Հունիսի 20-ին Էլիտ Պլազա Բիզնես կենտրոնում կայացավ «Կուլիսներից այն կողմ 2» միջոցառումը, որն ուրույն ձևաչափով հանդիպում է ՄՌԿ ոլորտին առնչվող մասնագետների հետ և նպատակ ունի ոլորտը դարձնել ավելի թափանցիկ, նպաստել գործատու և աշխատանք փնտրող անմիջական կապի ստեղծմանը, ինչպես նաև ստեղծել հարթակ, որտեղ կքննարկվեն ՄՌԿ ոլորտի հետ կապված տարբեր հիմնահարցեր։ Այս հանդիպումը թվով արդեն երկրորդն էր, և կազմակերպվել էր staff.am-ի և Անի Մերուժանի Մարգարյանի հետ համատեղ համագործակցությամբ։ Ուրախ ենք ստորև ներկայացնել հանդիպման ամփոփումը, այն հարցերն ու դրանց պատասխանները, որոնք տրվել են քննարկման ժամանակ, ինչպես նաև կիսվել ձեզ հետ հանդիպման ֆոտո և տեսահոլովակ նյութերով։
Հանդիպմանը ներկա էին ավելի քան 100 մասնակիցներ, շատերն արդեն ծանոթ էին «Կուլիսներիս այն կողմ» հանդիպում-քննարկման ձևաչափին, և, իհարկե, բաց չէին թողել նոր հանդիպմանը մասնակցելու հնարավորությունը։ «Կուլիսներից այն կողմ 2» պանելային քննարկումն իր թեմատիկայով տարբերվում էր նախորդից։
Առաջին պանելային քննարկում՝ <<Ցանկալի թեկնածու>>
Առաջին պանելային քննարկումը, որին մասնակցում էին ՏՏ և Բանկային ոլորտի առաջատար ընկերությունների՝ Digitain, Ամերիաբանկ, Flux Technologies, Webb Fontaine, Joomag ՄՌԿ մասնագետները, նվիրված էր «Ցանկալի թեկնածու» կերպարին։
Մոդերատոր՝ Լուիզա Ավետիսյան, staff.am -ի համահիմնադիր
Պանելիստ՝ Սոնա Գրիգորյան, Մարդկային ռեսուրսների և կազմակերպական զարգացման տնօրեն, Digitain
Պանելիստ՝ Օֆելյա Քամալյան, Տաղանդների ներգրավման և ադապտացման թիմի ղեկավար, Ameriabank
Պանելիստ՝ Անի Ռշտունի, Talent Acquisition and Organization Development Manager, Flux Technologies
Պանելիստ՝ Իվետ Թորոսյան, Մարդկային ռեսուրսների կառավարիչ, Webb Fontaine Holding Armenia
Պանելիստ՝ Անի Մերուժանի Մարգարյան, ԵՊՀ ՄՌԿ դասախոս, Talent Specialist Joomag Armenia
Մասնավորապես, քննարկվեցին, թե ինչպիսի՞ մասնագետներ են այսօր ամենապահանջվածն աշխատաշուկայում։ Ի՞նչ է նշանակում մշակութային համապատասխանություն (cultural fit)։ Ի՞նչ է տեղի ունենում ընկերությանը դիմելուց հետո, ի՞նչ մոտեցումներ կան ռեզյումեները ֆիլտրելիս, և ո՞ր թեկնածուներն են հրավիրվում հարցազրույցների։
«Ցանկալի թեկնածու» պանելային առաջին քննարկման մոդերատոր, staff.am համահիմնադիր Լուիզա Ավետիսյանը նշեց,- staff.am կարիերայի օնլայն հարթակի գործունեության նպատակներից մեկն է օգնել աշխատանք փնտրողներին և գործատուներին հանդիպել մեկ վայրում, ինչի շնորհիվ Գործատուն կարող է գտնել իր ցանկալի թեկնածուին, իսկ աշխատանք փնտրողն իր ցանկալի աշխատանքը։ Այս միջոցառումը ևս մեկ կարևոր քայլ է հանդիսանում մեր առաքելության իրականացման ճանապարհին․ ինտերակտիվ ոճով կազմակերպված քննարկումների շնորհիվ ՄՌԿ ոլորտի հարցերի շուրջ վեր են հանվում այնպիսի բազմազան տեսակետներ, որոնք ինչպես յուրահատուկ ուղեցույց են հանդիսանում սկսնակ և կայացած մասնագետների համար, այնպես էլ փորձի փոխանակման հարթակ՝ ՄՌԿ ոլորտի մասնագետների համար։
