Կարմիր գորգ, հին ու նոր հատվածներ սիրելի հայկական ֆիլմերից, ամենուրեք «Մենք ենք մեր HR-երը» անվանական պաստառներ, գինի, հյուրասիրություն, ժպիտներ, նկարահանման հարթակներ, նեթվորքինգ, պանելային քննարկում, և ուշադրություն՝ միջոցառման կուլմինացիան՝ միասնական Մշո Քոչարի։
Գուշակեցի՞ք, թե որ միջոցառման մասին է խոսքը։
Դե իհարկե, staff.am Գալա 2023-ի։
Դեկտեմբերի 9-ին ուղիղ կեսօրին տրվեց staff.am-ի «Մենք ենք մեր HR-երը» միջոցառման մեկնարկը։ Ինչպես նախորդ մեր Գալա միջոցառումների, այնպես էլ այս տարվա համար ընտրել էինք մշակութային կարևոր իրադարձություն, այն է հայկական կինոյի
100-ամյակը։ Միջոցառման անցկացման վայրն ու ձևաչափն էլ ընտրված էր համապատասխան։ Եվ ահա, Կինոյի տան կարմիր գորգով սկիզբ էր առնում staff.am-ի գործընկերների համար կազմակերպված գեղեցիկ ու բովանդակալի միջոցառումը։
Միջոցառման բացումն ու ինֆորմացիոն հատվածը
Երբ հյուրերն արդեն տեղափոխվել էին դահլիճ ու տեղավորվել, չէին էլ գուշակում, թե ինչ գեղեցիկ ու, իհարկե, թեմատիկ անակնկալ էինք պատրաստել իրենց համար։ Մեր թիմակից Ալե Մինասյանը, որը միջոցառման հոսթն էր, բեմ հրավիրեց դաշնակահար Վարդգես Դադայանին, լույսերը մարեցին, իսկ էկրանին հայտնվեց անչափ հուզիչ տեսանյութ՝ «Հայկական կինոյի 100 տարին 15 րոպեում» խորագրով։
Դաշնամուրային կենդանի կատարումների ներքո մեծ էկրանին մեկը մյուսին հաջորդեցին հայ կինոյից հարազատ դարձած դրվագներ՝ «Եռանկյունի», «Երջանկության մեխանիկա», «Հայրիկ», «Մենք ենք, մեր սարերը», «Կտոր մը երկինք», «Կյանք ու կռիվ», «Անատոլիական պատմություն» և այլ ֆիլմերից։ Դահլիճում մթնոլորտն անչափ հուզիչ էր։ Մեր անակնկալը շատերին ստիպեց վերադառնալ մանկություն, վերապրել հայկական կինոյի հարազատ պահերը։
Միջոցառման բացումը կատարեց staff.am համահիմնադիր Վահե Ավետիսյանը։
Շնորհակալ ենք բոլորիդ, որ ներկա եք այս գեղեցիկ միջոցառմանը։ Շնորհակալ ենք մեզ վստահելու համար և ձեր ներկայության հզոր էներգիայով պարուրելու այսօրվա միջոցառումը,-մասնակիցներին ողջունեց staff.am և Hirebee համահիմնադիր Վահե Ավետիսյանը
Ողջույնի խոսքից հետո սկիզբ տրվեց միջոցառման արդեն ավանդական դարձած ինֆորմացիոն հատվածին, որի համար բեմ հրավիրվեց staff.am համահիմնադիր Լուիզա Ավետիսյանը։
«Մենք ենք, մեր HR-երը» գալա միջոցառումը հարգանք ու դրվատանք է ոչ միայն հայկական կինոյի 100-ամյակին, այլ նաև մեր գործունեության 7 տարիների ընթացքում ձեռք բերած հարազատ գործընկերներին, մեր համայնքին և մեր երկրին։ 2023-ը դժվար տարի էր բոլորիս համար, սակայն պետք է սովորենք անգամ ամենբարդ իրականության մեջ մեզ վերագտնել, շարժվել առաջ՝ դեպի նոր ծրագրեր, գաղափարներ ու համատեղ անելիքներ։
Շնորհակալ եմ բոլորիդ, որ այսօր այստեղ եք՝ մեզ հետ միասին։
Առաջին անգամ մեծ լսարանից խոսվեց staff.am էկոհամակարգի մասին։
