PR մասնագետ
Վերջնաժամկետ՝ 28 Հունիս 2024
Աշխատանքի պայմաններ՝ Քաղաքացիական պայմանագիր
Կատեգորիա՝ Մարքեթինգ/Գովազդ
Աշխատանքի տեսակը՝ Ամբողջ դրույք
Գտնվելու վայրը՝ Երևան
Աշխատանքի նկարագրություն՝
Հասարակայնության հետ կապերի մասնագետը պատասխանատու է լինելու մեդիա հաղորդակցության ռազմավարությունների մշակման, իրականացման և կառավարման համար՝ Telcell-ի ու նրա էկոհամակարգի պրոդուկտների հանրային իմիջը բարելավելու և պրոդուկտների թիրախային լսարանի հետ նշանակալից կապեր ստեղծելու նպատակով:
/am/pr-masnaget-25
Աշխատանքային պարտականություններ
- Մշակել և իրագործել մեդիա հաղորդակցության համապարփակ ռազմավարություն, որը համահունչ կլինի կազմակերպության նպատակներին, բրենդ ինքնությանը և շուկայում դիրքավորմանը: Սա իր մեջ ներառում է թիրախային լրատվամիջոցների առանձնացումը, հստակ նպատակների սահմանումը և արդյունավետություն ապահովելու համար կատարողականի չափումը,
- Ստեղծել գրավիչ կոնտենտ մամուլի հաղորդագրությունների, մեդիա խորհրդատվությունների, ելույթների և այլ PR նյութերի համար, որոնք ճշգրիտ կերպով կփոխանցեն ընկերության ուղերձները,
- Կառուցել և պահպանել ամուր հարաբերություններ լրագրողների, բլոգերների և համապատասխան ոլորտների ինֆլյուենսերների հետ: Գործել որպես կոնտակտային անձ լրատվամիջոցների հարցումների համար՝ ապահովելով ժամանակին և ճշգրիտ պատասխաններ,
- Հետևել բոլոր տեսակի լրատվամիջոցներին (տպագիր, թվային, սոցիալական ու հեռարձակվող) ընկերության և նրա մրցակիցների մասին հիշատակումներ գտնելու համար: Վերլուծել մամուլի լուսաբանումները, պատրաստել զեկույցներ արդյունքների վերաբերյալ և առաջարկել գործողություններ՝ լրատվամիջոցներում ներկայությունը ընդլայնելու համար,
- Աջակցել ճգնաժամային հաղորդակցության ռազմավարությունների մշակման և իրականացման գործում: Պատրաստ լինել կառավարել ու մեղմել բացասական հրապարակայնությունը այնպես, որ պահպանվի ընկերության հեղինակությունը,
- Կազմակերպել ու կառավարել մամուլի ասուլիսներ, հարցազրույցներ և այլ մեդիա միջոցառումներ,
- Համագործակցել այլ բաժինների հետ (մարքեթինգ, վաճառք, HR և այլն)՝ ընկերության հանրային ուղերձների հետևողականությունն ապահովելու համար,
- Հետևել ոլորտի միտումներին, PR լավագույն փորձին և նոր մեդիա հնարավորություններին: Առաջարկել նոր գաղափարներ ու տեխնոլոգիաներ կազմակերպության PR գործունեությունը ուժեղացնելու համար:
Անհրաժեշտ հմտություններ
- Բակալավրի կոչում հասարակայնության հետ կապերի, հաղորդակցության, լրագրության կամ հարակից ոլորտում,
- Աշխատանքային փորձ PR-ի, մեդիա հարաբերությունների կամ հաղորդակցության հետ կապված պաշտոնում,
- Բանավոր և գրավոր հաղորդակցման գերազանց հմտություններ,
- Հայերեն, անգլերեն, ռուսերեն լեզուների իմացություն,
- Մեդիա կոնտակտների ուժեղ ցանց և մեդիա տվյալների բազայի ծրագրային ապահովման իմացություն:
Պահանջվող թեկնածուի մակարդակը: Չսահմանված
Լրացուցիչ տեղեկություն
Եթե Դուք համապատասխանում եք առաջադրված պահանջներին, խնդրում ենք career@telcell.am էլեկտրոնային հասցեին ուղարկել Ձեր թարմացված CV-ն՝ վերնագրելով այն՝ “PR մասնագետ”:
Թել-Սել ՓԲԸ-ն շնորհակալություն է հայտնում բոլոր հետաքրքրված մասնագետներին, սակայն կապ է հաստատվելու միայն ընտրության նախնական փուլն անցած դիմորդների հետ։
Անձնական հմտություններ
