emmal
Սկիզբ / Հարցազրույցներ / StaffBlog հարցազրույց. 5 րոպե Էմմա Առաքելյանի հետ

StaffBlog հարցազրույց. 5 րոպե Էմմա Առաքելյանի հետ

WCIT-ի շրջանակներում StaffBlog-ի թիմը զրուցել է ակնառու մասնագետների հետ և տվել մի քանի պարզ հարց։ Հավատացած ենք՝ կհավանեք:

Մեր զրուցակիցն է Էմմա Առաքելյանը, ճանաչված գործարար, քոուչ, գրքերի հեղինակ և երկու ճանաչված ընկերությունների հիմնադիր։

Մեկ նախադասությամբ նկարագրեք Ձեզ որպես մասնագետ։ Ինչո՞վ եք զբաղվում։

Իմ 27 տարվա տեխնոլոգիայի, էկոնոմիկայի, տրանսֆորմացիայի, նորարարության և որպես հեղինակ փորձի արդյունքում երկու կարևոր նպատակ եմ իմ առջև դրել։ Ինչպես մենք պատրաստենք ապագա առաջնորդներին, ինչպես մենք պատրաստենք ապագա սերնդին, որպեսզի կարողանան այս տեխնոլոգիական մեծ փոփոխությունները ոչ միայն ղեկավարել, այլ նաև առաջնորդել։

Առաջնորդ լինելը դա դերի, աշխատանքի, կամ նույնիսկ միայն ընտանիքի մեծ լինելը չէ։ Առաջնորդը դա այն մարդն է կամ այն կինը, որ ուղղակի ապրում է որպես առաջնորդ։ Յուրաքանչյուր որոշում կայացնելու ժամանակ հատուկ տեսանկյունից է նայում․ արդյո՞ք այդ որոշումը լավ է ինձ համար, իմ ընտանիքի համար, իմ ընկերների, շրջապատի, իմ երկրի և ողջ մարդկության համար։

Երկրորդ նպատակը՝ ինչպես անենք, որ այդ նորարարություններն աշխարհի ամեն անկյունից ազդեցություն թողնելու հնարավորություն ունենան։ Այսինքն, որպեսզի մենք ունենանք լավ ապագա, պետք է ունենանք ճիշտ մարդիկ, որոնք պետք է ղեկավարեն և առաջնորդեն և պետք է ունենանք նոր տեխնոլոգիաներ, նորարարություններ։ Արդյունքում տեխնոլոգիան և մարդը դառնում են մեկը։ Չիմանալ, չճանաչել տեխնոլոգիան, կարող է հանգեցնել սխալ որոշումների ընդունմանը։

Ամենևին, պետք չէ լինել գիտնական, տեխնոլոգիայի մասնագետ, բայց պետք է հասկանալ։ Եվ ամենակարևոր ուղղանկյունը, որ դնում եմ այս թեմայի մեջ՝ ինչ է դա նշանակում մարդկության համար։

Եվ ահա այս երկու նպատակների պատճառով էլ երկու ընկերություն ունեմ՝ Open Mind Productions և  Orion Worldwide Innovations:

Եթե հնարավորություն ունենայիք ճանապարհորդել ժամանակի մեջ և հանդիպել ինքներդ Ձեզ 18-20 տարեկան հասակում, ի՞նչ կարևոր խորհուրդներ կտայիք երիտասարդ Էմմա Առաքելյանին։

Հետաքրքիր է, որ այն ժամանակվա երիտասարդ Էմմայի մտածելակերպը շատ քիչ կփոխվի, քանի որ արժեքներն են նույնը։

Իմ խորհուրդը՝ իմացիր թե որոնք են քո արժեքները։ Որոշ արժեքներ, իհարկե, կարող են փոխվել, քանի որ հասունանում ես, բայց մի քանիսը՝ անկեղծությունը, անձնասեր չլինելը, համարձակությունը միշտ ինձ հետ են և շարունակում են լինել։

