Ձեր ուշադրությանն ենք ներկայացնում staff.am էկոհամակարգի կրթական ուղղության՝ Career Factory-ի առաջին օնլայն դասընթացը, որն անվանել ենք՝ «4C» Complete Career Certification Course (թարգմանաբար՝ Կարիերայի ամբողջական դասընթաց)։ Այս դասընթացը միակն է Հայաստանում, որը հնարավորություն է տալիս հայերերն լեզվով, հայկական աշխատաշուկային ադապտացված ամբողջական գիտելիք ստանալ կարիերայում հաջողելու վերաբերյալ։
«4C» դասընթացն ամբողջությամբ անվճար է և 100% օնլայն։ Դասընթացի բովանդակությունն ամբողջությամբ ստեղծվել է staff.am թիմի կողմից։ Իսկ դրա արդիականությունն ու գործնական լինելն է՛լ ավելի ընդգծելու համար`մեզ միացել են տարբեր ոլորտներից 15 փորձագետ և բովանդակության մասին իրենց կարծիքով կիսվել և բարելավել են այն։
Մինչ այժմ դասընթացը հասանելի էր միայն հատուկ հարթակում գրանցնվելուց հետո։ Այժմ մենք այն դարձրել ենք է՛լ ավելի հասանելի՝ ներբեռնելով բոլոր 8 մոդուլները յութուբյան մեր ալիք։ Դիտելով բոլոր դասընթացները, կարող եք ստանալ վկայական։ Դրա համար ուղարկեք մեզ նամակ՝ careerfactory@staff.am էլ. հասցեին, և մենք կկիսվենք մանրամասներով։
Եթե նոր եք պատրաստվում ընդունվել համալսարան կամ շուտով կավարտեք այն, եթե տարիների փորձ ունեք որևէ ոլորտում, իսկ հիմա ցանկանում եք այլ ոլորտ անցում կատարել և նույնիսկ եթե այս պահին ակտիվ աշխատանք չեք փնտրում և գոհ եք ձեր կարիերային, այս դասընթացն անչափ օգտակար կլինի։
Մոդուլ 1․ Մասնագիտության ընտրություն և վերապրոֆիլավորում
Ո՞րն է մասնագիտության ընտրության հարցում ամենակարևորը, ինչի՞ն ուշադրություն դարձնել մասնագիտության ընտրության կամ փոփոխության հարցում, որո՞նք են այն սխալները, որոնք մարդիկ անում են մասնագիտություն ընտրելիս, ինչպե՞ս հասկանալ, որ ժամանակն է եկել փոխելու մասնագիտությունը։ Այս և նման այլ հարցերն ենք քննարկում առաջին մոդուլում։
Մասնագիտության ընտրության ժամանակ լայն տարածում ունի SWOT (strengths (ուժեղ կողմեր), weaknesses (թույլ կողմեր), opportunities (հնարավորություններ), threats (սպառնալիքներ) վերլուծությունը։
Թե ինչ կարևոր հարցադրումներ է հնչեցնում SWOT վերլուծությունը, ինչ քայլեր են անհրաժեշտ ճիշտ ընտրություն կատարելու համար, մասնագիտական փոփոխության և վերապրոֆիլավորման անհրաժեշտության վերաբերյալ և դրա հետ կապված այլ կարևոր հարցերին պատասխանելու համար՝ առաջարկում ենք դիտել դասընթացի առաջին մոդուլի տեսանյութն ամբողջությամբ։
Առաջին մոդուլի վերջին մասում հյուրընկալել ենք staff.am համահիմնադիր Լուիզա Ավետիսյանին, ով պատասխանել է մեր հարցերին և կիսվել կարիերայի և մասնագիտության փոփոխության իր փորձով։
