Մեկնարկեց staff.am Brand Advocate ծրագրի առաջին շարքը

2544

Ահա և մեկնարկեց Հայաստանում առաջին անգամ իրականացվող Brand Advocate ծրագրի առաջին շարքը: Դեկտեմբերի 15-ին Լոֆթ ակումբում տեղի ունեցավ staff.am Brand Advocate-ների հետ առաջին հանդիպում-քննարկումը, որին ներկա էին տարբեր ոլորտներում մասնագիտացած և staff.am սթարթափ ընկերության նկատմամբ մեծ հետաքրքրվածությամբ շուրջ 20 մասնակիցներ։
Հանդիպման ընթացքում մեր մասնակիցներին ծանոթացրեցինք staff.am Brand Advocate ծրագրի հիմնական նպատակներին, այն առավելություններին, որ իրենք կարող են ձեռք բերել այս ծրագրի շրջանակներում, մասնավորապես, StaffClub-ին անդամակցության, նեթուորքինգի հնարավորության, ֆոկուս խումբ քննարկումներին և ինքնազարգացման ծրագրերին մասնակցության մասին։ Իսկ երկկողմանի քննարկումներն ապահովում էին հանդիպման ակտիվ ընթացքը։123^BAB7EF2FB4D7D0A9EFE0EDDD5C0520EEDF2BB49CC968CFCEE8^pimgpsh_fullsize_distr

Ինչպես խոստացել էինք՝ հանդիպման ընթացքում ներկաներին սպասվում էր նաև շատ հետաքրքիր անակնկալ․ հանդիպում մեր հատուկ հյուրի՝ Jesus Lozano-ի հետ։Jesus-ը հանդիսանում է ՏՏ ոլորտի միջազգային փորձագետ, համագործակցում է ՀՀ-ում Եվրոպական Միության ՓՄՁ զարգացման ծրագրի հետ, և անմիջական մասնակցություն ունի Հայաստանում ստարթափ էկոհամակարգի զարգացման մեջ։ Մեր հյուրի մասին ավելի մանրամասն կարող եք տեղեկանալ այստեղ:

Jesus -ը ՀՀ-ում բազմիցս մասնակցել է տարբեր միջոցառումների որպես խոսնակ։ Սիրով համաձայնվելով մասնակցել մեր հանդիպմանը՝ նա հաճույքով պատասխանեց մեր և մասնակիցների կողմից ուղղված մի քանի հարցերի:

checkedԻ՞նչ է հաջողությունը, ինչո՞ւմ է կայանում հաջողության հասնելու իրական գրավականը:

Կարծում եմ, որ հաջողության լավագույն գրավականը դա կյանքին և իրերին ճիշտ վերաբերմունքն է (attitude)։ Շատ կարևոր է լինել հավակնոտ, բայց միևնույն ժամանակ իրատեսական լինել, և ճիշտ գնահատել իրավիճակը։

Ինչո՞վ են հայ երիտասարդները տարբերվում եվրոպացի երիտասարդներից, և ի՞նչ պետք է անենք նրանց գերազանցելու checkedհամար:

Տարբերությունն ահռելի չէ Հայաստանի և Եվրոպայի երիտասարդների միջև: Երկուսն էլ վստահ են իրենց ուժերի վրա, ավելի քան համոզված են, որ անհնարին ոչինչ չկա: Պարզապես հայ երիտասարդներն առավել բաց են քննարկման և գաղափարները ներկայացնելու տեսանկյունից։

checkedԿա՞ն արդյոք «վտանգված» մասնագիտություններ, որոնք ժամանակի ընթացքում կկորցնեն իրենց դերը` հաշվի առնելով տեխնոլոգիաների նման արագ զարգացումը։

Մասնագիտությունները, ինչպիսիք են հաշվապահությունը, թարգմանչությունը և  այլ մի շարք մասնագիտություններ, ժամանակի ընթացքում ավելի քիչ պահանջարկ կունենան։ Իսկ, օրինակ, մարքեթինգի դերը կմեծանա։ Անհնար է ժամանակակից աշխարհը պատկերացնել առանց մարքեթինգի, մարքեթինգն ամենուր է, և յուրաքանչյուր ոլորտ առանձնանում է մարքեթինգային իր գաղտնիքներով։

 checkedԵթե մենք խոսում ենք տեխնոլոգիայի մասին, ապա ո՞րն է հաջորդը, և որտե՞ղ երիտասարդները պետք է ներդրումներ կատարեն կրթության առումով, կա՞ն կոնկրետ մասնագիտություններ, որոնք կվճարվեն ավելի բարձր և առաջիկայում ավելի մեծ պահանջարկ կունենան։

Նախկինում էվոլյուցիան հետևյալն էր՝ ինտերնետ, հետո՝  մոբայլ, իսկ հիմա մենք շատ հետաքրքիր ժամանակաշրջան ենք թևակոխվել։ Հիմա տեխնոլոգիաները շատ արագ են զարգանում։ Առաջացել են այնպիսի ուղղություններ, ինչպիսիք են՝ FinTech, CleanTech, EdTech, Artificial Intelligence, AR/VR և այլն։  Մասնավորապես կարծում եմ որ Virtual reality – VR (վիրտուալ իրականություն)- ի, Augmented Reality – AR (ընդլայնված իրականություն)-ի ժամանակն է։

Brand Advocate ծրագիրը ռազմավարական նշանակություն ունի staffa․am-ի հետագա զարգացման համար, քանի որ մենք հիմք ենք դնում ևս մեկ համայնքի կառուցմանը։ Այս նոր ձևաչափն ինչ-որ տեղ նաև էքսպերիմենտ  է, և վստահ ենք որ այն հաճելի և արդյունավետ կլինի մեր հարթակի զարգացման համար։

Հետևեք մեզ, հաջորդ հանդիպման լուսաբանումների համար, իսկ մյուս հանդիպումը տեղի տեղի կունենա 2018թ.-ի հունվարի 20-ից հետո:

Սիրով`        
staff.am

Powered by staff.am.