Վերջերս Simply Technologies ընկերությունը նշեց իր 12-ամյակը։ Միջոցառմանը ներկա էին ընկերության գործընկերները, թիմակիցներ, և պարզապես ՏՏ համայնքի ներկայացուցիչներ, ովքեր ոգևորված են ընկերության հաջողության և առաջընթացի պատմությամբ։
Ընկերության տարեդարձի միջոցառման ընթացքում ընկերության համահիմնադիր Հարութ Մուրադյանը վերհիշեց ընկերության անցած ուղին և ընդգծեց թիմի ձեռքբերումները: Նա երախտագիտություն հայտնեց գործընկերներին, թիմակիցներին համատեղ ջանքերի համար, որոնք նպաստել են Simply Technologies-ի ներկայիս հաջողությանը։
Simply-ն հետևողականորեն գնում է նպատակի ճանապարհով՝ լինելով հաճախորդների կողքին որպես հուսալի գործընկեր, նպաստել վերջիններիս հաջողությանը և մշտապես տրամադրել բարձրորակ ծառայություններ։ Իսկ ինչ վերաբերում է թիմին, ապա նպատակը եղել և մնում է ստեղծել ու պահպանել մշտական զարգացման և մասնագիտական աճի մթնոլորտ, քանի որ մարդիկ առաջնային են Simply-ում: Ընկերությունը գիտակցում է իր թիմի անդամների կարևորությունը` զարգացնելով և պահպանելով միջավայրը մշտական աճի և զարգացման համար բոլոր հարթություններում, և շարունակելով լինել զվարճալի և ընկերական մթնոլորտ ունեցող վայր:
Ընկերության շեշտադրումը նորագույն տեխնոլոգիաների կիրառմանը մնում է առաջնահերթություն: Simply Technologies-ը տարիների ընթացքում ցուցաբերել է ճկունություն՝ կիրառելով նոր տեխնոլոգիաներ և համահունչ մնալով ժամանակակից միտումներին: Այս մտածելակերպը թույլ է տվել ընկերությանը մնալ երիտասարդ, նորարար և եռանդուն:
Իր բոլոր գործողություններում Simply-ն շարժվում է հենց պարզության սկզբունքով, ինչը նշանակում է ինչպես ազնվություն և թափանցիկություն թիմակիցների, հաճախորդների հետ հարաբերություններում, այնպես էլ ՏՏ համայնքի հետ։ Ավելին, Simply Technologies-ն ակտիվորեն նպաստում է Հայաստանում ՏՏ ոլորտի զարգացմանը:
Ընկերության մասնակցությունը JavaScript կոնֆերանսներին, React Conferences-ին, BarCamp Yerevan-ին և այլ տեխնոլոգիական միջոցառումներին ընդգծում է նրա նվիրվածությունը գիտելիքների փոխանակմանը և համայնքի ներգրավմանը:
Simply Technologies-ը հայտնի է իր վեբ և մոբայլ պրակտիկայի ծրագրերով, որոնք արժեքավոր հնարավորություններ են տալիս սկսնակ ծրագրավորողներին գործնական փորձ ձեռք բերելու համար: Պրակտիկայի ծրագրի ավարտին լավագույն ուսանողները ստանում են աշխատանքի առաջարկ Simply-ից և այլ գործընկեր կազմակերպություններից:
Այսպիսով՝ Simply-ն դեռ շատ հաջողությունների է հասնելու՝ նպաստելով տեխնոլոգիական զարգացմանը և նորարարությանը, որտեղ պարզությունը, թափանցիկությունը, Simply լինելն առաջնահերթ է։
SIMPLY-Ի 12-ԱՄՅԱԿԸ ԼՈՒՍԱՆԿԱՐՆԵՐՈՒՄ