Մոդուլ 2․ Պրոֆեսիոնալ և մրցունակ CV-ի կազմում
CV-ն աշխատաշուկա մուտք գործելու ձեր կարևորագույն այցեքարտերից է։ Կարևոր է, որ ձեր այցեքարտը կազմված լինի ճիշտ և գրագետ։ Պրոֆեսիոնալ և մրցունակ CV կազմելու համար պետք է լուրջ պատրաստվածություն, որը գուցե ժամանակատար է, միևնույն ժամանակ առավել քան կարող է օգնել աշխատանքի հարցում։
Որո՞նք են CV ստեղծելու ժամանակակից միտումները, հաճախ կրկնվող սխալները և արդյո՞ք աշխատանքի դիմելիս մշտապես անհրաժեշտ է կցել ուղեկցող նամակ։
«4C» դասընթացի 2-րդ մոդուլը պատասխանում է CV-ի հետ առնչվող բոլոր հարցերին և տալիս մասնագիտական խորհուրդներ՝ ունենալու ճիշտ և գրագետ CV:
Իսկ ինչպե՞ս ստեղծել պրոֆեսիոնալ և մրցունակ CV: Այս հարցին էլ մոդուլի ընթացքում պատասխանում է Onex ընկերության HR բիզնես գործընկեր Քրիստինա Առաքելովան։
Դիտեք դասընթացի երկրորդ մոդուլի ամբողջական տեսանյութը։
Մոդուլ 3․ Աշխատանքի գրագետ դիմում
Աշխատանքի դիմելիս ճիշտ կողմնորոշվելու համար անհրաժեշտ է նախ ծանոթանալ գործատուին, ինչպես նաև ընկերության կորպորատիվ մշակույթին։ Բավական է Google որոնողական համակարգում նշել կազմակերպության անվանումը, և ամբողջ տեղեկատվությունը կհայտնվի ձեր առջև։
staff.am-ը ևս տրամադրում է այդ հնարավորությունը։ Մուտք գործելով օնլայն հարթակի «Ընկերություններ» բաժինը՝ հնարավորություն ունեք ծանոթանալու ընկերության կարիերայի էջին կամ վերջինիս կորպորատիվ մշակույթին staffmedia.am-ի միջոցով։
Երրորդ մոդուլում պատմում ենք այն գործիքների և հնարավորությունների մասին, որոնք մեզ թույլ են տալիս կատարել տեղեկացված որոշումներ, երբ խոսքը գնում է պոտենցիալ գործատուի ուսումնասիրությանը`ապահովելով աշխատանքի գրագետ դիմում։
Դիտեք երրորդ մոդուլը, որտեղ միասին կհասկանանք ցանկալի գործատուներին առանձնացնելու, ուսումնասիրելու կարևորությունը, նրբությունները և որոնման հարթակները։
Մոդուլ 4․ Հարցազրույցի նախապատրաստում
Ինչպե՞ս ճիշտ ներկայանալ հարցազրույցին, ինչպե՞ս նախապատրաստվել, որո՞նք են ամենակարևոր կետերը, որոնց պետք է ուշադրություն դարձնել։
Հարցազրույցին ճիշտ ներկայանալը ևս շատ կարևոր այցեքարտ է։ Այդ ընթացքում արդեն որոշակիորեն պարզ է դառնում՝ ձեզ հետ հետագայում շարունակելու են համագործակցել, թե ոչ։
Ուստի, հարցազրույցին նախապատրաստվելը բավականին կարևոր է։ Հարցազրույցին նախապատրաստվելու և ձեզ ճիշտ ու պրոֆեսիոնալ ներկայացնելու մասին է չորրորդ տեսանյութը։ Հետաքրքիր հանդիպում է սպասվում նաև ՄՌԿ փորձագետ Մարիանա Էդիլյանի հետ, որը ներկայացնում է հարցազրույցներին ներկայանալու առանձնահատկությունները, իր պրակտիկ դիտարկումներն ու մի քանի հետաքրքիր պատմություններ իր փորձից։