Երկրորդ պանելային քննարկում՝ «Կուլիսներից այն կողմ»
Ինչպես խոստացել էինք երկրորդ պանելային քննարկումը, որը վարում էր Joomag Talent Specialist Անի Մերուժանի Մարգարյանը, առավել «կուլիսային» էր։ Այս փուլի պանելիստներն էին ՀՀ Կենտրոնական բանկի, Synopsys-ի, ՎիվաՍել-ՄՏՍ-ի, Հայաստանի ամերիկյան համալսարանի ոլորտում առաջատար մասնագետները, որի ընթացքում խոսեցինք այն ամենի մասին, թե ինչ է տեղի ունենում ընկերությանը դիմելուց հետո, մասնավորապես, ի՞նչ մոտեցումներ կան ռեզյումեները ֆիլտրելիս, ո՞ր թեկնածուներն են հրավիրվում հարցազրույցների, ինչպիսի՞ արգելված սխալներ կան հարցազրույցների ժամանակ, ինքնաներկայացման ի՞նչ ընդունված ձևեր կան։
Մոդերատոր՝ Անի Մերուժանի Մարգարյան, ԵՊՀ ՄՌԿ դասախոս, Talent Specialist Joomag Armenia
Պանելիստ՝ Արա Չալաբյան, ՀՀ ԿԲ գլխավոր աուդիտոր, Հայաստանի Ներքին աուդիտորների ինստիտուտի նախագահ, Ամերիկյան համալսարանի և Ագրոբիզնեսի ուսուցման կենտրոնի դասախոս
Պանելիստ՝ Արաքս Սահինյան, Մարդկային ռեսուրսների հավաքագրման ավագ մասնագետ, Synopsys EMEA
Պանելիստ՝ Մարիանա Էդիլյան, ՄՌ պլանավորման և զարգացման բաժնի պետ, VivaCell-MTS
Պանելիստ՝ Արինա Բեկչյան, Director of human resources, AUA
Հարց ու պատասխան
Միջոցառման համար հատկացրել էինք ժամանակ նեթվորքինգի համար, որի ընթացքում մասնակիցներն առիթ ունեցան իրենց հուզող հարցերն անհատական ուղղել պանելիստներին։ Միջոցառումը նաև առանձնանում էր ոչ միայն նեթվորքինգի ընթացքում գործնական ծանոթություններ ստեղծելու առավելություններով, այլև հանդիպման մասնակիցները հնարավորություն ունեցան օնլայն ռեժիմում ուղղել իրենց հարցերը պանելիստներին հատուկ slido․com համակարգի միջոցով։ Մասնակիցների կողմից ուղղված հարցերին և պատասխաններին կարող եք ծանոթանալ հիմա։
Ծանոթանալ հարց ու պատասխանին հիմա
Ինչպես նախորդ բոլոր հանդիպումների ժամանակ, այս անգամ ևս staff.am անակնկալ նվերները երկար սպասեցնել չտվեցին այն մասնակիցներին, որոնց հարցերը ստացել էին առավելագույն հավանումները օնլայն համակարգում։
staff.am և Անի Մերուժանի Մարգարյանի անունից շնորհակալություն ենք հայտնում մեր պանելիստներին և մասնակիցներին իրենց հարուստ փորձով և ոլորտի ակտուալ հարցերով մեզ հետ կիսվելու համար։ Նոր ձևաչափով հանդիպում-քննարկումներն առջևում են, շարունակեք հետևել մեզ առաջիկա միջոցառումները բաց չթողնելու համար։
