Այս ժամանակահատվածը, որում մենք ապրում ենք, հիանալի հնարավորություն է տալիս ինքնազարգացմամբ զբաղվելու։ Մարդ կարող է ահռելի ծավալների հմտություններ սովորել՝ օգտագործելով օնլայն ռեսուրսները։ Տեխնոլոգիաների զարգացման հետ մեկտեղ մարդ պետք է ունենա տարատեսակ հմտություններ, որպեսզի շուկայում ձեռք բերի կայունություն և մրցունակություն։
Գոյություն ունեն անհամար հարթակներ, որոնց շնորհիվ Դուք կարող եք արժեքավոր մասնագիտություններ սովորել անվճար կամ շատ չնչին գումարով։ staff.am-ը նույնպես համագործակցում է նմանատիպ հարթակների հետ, ինչպիսիք են ՝ edX, Coursera, Udemy և այլ միջազգային օնլայն կրթական հարթակներ:
StaffTrainings բաժնում Դուք կարող եք գտնել Ձեզ հետաքրքրող օնլայն թրեյնինգներ՝
Ծրագրավորում
Նախագծերի կառավարում
և այլ ոլորտներում:
StaffBlog-ը Ձեզ համար ներկայացնում է մի քանի մասնագիտություններ, որոնցում կարող եք հմտանալ՝ օնլայն հետևելով հատուկ դասընթացների։
Վեբ դիզայն և ծրագրավորում: Վեբ դիզայնը և ծրագրավորումը պահանջված մասնագիտություններ են։ Սրան նպաստում է այն փաստը, որ ցանկացած բիզնես՝ լինի մեծ թե փոքր, հետաքրքրված է իր սեփական վեբ կայքը ունենալով, որպեսզի աշխարհին ի ցույց դնի իր արտադրանքը։
Կան բազմատեսակ կայքեր, որոնք Ձեզ կսովորեցնեն կայքի ծրագրավորում և դիզայն։ Տիրապետելով այս ոլորտի գիտելիքներին՝ Ձեր առջև կբացվեն բազմահազար աշխատատեղեր լայն հեռանկարներով։
Նորաձևություն, դիզայն: Մարդիկ միշտ սննդի, հագուստի և կացարանի կարիք ունեն։ Սրանք այն երեք կարիքներն են, որոնք նրանք միշտ ունենում են ողջ կյանքի ընթացքում։ Բոլորը՝ լինեն հարուստ թե աղքատ, ունեն հագուստի կարիք, իսկ քանի որ առաջնահերթությունը նորաձևությունն է, բոլորը ցանկանում են գեղեցիկ և հմայիչ տեսք ունենալ։
Կան տարատեսակ կայքեր և տեսահոլովակներ, որոնց միջոցով Դուք կարող եք սովորել նորաձևության էսքիզներ նկարել, պատրաստել կամ զգեստներ կարել։
Բանը նրանում է, որ ցանկացած պարագայում պրոֆեսիոնալ դիզայների մոտ հաճախորդների պակաս չի գրանցվի։
Թարգմանչություն: Կան մարդիկ, ովքեր տիրապետում են մի քանի լեզուների, սակայն երբեք չեն մտածել, որ կարող են թարգմանչությամբ զբաղվել։ Թարգմանչությունը հիմնված է լեզվի իմացության և տեխնիկայի վրա։ Ինչու՞ չօգտագործել տրված հնարավորությունը և զարգացնել արդեն իսկ ի հայտ եկած հմտությունները։ Այս հարցում կրկին օգնության է գալիս համացանցը։
Լուսանկարչություն: Մարդիկ իրենց բոլոր առիթներից՝ լինի հարսանյաց հանդես, թե ծննդյան տարեդարձ, ցանկանում են փոքրիկ հուշեր ունենալ։ Սովորաբար այս հուշերը լինում են լուսանկարների տեսքով։ Լուսանկարչությունն իր տեսակով բարդ մաթեմատիկական գիտելիքներ չի պահանջում։ Այս հմտությանը տիրապետելու համար ընդամենը պետք է ցանկություն և ժամանակ։ Օգտվելով համացանցում եղած տեղեկություններից մարդ կարող է սովորել այս մասնագիտությունն ու գումար աշխատել։
Բլոգի ստեղծում: Դուք կարող եք օնլայն սովորել ինչպես ստեղծել բլոգ և կառավարել այն։ Քայլ առ քայլ հետևեք հրահանգներին և Դուք արդեն կտիրապետեք այդ հմտությանը։ Սա Ձեզ հնարավորություն կտա հաճախորդների համար բլոգ ստեղծել և լրացուցիչ գումար վաստակել։ Ի ավելացում ասենք, ու Դուք կարող եք Ձեր բիզնեսի համար ևս բլոգ ստեղծել, որը կնպաստի նրա աճին։
