Սկիզբ / Հարցազրույցներ / «Երբ ընկերության մեջ կառավարման հիմքում մարդկային արժեքներն են, անհնարինը դառնում է հնարավոր»,- ԳՏԿ Բիզնես մենեջեր Ամալյա Եղոյան

«Երբ ընկերության մեջ կառավարման հիմքում մարդկային արժեքներն են, անհնարինը դառնում է հնարավոր»,- ԳՏԿ Բիզնես մենեջեր Ամալյա Եղոյան

Ամալյա Յեղոյան, Գյումրու տեխնոլոգիական կենտրոնի բիզնես ղեկավար
Մարտի 24-ին staff.am-ը հյուրընկալվեց Գյումրու տեխնոլոգիական կենտրոնում, որտեղ հաճույքով ներկայացրեցինք մեր հարթակը: Այցի ընթացքում հանդիպում ունեցանք նաև Գյումրիի տեղեկատվական տեխնոլոգիաների կենտրոնի գործադիր տնօրեն և Գյումրու տեխնոլոգիական կենտրոնի բիզնես մենեջեր Ամալյա Եղոյանի հետ, ով արդեն 2006թ -ից աշխատում է ՏՏ կառավարման ոլորտում:

Հանդիպումն անցավ չափազանց ջերմ մթնոլորտում, իսկ մեր թիմը վերադարձավ Երևան՝ Գյումրու տեխնոլոգիական կենտրոնի հետ ապագա համագործակցության ծրագրեր ճանապարհին մտմտալով։

Ամալյա, շատ ուրախ ենք այսօր հարցազրույց ունենալ Ձեզ հետ և վստահ ենք, որ հետաքրքիր և բովանդակալից զրույց կունենանք։

1 staff.am-ի առաքելությունն է Երևանում և ՀՀ մարզերում Գործատուներին ապահովել որակավորված աշխատակիցներով, իսկ ռազմավարական ի՞նչ քայլեր են ձեռնարկվում ԳՏԿ-ի կողմից աջակցելու մասնագետների որակավորմանը և նրանց ավելի հեշտ աշխատաշուկա մուտք գործելու համար։

ԳՏԿ–ն իր բազմաթիվ գործառույթներից բացի, կարևոր դեր է կատարում ՏՏ ոլորտում մասնագետների աճի համար: Սկսնակ ծրագրավորողների համար իրականացվում են ծրագրավորման դասեր, որտեղ դասավանդում են տեղի և մայրաքաղաքի առաջատար մասնագետները: ԳՏԿ-ի կողմից իրականացվում են բազմաթիվ սեմինարներ, հանդիպում –քննարկումներ  ոլորտի առաջատար մասնագետների մասնակցությամբ, որի նպատակը տեղի մասնագետներին համաշխարհային ՏՏ ոլորտին մասնակից դարձնելն է:

GTC1

2Ինչպես գիտենք համայնքի զարգացման ծրագրերը Ձեր թիրախային նպատակներից են։ Իսկ որո՞նք են Գյումրի քաղաքի զարգացման հիմնական ուղղությունները և Ձեր ձեռքբերումներն այսչափ կարևոր ոլորտում։

Վստահաբար կարող եմ ասել, որ մոտ ապագայում  Գյումրին կդառնա հզոր տեխնոկենտրոն, ԳՏԿ-ն մեծ քայլերով գնում է դեպի այդ նպատակը: Կարծում եմ Գյումրու զարգացման գլխավոր ուղին հենց ՏՏ է,  քանի որ մենք ունենք մեծ ներուժ, որն էլ ավելի շոշափելի է դարձնում քաղաքի տեխնոմայրաքաղաք  դառնալը: Այս պահին ԳՏԿ-ում ունենք այնպիսի հեղինակավոր ընկերությունների մասնաճյուղեր, ինչպիսիք են Սիներջին, Վօլօն:

ԳՏԿ-ն քաղաքում դիմագիծ է փոխում, մեր ծրագրավորողները  կարողանում են համաքայլ գնալ մայրաքաղաքին, մենք կարող ենք գրագետ լուծումներ առաջարկել, որոնք հետաքրքիր են նաև արտասահմանյան ներդրողին: Ի ապացույց կարող եմ նշել համաշխարհային բանկի հետ վերջերս կնքած պայմանագիրը:

3 Գյումրու տեխնոլոգիական կենտրոն մեր այցից հետո մենք հետևում ենք այն բոլոր միջոցառումներին, որոնք կազմակերպվում են ԳՏԿ հարկի տակ: Լինելով բազմազան իրենց բնույթով՝ մշակութայինից մինչև ձեռներեցություն, այս միջոցառումները վկայում են բիզնեսի զարգացման յուրահատուկ մոդելի մասին: Ինչպիսի՞ նոր ծրագրեր են մշակվում, որոնք կբարձրացնեն ներդրումային գրավչությունը և կնպաստեն համայնքում ՏՏ ոլորտի զարգացմանը։

Այս պահին առաջնային ենք համարում նոր շրջանավարտների գաղափարների գեներացմանը, ունենք Եվրոպական դոնորների հետաքրքրվածություն մեր start-up-երում: Այդ ուղղությամբ բանակցություններ են տարվում իսպանացի ներդրողների հետ:

Ամալյա-2
4Ակնհայտ է, որ Ձեր առօրյան չափազանց գերհագեցած է անցնում։ Իսկ ինչպե՞ս եք սկսում Ձեր աշխատանքային օրը, ինչպե՞ս եք ավարտին հասցնում օրվա մեջ ծրագրած բոլոր անելիքները: Ունե՞ք արդյոք արդյունավետ աշխատանքի Ձեր գաղտնիքը:

Ժպիտով, օրս սկսում եմ ժպիտով: Հավատացնում եմ Ձեզ, որ այստեղ ամեն ինչ մոտիվացնող է, ինչն էլ հաղթահարելի է դարձնում յուրաքանչյուր ծանրաբեռնվածություն: Իմ հաջողության գաղտնիքը մարդակենտրոն կառավարումն է, ես գտնում եմ, որ երբ ընկերության մեջ կառավարման հիմքում մարդկային արժեքներն են, թիմային աշխատանքը՝ անհնարինը դառնում է հնարավոր:

5 Ի՞նչ խորհուրդ կտայիք այն երիտասարդներին, ովքեր սովորելու և սեփական հաջողակ կարիերան ստեղծելու մեծ ցանկություն ունեն, սակայն չգիտեն որտեղից կամ ինչից սկսել։

Կարևոր է իմանալ ինչ ես ուզում և հնարավորություններդ հասցնել  նրան, որ ասես՝ ես ուզում եմ, ես կարող եմ…

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

21930870_10213482611320360_1649945874_o

Հերթական նվերները staff.am-ից

Staff.am թիմը չի դադարում անակնկալներ մատուցել իր հավատարիմ օգտատերերին։ Դեռ հունիս ամսին սկսած մեր նախաձեռնությունը դարձել …

Leave a Reply

Your email address will not be published. Required fields are marked *

Copy Protected by Chetan's WP-Copyprotect.