Ձեր ուշադրությանն ենք ներկայացնում ՏՏ ոլորտում իր ակտիվ մասնակցությունը ցուցաբերող «Girls in Tech» գլոբալ հասարակական կազմակերպությունը, որի նպատակն է Հայաստանում ներգրավել, կրթել եւ առաջ մղել տեխնոլոգիաների նկատմամբ հետաքրքրություն ունեցող կանանց եւ աղջիկներին: 
«Girls in Tech»-ի մասին
«Girls in Tech»-ի գլխավոր գրասենյակը գտնվում է Սան Ֆրանցիսկոյում, սակայն կազմակերպությունն արդեն ունի 60-ից ավել մասնաճյուղ աշխարհի ավելի քան 35 երկրներում։ Կազմակերպությունն ունի մասնաճյուղ նաև Հայաստանում։ Հայաստանյան մասնաճյուղը հիմնադրվել է 2016 թվականին և սկսել է գործել 2017 թվականից։
«Girls in Tech» ՀԿ-ն, կոտրելով բոլոր կարծրատիպերը, կենտրոնացել է տեխնոլոգիաների ոլորտում կանանց և աղջիկների առաջմղման, կրթության և զարգացման վրա։ Կազմակերպությունն իր առջև դրել է նպատակ՝ բարձրացնելու կանանց ինքնավստահությունը և պակասեցնելու սեռային խտրականությունները ՏՏ ոլորտում։ 
«Girls in Tech»-ի այս անդրադարձում խոսել ենք նաև Սեդա Պապոյանի հետ, ով հանդիսանում է GIT հիմնադիր և բավականին ակտիվ է կազմակերպության գործունեությունը ընդլայնելու հարցում։
«Girls in Tech»-ի կողմից անցկացվող միջոցառումները
2017թ.-ի փետրվարի 28-ին «Girls in Tech» ՀԿ-ն անցկացրեց «Power Builder Bootcamp» միջոցառումը, որի հիմնական նպատակն էր թույլ տալ միջոցառմանը մասնակցող սկսնակ և արդեն գործող կին գործարարներին բացահայտել և ձեռք բերել նոր հմտություններ և ունակություններ, որոնք կարող են հանգեցնել դրական փոփոխությունների իրենց համայնքներում:
Հոկտեմբերի 7-8-ը «Girls in Tech» ՀԿ-ն Երևանում առաջին անգամ անցկացրեց սոցիալական նորարարության Hacking for Humanity (H4H) հեքըթոնը։
Իսկ, ահա, այս տարվա հունվարի 7-ին Հայաստանի ՏՏ ոլորտում ներգրավված կանայք եւ աղջիկներն առաջին անգամ մասնակցեցին թեմատիկ ընթրիքին «Geek Girls’ Dinner», որը նախաձեռնել էր Girls in Tech համաշխարհային ցանցի հայկական մասնաճյուղը: ՏՏ ոլորտի թեմատիկ ընթրիքի շուրջ հենց կանայք են հաճախ հանդիպում և կիսում իրենց մտքերն ու հանդես գալիս նախաձեռնություններով:
Staff.am և «Girls in Tech»
Հոկտեմբերի 7-8-ը «Girls in Tech» ՀԿ-ի՝ Երևանում առաջին անգամ անցկացվող սոցիալական նորարարության Hacking for Humanity (H4H) հեքըթոնի մասնակիցների համար որպես խոսնակ (speacker) հանդես է եկել staff.am-ի համահիմնադիր Լուիզա Ավետիսյանը:
staff.am-ի և «Girls in Tech» ՀԿ-ի հերթական հանդիպումը կայացել է 2018թ.-ի հունվարի 7-ին անցկացվող թեմատիկ ընթրիքին «Geek Girls’ Dinner»:
Ներկայումս staff.am-ը և «Girls in Tech» ՀԿ-ն ունեն հետաքրքիր ծրագրեր տեխնոլոգիական ոլորտում կանանց և աղջիկների ներգրավվածությունը մեծացնելու ուղղությամբ, որոնց մասին կհայտնենք այս տարվա ընթացքում, և, իհարկե, կլուսաբանենք մեր staffblog -ում և սոց․ մեդիայում։
«Girls in Tech»-ի հետ համագործակցության մասին խոսել ենք staff.am-ի համահիմնադիր Լուիզա Ավետիսյանի հետ, ով նշեց․
<<Ես ինքս հանդիսանում եմ <<Girl in tech>> ☺, և, իհարկե, շատ եմ կարևորում կանանց և աղջիկների ներգրավվածությունը ՏՏ ոլորտում։ Չնայած մեր գործունեության կարճ ժամանակահատվածի, մենք հասցրել ենք մի շարք կարևոր գործընկերներ ձեռք բերել, այդ թվում նաև «Girls in Tech»-ի։ GIT-ի հետ համագործակցելու ենք ՏՏ-ում կանանց և աղջիկների կարիերայի զարգացման համատեքստում, ինչպես նաև GIT-ի կողմից կազմակերպվող թեմատիկ միջոցառումների շրջանակներում>>։
Ամփոփենք
Վստահորեն կարող ենք ասել, որ «Girls in Tech»-ը կարճ ժամանակահատվածում հասցրել է լուրջ գործունեություն ծավալել՝ իր շուրջը հավաքելով ոլորտով հետաքրքրված կանանց և աղջիկներին, և ոչ միայն ☺
Ընկերության մասին առավել մանրամասն տեղեկություններ կգտնեք, եթե այցելեք այստեղ։