Ի՞նչ է հաջողությունը և ձախողումը Ձեզ համար։

Այստեղ կմեջբերեմ Սթիվ Ջոբսի խոսքերը․ «Մենք ոչ թե ձախողում ենք, այլ սովորում ենք»։

 

Եթե հնարավորություն ունենայիք փոխելու ցանկացած 3 բան աշխարհում, ցանկացած ոլորտում, որ 3-ը կընտրեիք։

Ամենաառաջինը կլինի կրթական համակարգի փոփոխությունը ամբողջ աշխարհում։ 20-ական թվականներից սկսած տեխնոլոգիան նոր սկսեց զարգանալ, դա մեր առաջին հարյուրամյակն էր և շատ ճիշտ հիմք էր եղել առաջընթացի համար։ Բայց հիմա տեխնոլոգիաները շատ արագ են զարգանում և հաճախ ենք լսում, որ համալսարանը լավը չէ, քանի որ արդիական չէ։ Եվ իհարկե, այստեղ իմ խորհուրդը կցանկանամ ասել․ այսօրվա կրթությունը շատ լավ հիմք է, բայց պետք է շատ արագ ավելացնել նորը այդ գիտելիքին։

Կրթական համակարգի փոփոխություն ասելով՝  նկատի ունեմ ոչ թե հիմքը քանդեն, այլ առաջին հարկը պատրաստ է, հիմա մտածենք ինչպես գնալ երկրորդ, երրորդ, չորրորդ և անսահման։ Դրա համար արագությունը և արդիականությունը շատ կարևոր են։ Այժմ երիտասարդները որոնումների մեջ են, և մենք պետք է օգնենք իրենց այդ որոնումներում։

Երկրորդը կցանկանայինք փոխել թափոնների կառավարումը։ Մենք ամեն ինչ թափում ենք։ Թափում ենք մեր գիտելիքները, թափում ենք ուտելիքը, թափում ենք չօգտագործված կահույքը, քանդված շենքերի մնացորդները, այսինքն՝ ոչ միայն փչացնում ենք մոլորակը, այլ նաև կորցնում ենք մեր կատարած աշխատանքի արդյունքը։

Ուստի մեծ աշխատանք պետք է տարվի թե ինչպես պահպանենք մեր ստեղծածը և կոգևորեի գիտնականներին նորարարություններ մտածելու համար, թե ինչպես արդյունավետ շրջանառեն թափոնները։

Եվ երրորդը սիրելի հայերին և ամբողջ աշխարհին է ուղղված, ամենակարևոր մասնիկը ապագայի և հաջողության, ընտանիքն է։ Եվ այստեղ կցանկանամ մեջբերել իմ գիրքը “The business caring formula”, այսինքն` աշխարհին նայիր որպես քո ընտանիք։ Եթե ընտանիքի արժեքները թուլացնենք, այս ֆորմուլան այլևս չի աշխատի։

Եվ ամենավերջում, ի՞նչ գիրք խորհուրդ կտաք մեր օգտատերերին, ստեղծագործություն, որ ինքներդ էլ կարևորում եք։

Մենք բոլորս ունենք նախընտրանքներ, և այս գիրքը “Please understand me”, սովորեցնում է թե ինչպես կարող ես իմանալ ինքդ քեզ և քո նախընտրանքները։ Եվ եթե պետք է փոխել, ուրեմն փոխեք։ Ես փոխել եմ։

Զրուցեց Լուիզա Ավետիսյանը

Կարդացեք նաև «2 հարց, տարբեր պատասխաններ», «5 րոպե Աշոտ Հովհաննիսյանի հետ», «5 րոպե Ալ Եսայանի հետ» StaffBlog հոդվածները։

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

3

staff.am «Թույն career, Tooyn մարդիկ» vol. 1 միջոցառումը կայացավ

Ինչպես գիտեք, այս նոյեմբերին staff.am-ը տոնում էր իր երրորդ տարեդարձը, որի շրջանակներում կազմակերպված երեք միջոցառումներից առաջինը …

Leave a Reply

Your email address will not be published. Required fields are marked *