Հունվարի MND. HackTech, Gurus, Atenk, EasyPay և staff.am. Ամփոփում ենք անցնող ամսվա իրադարձությունները

701

staffmedia.am-ի բարի ավանդույթի համաձայն՝ ամփոփում ենք մեր գործատու կազմակերպությունների անցնող ամսվա նորությունները՝ մեր հարազատ MND (monthly news digest) ձևաչափով, որին վերջին երկու ամիսներին մեղմ ասած «ձեռքներս չէր հասել»։

Տարվա առաջին ամիսը շատ ակտիվ սկսվեց, իսկ ասելիքը շատ է։ Դե ինչ, գնացինք։


 Մեր գործըկերոջ նորությունները՝ HackTech

HACKTECH

HackTech-ը, որը հանդիսանում է ծրագրային ապահովման առաջատար ՀՀ ընկերություն դեկտեմբերին տեղափոխվեց նոր և գեղեցիկ գրասենյակ։ Այս մասին կիսվել ենք staffmedia.am-ում հրապարակած HackTech-ի Տարին ամփոփ հոդվածում։
Իսկ հիմա կցանկանանք կիսվել ձեզ հետ HackTech-ի հիմնադիր-տնօրեն Հակոբ Շարաբխանյանի հետ մեր բացառիկ հարցազրույցով, որում նա կիսվում է իր հաջողության պատմությունով, նոր և հավակնոտ ծրագրերով, թիմակիցների ընտրության մոտեցումներով և այլն։
Առաջարկում ենք դիտել Հակոբ Շարաբխանյանի հարցազրույցը և կարդալ հոդվածը staffmedia.am-ում։


GURUS

Gurus-ը մատուցում է բիոմետրիկ ծառայություններ, վիճակագրական ծրագրավորում՝ SAS և R ծրագրերի միջոցով։
Նշենք, որ անցած ամիս staffmedia.am-ը հասցրել է լինել Gurus-ի գրասենյակում, զրուցել ընկերության հիմնադիր տնօրեն Վահե Մարտիրոսյանի հետ։ Ներկայացնում ենք մի քանի դրական, հետաքրքրաշարժ նորություններ՝ հիմնված մեր պատրաստած տեսանյութի ու հոդվածի վրա։
Ավելացել են Gurus-ի գործընկերները, որին զուգահեռ ընդլայնվել է ընկերության մասնաճյուղերի աշխարհագրությունը։
Հատկանշական է, որ SAS ծրագրավորողների 90%-ը, միգուցե և ավելին, մասնագիտական կրթություն ստացել է Gurus թիմի կողմից։ Lավագույնները հնարավորություն ունեն անցնելու վճարովի եռամսյա ինթերնշիփ ու, իհարկե, ստանալ աշխատանք։ Բայց շատ չմանրամասնենք, ուղղակի կարդացեք հոդվածը և դիտեք Վահե Մարտիրոսյանի հարցազրույցը։


Աթենքը՝ որպես staff.am-ի գործընկեր

ATENK

Ավելի քան 30 տարվա պատմություն ունեցող Աթենք ընկերությունը հանրությանը հայտնի է իր բարձրորակ մսամթերքով։
Հունվարին staffmedia․am-ի թիմն առիթ ունեցավ հյուրընկալվել Աթենքում՝ լուսաբանելու ընկերության հաջողությունները, ձեռբերումներն ու նոր նախագծերը։
Տեսանյութում Աթենք ընկերության թիմը պատմում է նոր գործարանի կառուցման մասին։
Գործարանի կառուցման նպատակն է ոչ միայն հայրենական արտադրության ծավալների մեծացումն, այլև մսամթերքի շուկայի զարգացումը, աշխատատեղերի ընդլայնումը, արտասահմանյան աշխատաշուկայում դիրքերի ամրապնդումը։


EasyPay-ը՝ staff.am-ի գործընկեր

EASYPAY

EasyPay-ի մասին staffmedia.am հարթակում բազմիցս ենք առիթ ունեցել խոսելու։ Այս անգամ անդրադարձել ենք նոր աշխատակիցների համար ընկերության կողմից մշակված նոր welcome kit-երին։
Ցանկանալով փոխանցել հարազատության ու պատկանելիության զգացում նոր աշխատակիցներին՝ Հայաստանի առաջատար ֆինտեխ հարթակներից EasyPay-ը պատրաստել է նրանց համար նոր welcome kit-եր։ Այս պարզ տուփը ներառում է բրենդավորված նոթատետր ու գրիչ, ջրի շիշ, հեռախոսի հենակ և այլն։

Welcome kit-ի պարունակությունը որոշելիս EasyPay-ը առաջնորդվել է օգտակարը հաճելիի հետ համատեղելու սկզբունքով։ Ինչ էլ որ լիներ տուփի ներսում, «բարև» գրվածքով տուփն արդեն իսկ հուշում է ստացողին, որ նա այսուհետ թիմի մի մասն է։
Կարդացեք մանրամասները հոդվածում։


staff.am

staff.am-ը հունվարին հրապարակեց «ՀՀ աշխատաշուկա 2023» ծավալուն զեկույցը, որն արդեն հասցրել է արժանանալ հանրության ու մեդիայի ուշադրությանը։ Մեր կողմից իրականացրած ընդգրկուն, բազմակողմանի ու մանրամասն կատարված վերլուծական աշխատանքը թվով 7-րդն էր։
2023թ. հատկանշական էր նրանով, որ staff.am-ի կողմից իրականացվող վերլուծական գործունեությունն ավելի ինստիտուցիոնալ հիմքի վրա դրվեց. թողարկվեց Compass by staff.am ծառայությունը, որի շրջանակներում էլ հենց այսուհետ իրականացվում են ոչ միայն աշխատաշուկայի, այլ նաև շատ տարբեր ուղղվածությամբ հետազոտություններ և ուսումնասիրություններ։
Ինչպես անցյալ տարի, այս տարի նույնպես զեկույցի հրապարակումն ունի բարեգործական բնույթ։ Այս մասին նույնպես կարող եք ծանոթանալ զեկույցի ամբոջղական տարբերակում։