![Աթենք](https://cdn.staff.am/staff.am/upload/0/e/0/1/0e01fbc6.png)
Արտադրական բաժնի ղեկավար
Վերջնաժամկետ՝ 18 Հուլիս 2024
Աշխատանքի պայմաններ՝ Մշտական
Կատեգորիա՝ Արտադրություն
Աշխատանքի տեսակը՝ Ամբողջ դրույք
Գտնվելու վայրը՝ Երևան
Աշխատանքի նկարագրություն՝
Աթենք ընկերությունը հայտարարում Է մրցույթ՝ արտադրական բաժնի ղեկավար թափուր աշխատատեղի համար: Արտադրական բաժնի ղեկավարը պատասխանատու կլինի արտադրական տեղամասերի գործընթացների կազմակերպման, պլանավորման և վերահսկման համար:
/am/artadrakan-bazhni-ghekavar-2
Աշխատանքային պարտականություններ
- Արտադրական տեղամասերի աշխատանքի պլանավորում և վերահսկում
- Խնդիրների սահմանում, արտադրական առաջադրանքների և պլանների կատարման վերահսկում
- Արտադրական տեղամասերի աշխատակիցների աշխատանքի նորմավորում
- Համագործակցություն տեղամասի ղեկավարների հետ, խնդիրների լուծման մեխանիզմների մշակում և ներդրում
- Արտադրական գործընթացների օպտիմալացում, խոտանի նվազեցման ուղիների մշակում
- Նյութատեխնիկական բազայի պլանավորում, քանակական և որակական խնդիրների լուծում
- Պատվերների՝ ժամանակին արտադրելու վերահսկողություն
- Արտադրության անխափան աշխատանքի ապահովում
- Կոնֆլիկտային իրավիճակների կարգավորում
- Հաշվետությունների կազմում և ներկայացում
- Աշխատանքային անվտանգության կանոնների պահպանում
Անհրաժեշտ հմտություններ
- Բարձրագույն կրթություն (տնտեսագիտության, կառավարման կամ տեխնոլոգիական ոլորտներում)
- Ղեկավարման առնվազն 2 տարվա աշխատանքային փորձ արտադրական ոլորտում
- Առնվազն 100 աշխատակցի ղեկավարման փորձ
- Համակարգչային գիտելիքներ, մասնավորապես` MS Excel ծրագրի իմացություն
- Զարգացած վերլուծական միտք և նախաձեռնողականություն
- Նոր գիտելիքներ ձեռք բերելու պատրաստակամություն
- Կազմակերպչական գերազանց հմտություններ
- Օտար լեզուների իմացություն
Պահանջվող թեկնածուի մակարդակը: C մակարդակ
Լրացուցիչ տեղեկություն
Ինքնակենսագրականը ուղարկել hr@atenk.am էլ. փստին` անվանման դաշտում նշելով <<Արտադրական բաժնի ղեկավար>>:
Մասնագիտական հմտություններ
MS Excel
Ռուսերեն և անգլերեն լեզուների իմացություն
Անձնական հմտություններ
Առաջնահերթությունները որոշելու կարողություն
Բանակցությունների հմտություններ
Գրավոր հաղորդակցության հմտություններ
Տարածեք այս հայտարարությունը սոց․ մեդիայի միջոցով։
Ընկերության մասին
«Աթենք» ընկերությունը հիմնադրվել է 1993 թ.-ին։ 2009 թ.-ին ընկերությունը ձեռք են բերում Ադամյան եղբայրները: Նոր սեփականատերերի խոշոր ներդրումների շնորհիվ իրականացվում է գործարանի ամբողջական տեխնիկական վերազինում եվրոպական արտադրության ժամանակակից սարքավորումներով, ինչը զգալիորեն ավելացնում է արտադրական հզորությունները:
Այսօր «Աթենք» ընկերությունն ունի երշիկի, մսային ուտեստների և կիսաֆաբրիկատների արտադրության մասնագիտացված 2 խոշոր գործարան և ներկայանում է ավելի քան 250 անուն ապրանքատեսակով: Ընկերության գործունեության հիմքում եվրոպական չափորոշիչների, որակի և սանիտարահիգիենիկ բոլոր պահանջներին համապատասխանող արտադրության սկզբունքներն ու արժեքներն են:
Շնորհիվ բարձրորակ արտադրանքի բազմազանության և հաճախորդամետ հետևողական քաղաքականության վրա հիմնված զարգացման նոր հայեցակարգի «Աթենք»-ը դառնում է շուկայի առաջատարը ցայսօր չզիջելով իր դիրքերը: Արդեն երկար տարիներ «Աթենք» ընկերությունը ՀՀ 100 խոշոր հարկատուների ցանկում է:
«Աթենք» ընկերության կայուն զարգացման ուղու և կերտվող պատմության կարևորագույն գործոնը պրոֆեսիոնալ և գործին նվիրված թիմն է, հմուտ ու փորձառու մասնագետները, բանիմաց աշխատակիցները: Այսօր ընկերությունն ունի շուրջ 800 աշխատակից, և այս թիվն աճում է ամեն ամիս:
«Աթենքը» համագործակցում է հայաստանյան և արտասահմանյան խոշոր մատակարարների հետ` արտադրության մեջ կիրառելով նաև սեփական տեխնոլոգիաներն ու մեթոդները: Ընկերությունը կառավարում և համակարգում է հումքի մատակարարումից մինչև պատրաստի արտադրանքը վաճառքի կետ հասցնելու ամբողջ գործընթացը: Գործարանն ունի սեփական լաբորատորիա, ինչը թույլ է տալիս վերահսկել ապրանքի որակն արտադրության բոլոր փուլերում:
2015 թ.-ից «Աթենք» ընկերությունն ընդլայնում է արտադրության ծավալները, սպառողին առաջարկելով կիսաֆաբրիկատների լայն տեսականի, որն այսօր ներկայացվում է «Աթենք» ընկերության ֆիրմային խանութներում, սուպերմարկետներում և առևտրի կետերում:
«Աթենք» ընկերությունը ունի 33 ֆիրմային խանութ ՝ ՀՀ-ում 28, Վրաստանի Հանրապետությունում 5:
Որպես երշիկի մասնագիտացված ֆիրմային խանութների ցանց` Հայաստանում ամենամեծն է. 28 խանութներից 25-ը գտնվում են Երևան քաղաքի տարբեր շրջաններում, 1 խանութ ք ․ Աբովյանում (Կոտայքի մարզ), 1 խանութ ք ․ Էջմիածնում (Արմավիրի մարզ), 1 խանութ ք ․ Գյումրի (Շիրակի մարզ):
Ընկերության լուսանկարները
Արտոնությունների փաթեթ
Կոնտակտներ
Վեբ կայք http://www.atenk.am
Հեռախոսահամար` +37460434303
Հասցե՝ Ծարավ Աղբյուրի 59/1, Երևան, Հայաստանի Հանրապետություն