Շարունակվում են «Վերափոխելով բանականությունը» խորագրով «Գլոբալ ինովացիոն ֆորում»-ի միջոցառումները, որի ընթացքում աշխարհի 20 երկրների ավելի քան 90 գիտնականներ, նորարարության և բիզնես ոլորտի ներկայացուցիչներ քննարկում են արհեստական բանականության դրսևորումները տարբեր ոլորտներում։ StaffBlog-ը՝ որպես կարիերայի մեդիա գործընկեր, ձեզ հետ կկիսվի կարիերայում AI-ի ունեցած ազդեցության մասին՝ հարցազրույց ունենալով ակնառու հյուրերի, ներկաների և տարբեր ոլորտի գիտնականների հետ։
Այս անգամ անչափ հետաքրքիր էր զրուցել Abbyy հիմնադիր և նախագահ, Yva.ai համահիմնադիր Դեյվիդ Յանի հետ։
AI-ը մարդկային ռեսուրսներում․ ինչպիսի՞ ազդեցություն կունենան Մեծ տվյալները մասնագետների որոնման և աշխատանքի ընդունման գործընթացում։
Գրեթե բոլոր դեպքերում Մեքենայական ուսուցումը նույն կերպ է գործում՝ թրեյնինգ բաժին և թեստ բաժին: Համակարգը վերլուծում է ռեզյումեները, այն տվյալները, որոնք հուսով եմ համապատասխան են էթիկայի նորմերին, քանի որ որոշ տեխնոլոգիաներ, որոնք փորձում են վերլուծել տվյալներ աշխատանքի ընդունելու նպատակով, նրանք իրականում վերլուծում են անձնական տվյալներ, ինչպես օրինակ Linkedin -ը, Facebook-ը, Instagram-ը: Սրանք միավորում են այս բոլոր տվյալները, ապա անձնական տվյալները, ռեզյումեի տվյալները և աշխատանքի տվյալները, և ապա ծրագիրն (neural network) ըստ ձևաչափի կարողանում է ընտրել համապատասխան թեկնածուին: Տեխնիկական մասը սա է:
Հարցեր կան կապված էթիկայի մասով: Մենք հարիր չենք համարում օգտագործել անձնական տվյալներ առանց օգտատիրոջ համաձայնության: Շատ երկրներում այս անօրինական երևույթ է, ինչին պետք է շատ մեծ ուշադրություն դարձնել։ Ամազոնը փորձել է կիրառել այնպիսի տեխնոլոգիաներ, որոնք հիմնված են եղել պատմության մեջ մեծ հաջողություն գրանցած արական սեռի ներկայացուցիչների վրա: Իրականում AI տեխնոլոգիաները կողմնապահություն են առաջացրել կապված իգական սեռի ներկայացուցիչների հետ: Կողմնակալ կարծիք կա , որ արական սեռի ինժեներներն ավելի արդյունավետ են աշխատանքում, քան իգական սեռի ինժեներները: Սա էլ մեկ այլ խնդիր է AI-ի կիրառման մեջ: Եթե այն դարձնենք էթիկայի նորմերին համապատասխան, ապա այն շատ հզոր գործիք կդառնա:
Տարբեր ժամանակաշրջաններում գիտական նորությունները լուրջ ազդեցություն են ունեցել, կխնդրենք նշել արհեստական բանականության 1 առավելություններից և 1 թերություններից։
Առավելություններից մեկն այն է, որ AI-ը կարող է վերլուծել շատ ավելի մեծաքանակ տվյալներ, քան մարդ արարածը։ Ինչպես նաև AI-ը կարող է անվերջ սովորել։
Թերություններից մեկն այն է, որ եթե դու ունես ոչ պետքական տեղեկատվություն, ապա կունենաս նաև ոչ պետքական արդյունք: Այսինքն` պետք է վստահ լինես, որ մոդելը ճիշտ է կառուցված։
GIF2019: Transforming Intelligence համաժողովին իր ելույթի ժամանակ Դեյվիդ Յանը նաև անդրադարձավ տարբեր մասնագիտական ոլորտներում AI-ի փոխակերպող ազդեցության մասին։ Ստորև ներկայացնում ենք այն գրաֆիկաներով՝
Զրուցեց Նազելի Բադալյանը
