Enterprise Armenia

Աշխատանքի նկարագրություն՝

"Ներդրումների աջակցման կենտրոն" հիմնադրամը փնտրում է (աշխատանքի է հրավիրում) փորձառու, ստեղծարար և մոտիվացված հանրային կապերի և մարքեթինգի վարչության պետի: Մենք կարևորում ենք կազմակերպության շահերի բարձր արդյունավետությամբ պաշտպանությունը և փնտրում ենք հանրային կապերի և մարքեթինգի վարչության պետի, ով կարող է աջակցել կազմակերպությանը այս գործում:

/am/hanrayin-kaperi-ew-marketingi-varchowtyan-pet-2

Աշխատանքային պարտականություններ

• Մարքեթինգային և հաղորդակցության արշավների նախագծման և ընթացիկ ճշգրտման համար անհրաժեշտ հետազոտությունների անցկացում՝ սոցիոլոգիական հարցումների, ֆոկուս խմբերի, կլոր սեղան քննարկումների, առցանց որոնողական համակարգերի, մեդիա մոնիթորինգային գործիքների միջոցով:
• Թիրախային լսարանի բացահայտում, սեգմենտավորում, առանձին թիրախային խմբերի վերաբերյալ հետազոտությունների անցկացում:
• Առկա և հեռանկարային ներդրողների՝ Հայաստանի վերաբերյալ ընկալումների ուսումնասիրություն և վերլուծություն:
• Ներդրումների աջակցման կենտրոնի հաղորդակցության ռազմավարության արդյունավետության գնահատման քանակական և որակական չափանիշների սահմանում:
• Ներդրումների աջակցման կենտրոնի հաղորդակցության ռազմավարության և դրա առանձին բաղադրիչների արդյունավետության ընթացիկ և վերջնական գնահատում և հաշվետվությունների կազմում:
• Առցանց իրականացվող վճարովի մարքեթինգային և առաջխաղացման արշավների հիմնական արդյունքների վերլուծություն, հաշվետվությունների կազմում և անհրաժեշտ ճշգրտումների վերաբերյալ առաջարկությունների ներկայացում:
• Ներդրումների աջակցման կենտրոնի պաշտոնական կայքի տեսանելիությունը բարձրացնելու, օրգանիկ դիտումների քանակը մեծացնելու նպատակով որոնողական համակարգի օպտիմալացում (SEO) իրականացնելու ռազմավարության մշակում:
• Թվային մարքեթինգի ոլորտի շարունակական ուսումնասիրություն, նոր լուծումների կիրառման վերաբերյալ առաջարկությունների ներկայացում:
• Մարքեթինգային միջոցառումների ծրագրերի, դրանց բյուջեների և համապատասխան հաշվետվությունների կազմում և ներկայացում անմիջական ղեկավարի հաստատմանը։

Անհրաժեշտ հմտություններ

• Բարձրագույն կրթություն հաղորդակցության, մարքեթինգի, հանրային կապերի կամ այլ համապատասխան ոլորտում,
• Առնվազն 3 տարվա փորձ լրագրության, հանրային կապերի կամ հարակից ոլորտներում,
• Facebook, Instagram, Twitter, LinkedIn, YouTube և այլ սոցիալական մեդիայի հարթակների գերազանց իմացություն,
• Հայերեն, անգլերեն և ռուսերեն լեզուների գերազանց իմացություն,
• Գրավոր և բանավոր հաղորդակցման գերազանց հմտություններ,
• Առանց դժվարության տարբեր համակարգչային ծրագրեր օգտագործելու, աղյուսակների հետ աշխատելու, շնորհանդեսներ և հաշվետվություններ պատրաստելու ունակություն:
• Պրոֆեսիոնալ և ժամանակին ինչպես ամբողջական, այնպես էլ ամփոփ հայերեն և անգլերեն տեքստեր պատրաստելու ունակություն,
• Ստեղծարար մտածողություն,
• Ուժեղ միջանձնային շփման, կազմակերպչական, հաղորդակցության և ներկայացման հմտություններ,
• Բովանդակության կերտման ու ժամանակի կառավարման գերազանց հմտություններ,
• Ժամանակի լավ կառավարման և միջմարդկային ու հաղորդակցման հմտություններ:

Պահանջվող թեկնածուի մակարդակը: Ավագ

Լրացուցիչ տեղեկություն