատվել «Կոկա-Կոլա ՀԲՔ Արմենիա» ընկերությունում զարգացման հնարավորությունները, առաջնորդների աջակցությունը աշխատանքի իրականացման ժամանակ, հաղորդակցության ժամանակ վերջիններիս բաց ու ազնիվ լինելը, դրական աշխատանքային մթնոլորտը և իմաստալից աշխատանքի իրականացումը։ 


ԱՇԽԱՐՀՆ ԱՌԱՆՑ ԹԱՓՈՆՆԵՐԻ


«Կոկա-Կոլա Հելլենիկ Բոթլինգ Քամփնի Արմենիա»-ն կորպորատիվ սոցիալական պատասխանատվության ծրագրի ռազմավարական հենասյուներից մեկն է համարում թափոնների կառավարումը շրջանաձև տնտեսության շրջանակում։ Այս ուղղվածությամբ 2021թ. կարևորագույն քայլերից մեկն է եղել Երևանի քաղաքապետարանի և «Այ Էս Էս Դի» Համայնքների կայուն զարգացման նորարարական լուծումներ հասարակական կազմակերպության հետ համագործակցությունը, որի արդյունքում Երևանի 50 դպրոցներում արդեն իսկ տեղադրվել է ավելի քան 200 նոր տեսակավորման տարրա՝ թղթե և պլաստիկ թափոնների տեսակավորման համար։ Մշակվել է 6-րդ դասարանցիների համար բնապահպանական աշխատանքային ձեռնարկ։

Ծրագրի շրջանակում նախատեսվում է նաև բնապահպանական դասընթացների կազմակերպում վերոնշյալ 50 դպրոցներում, ինչպես նաև թափոնների կայուն կառավարման վերաբերյալ ուսուցիչների և աշակերտների շրջանակում իրազեկվածության մակարդակի բարձրացմանն ուղղված մի շարք այլ միջոցառումներ։ 


ԴԵՊԻ ԱՇԽԱՏԱՇՈՒԿԱ. ԵՐԻՏԱՍԱՐԴՆԵՐԻ ԶԱՐԳԱՑՈՒՄ 2021Թ. ԾՐԱԳՐԻ ԳՐԱՎԻՉ ԱՐԴՅՈՒՆՔՆԵՐԸ


«Կոկա-Կոլա Հելլենիկ Բոթլինգ Քամփնի Արմենիա»-ն շարունակում է իր մեծ ազդեցությունն ունենալ երիտասարդների կյանքի և բիզնեսի հմտությունների զարգացման գործում։ Համավարակով պայմանավորված 2020-2021թթ. «Երիտասարդների զարգացում» ծրագիրը կազմակերպվեց օնլայն՝ Dasaran.am կրթական հարթակի միջոցով։ Մասնավորապես, վերջին երկու տարիներին ծրագրին մասնակցել և որակավորվել են շուրջ 14,000 երիտասարդ։ 

«Մեկնարկել ենք համագործակցություն նաև Երևանի պետական Համալսարանի, Հայաստանի ամերիկյան համալսարանի և Հայաստանի պետական տնտեսագիտական համալսարանի հետ, ինչի շրջանակներում մեր ավագ մասնագետները՝ որպես հյուր-խոսնակներ, առաջնորդության վերաբերյալ դասախոսություններ են պարբերաբար ունենում ուսանողների համար։ Այս տարի արդեն ունեցել ենք 9 դասախոսություն մեր մասնագետների մասնակցությամբ»,– արդյունքներով կիսվեց Կորպորատիվ հաղորդակցության մասնագետ Անի Զաքինյանը։ 

Մեկ այլ ուշագրավ նախաձեռնություն են 6 շաբաթը մեկ կազմակերպվող լայվ վեբինարները, որի ընթացքում կրկին տարբեր ոլորտների առաջատար մասնագետները կիսվում են իրենց մասնագիտական և կյանքի հմտություններով՝ շարունակաբար նպաստելով երիտասարդների զարգացմանն ու կարիերայի կողմնորոշմանը։  


ԳՐԱՎԻՉ ԳՈՐԾԱՏՈՒ՝ ԸՍՏ ՀԱՅRATE ՄՐՑԱՆԱԿԱԲԱՇԽՈՒԹՅԱՆ


2021 թվականն ամփոփենք «հայrate» մրցանակաբաշխության արդյունքներով, որտեղ «Կոկա-Կոլա ՀԲՔ Արմենիա» ընկերությունը ճանաչվել է Հայաստանի «գրավիչ գործատու»-ներից մեկը: Հետազոտությանը մասնակցել են Հայաստանի առաջատար բուհերի շուրջ 2000 ուսանող, ովքեր գնահատել են գործատուների ձեռնարկած միջոցառումների արդյունավետությունն աշխատաշուկայում։ Ըստ հարցման արդյունքների՝ «Կոկա-Կոլա ՀԲՔ Արմենիա» ընկերությունն ընդգրկվել է ամենագրավիչ հինգ գործատուների ցանկում։

«Մենք շարունակելու ենք ընդլայնել հնարավորությունները երիտասարդների զարգացման համար՝ օգնելով գտնել իրենց տեղը հայաստանյան աշխատաշուկայում», – ոգևորությամբ ընկերության պլաններով կիսվեց Կորպորատիվ հաղորդակցության մասնագետ Անի Զաքինյանը։


Մաղթենք հաջողություն և նոր նպատակներով ու ձեռքբերումներով լի տարի մեր լավագույն գործընկերներից՝ «Կոկա-Կոլա ՀԲՔ Արմենիա»-ին։  

Powered by staff.am.