Հարաբերություններ զարգացնելու եւ կառուցելու ունակություն
Վերջնաժամկետները պահպանելու ունակություն
Տարածեք այս հայտարարությունը սոց․ մեդիայի միջոցով։
Ընկերության մասին
Telcell-ը առաջատար դիրքեր է զբաղեցնում Հայաստանի վճարահաշվարկային շուկայում 2007-ից սկսած։ Ընկերությունն ունի 350-ից ավելի աշխատակից, ովքեր միասին զարգացնում են բրենդի պրոդուկտները։
Ինչով ենք մենք զբաղվում
Telcell-ը վճարահաշվարկային ծառայություններ մատուցող էկոհամակարգ է, որի հիմնական պրոդուկտներից մեկը Telcell Wallet հավելվածն է։ Մենք այն անընդհատ բարելավում ենք, որպեսզի օգտատերերը ծառայությունների ամբողջական սպեկտր ստանան։
Էկոհամակարգի զարգացման համար մեծ նշանակություն ունեն նաև մյուս ենթաբրենդները՝ BON by Telcell, Telcell Business, Telcell Terminal, Telcell Market (գործընկեր), Telcell Inkasatsia (գործընկեր)։ Պրոդուկտներն անընդհատ ավելանում են, և աշխատանքը դրանից էլ ավելի հետաքրքիր է դառնում։
Մեր արժեքները
Մեր բոլոր գործողություններն անցնում են ընկերության հիմնական արժեքների պրիզմայով․
- պատասխանատվություն և ազնվություն,
- ճկունություն,
- Telcell մարդիկ,
- աճ և զարգացում։
Telcell-ը դիրքավորվում է որպես Հայաստանի վճարահաշվարկային ազգային օպերատոր, քանի որ իր գործունեության առաջին օրվանից նպաստում է երկրում էլեկտրոնային վճարումների մշակույթի զարգացմանը։ Մեր բոլոր գործողությունները միտված են տեսլականի իրագործմանը՝ ստեղծել պրոդուկտներ, որոնք կյանքն ավելի լավն են դարձնում։ Մեզ միանալով՝ կդառնաս այդ փոփոխությանը ընդունակ թիմի անդամ։
Ավելին ընկերության մասին կարող ես կարդալ telcell.am կայքում
Telcell-ի վերաբրենդավորման միջոցառումը
Հունիսի 29-ին Հայաստանի ազգային պատկերասրահում տեղի ունեցավ Telcell-ի վերաբրենդավորման միջոցառումը:
Մենք բերել էինք բոլոր նորությունները՝ մեր նոր պրոդուկտները, բրենդային փոփոխություններն ու տեսլականը:
Դիտել ավելին
Դիտել հակիրճ
Telcell-ը մարդիկ են
Այստեղ կատարելագործվել են հարյուրավոր մասնագետներ՝ կատարելագործելով և կայացնելով բրենդը:
Դիտել ավելին
Դիտել հակիրճ
Telcell մեծ ընտանիքի փոքրիկները
Ահա, թե ինչպես են պատկերացնում Telcell մեծ ընտանիքի փոքրիկները իրենց ծնողների «գործի տեղը»:
Դիտել ավելին
Դիտել հակիրճ
Իրական հեքիաթ
2022-ին Telcell-ը դարձավ 15 տարեկան, և այդ առիթով մենք որոշեցինք նվերներ խաղարկել․ բնակարան Երևանում, Եգիպտոս ուղևորություն, iPhone 14, AirPods 3, սմարթ ժամացույց և 45 թանկարժեք այլ նվեր։
Այս տեսանյութը պատմում է տուն խաղարկելու մտահղացման և հաղթող մասնակցի ապրումների մասին։
Դիտել ավելին
Դիտել հակիրճ
ԿԻԲԵՐստեր
Դիրքավորվելով որպես ֆինանսական ազգային օպերատոր՝ մենք պարբերաբար միջոցներ ենք ձեռնարկում, որ բարձրացնենք մեր օգտատերերի ֆինանսական գրագիտությունը և իջեցնենք զեղծարարների հաջողելու հնարավորությունները։
Այս նախագծում մեդիափորձագետ Սամվել Մարտիրոսյանի հետ խոսում ենք ՀՀ շուկայում առկա ԿԻԲԵՐստերից և պարզում՝ ինչպես պաշտպանել անձնական ինֆորմացիան։
Դիտել ավելին
Դիտել հակիրճ
Ընկերության լուսանկարները
Արտոնությունների փաթեթ
Կոնտակտներ
Վեբ կայք https://blog.telcell.am/
Հեռախոսահամար` +37460272225
Հասցե՝ 3 Հակոբ Հակոբյան փողոց, Երևան, Հայաստանի Հանրապետություն
Մենք օգտագործում ենք «cookies»։ 
+374 43 901 900 