Մոդուլ 5. Աշխատանքի առաջարկ, ադապտացիա և փորձաշրջան
Մեկ այլ բան է հարցազրույցին ճիշտ ներկայանալը, մեկ այլ՝ ուղարկվող առաջարկի ընդունումն ու պրակտիկ աշխատելու առաջին ամիսները։ Աշխատանքի առաջարկներն էլ ընդունելուց պետք է կատարել մանրամասն ուսումնասիրություն այն ընկերության մասին, որտեղ պատրաստվում եք աշխատել։
Առանց պատշաճ նախապատրաստվածության փորձաշրջանի ադապտացիան կարող է և դժվարանալ․ չէ՞ որ փորձաշրջանով է որոշվում տվյալ ընկերությունում աշխատելու հեռանկարաը։
Դիտենք «4C» դասընթացի հինգերորդ մոդուը, որտեղ ներկայացվում են իրավիճակային բոլոր նրբությունները, նոր աշխատավայրում առաջին ամիսների ադապտացիան, փորձաշրջանի նպատակը, դժվարությունները հաղթահարելու եղանակները։
Մոդուլ 6. Ինքնակրթություն և ինքնակատարելագործում. առաջին քայլեր, կամավորություններ, պրակտիկաներ
Արագ ու դինամիկ զարգացող աշխարհում դժվար է բավարարվել մեկ մասնագիտությամբ և վստահ լինել, որ այն միշտ կլինի պահանջված։
Լավագույն սկզբունքը, որ գործում է յուրաքանչյուրի համար, որը ցանկանում է միշտ տեմպի մեջ լինել անընդհատ փոփոխվող աշխարհում, շարունակական կրթությունն է:
Դասընթացի վեցերորդ մոդուլում անդրադարձել ենք, թե ինչու է պետք շարունակաբար ինքնակրթվել, կրթության ինչ եղանակներ կան, դրանց առանձնահատկությունները, ինքնակատարելագործման և նեթվորքինգի հնարավորությունները։
Մոդուլ 7․ Իմ շահերը՝ որպես աշխատող
Գործատու-աշխատող աշխատանքային հարաբերությունները կարգավորվում են հիմնականում հետևյալ նորմատիվ ակտերով․ ՀՀ աշխատանքային օրենսգիրք, Կողմերի միջև կնքված Աշխատանքային պայմանագիր։ Դասընթացի 7-րդ մոդուլի նպատակն է զինել ձեզ ձեր շահերի մասին տեղեկատվությամբ։
Այս տեսադասում փորձել ենք առանց իրվաբանական բարդ տերմինների, հասկանալի լեզվով ծանոթանացնել ձեր իրավունքներին ու պարտականություններին։
Մոդուլ 8. Անձնական բրենդն աշխատաշուկայում
Լավ մտածված և որակյալ անձնական բրենդը շատ մասնագիտական դռներ կարող է բացել ձեր առջև, օգնել նոր հաճախորդների և գործընկերների ներգրավման հարցում, նպաստել բիզնեսի զարգացմանը և ոչ միայն։
Ներկայացնում ենք «4C» դասընթացի վերջին՝ 8-րդ մոդուլի տեսադասը։
Ո՞րն է անձի բրենդը, ինչպե՞ս կարելի է այն սահմանել, ո՞րն է դրա կարևորությունը, նպատակը, ի՞նչ հարթակներում է պետք ներկայացված լինել ըստ սահմանված նպատակի։ Ինչպե՞ս է պետք ճիշտ ներկայանալ, ո՞րն է մեր թիրախային լսարանը։
Դասընթացի վերջին մոդուլը կպատասխանի այս և տարատեսակ այլ հարցերին։
Արդեն հասցրե՞լ եք ծանոթանանալ դասընթացին, և ցանկանում եք ստանալ վկայական։ Գրեք մեր careerfactory@staff.am էլ. հասցեին և մենք կտրամադրենք մանրամասները։