staff.am-ի համար այս տարին հատկանշական էր, քանի որ առաջին անգամ ներկայացանք որպես պրոդուկտների էկոհամակարգ, այլ ոչ թե միայն կարիերայի հարթակ։ staff.am էկոհամակարգը բաղկացած է չորս ուղղությունից. staff.am` աշխատանք և աշխատակից փնտրելու հարթակ, Compass by staff.am` մեր վերլուծահետազոտական ուղղությունը, Career Factory` staff.am-ի կրթական նախագիծը և staffmedia.am՝ մեդիա հարթակ՝ մարդկանց, բիզնեսի և աշխատաշուկայի մասին. Լուիզա Ավետիսյան։
Իր ելույթի ընթացքում Լուիզան մանրամասն ներկայացրեց Сompass by staff.am նոր ծառայությունն ու դրա շրջանակներում իրականացրած աշխատաշուկայի տարատեսակ վերլուծությունները և կիսվեց նաև թե ինչպես նման վերլուծությունները կօգնեն ՄՌԿ ոլորտի մասնագետներին որոշումների կայացման հարցում։ Ինֆորմացիոն հատվածում խոսվեց նաև անցնող տարվա ընթացքում staff.am-ի կարևորագույն նախաձեռնությունների ու ձեռբերումների մասին։ Առանձին տեսահոլովակի միջոցով էլ մասնակիցները ծանոթացան staffmedia.am-ի նոր ձևաչափի և մեդիա հարթակում մեկնարկած սյունակագիր լինելու հարավորությանը։
Միջոցառման ինֆորմատիվ հատվածն ամփոփվեց գեղեցիկ տեսանյութով, որում staff.am-ի հետ համագործակցող և արդեն երկար ճանապարհ անցած գործընկերները կիսվում էին staff.am-ի հետ կապված հիշողություններով, պատասխանում տարբեր հետաքրքիր հարցերի։
Շատ չենք մանրամասնում, ուղղակի հրավիրում ենք դիտելու տեսահոլովակը։
Միջոցառման Նեթվորքինգի հատվածը ուղեկցվեց Wine and Cheese հյուրասիրությամբ՝ հիանալի հնարավորություն ստեղծեով հյուրերի համար՝ ծանոթանալու և շփվելու։
Ի դեպ, համեղ գինիների համար շնորհակալություն հայտնենք Moosah Wines ընկերությանը։ Ինչպես նաև, մեր գործընկեր Foody ընկերությանը։
Պանելային քննարկում՝ «Առաջնորդությունը դժվար ժամանակներում»
staff.am գալա միջոցառման արդեն ավանդական դարձած հաջորդ հատվածը բիզնեսի, առաջնորդության և նման թեմաների շուրջ դասախոսություն կամ քննարկումն էր։ Այս անգամ, հաշվի առնելով այն լուրջ մարտահրավերները, որոնց մեր երկիրը բախվեց 2023թ.-ին, այս հատվածի բովանդակությունը հենց այնպես չէր ընտրված։
«Առաջնորդությունը դժվար ժամանակներում» թեմայով պանելային քննարկմանը մասնակցում էին
ICC Armenia հիմնադիր և գլխավոր քարտուղար Րաֆֆի Սեմերջյանը, Picsart ընկերության ուսուցման և զարգացման գծով ավագ տնօրեն Մադլեն Մինասյանը, Galaxy Group խմբի ռազմավարության և ինովացիաների գծով տնօրեն Էդգար Կարապետյանը։
Քննարկման ընթացքում մասնակիցները դահլիճից հնարավորություն ունեցան հղելու իրենց հարցերը։
Պետք է կենտրոնանանք մեր ուժեղ կողմերի վրա։ Աշխատանքում հաջողության հասնելու համար մենք պետք է կենտրոանանք մեր ուժեղ կողմերի վրա։ Եվ նույնը կիրառելի է նաև թիմի պարագայում,-ընդգծեց Մադլեն Մինասյանը։
Կազմակերպությունը պետք է ունենա իր արժեքներն ու տեսալականը։ Պետք չէ մեղադրել մարդկանց, պետք է մեղադրել համակարգը։ Առաջնորդը նա է, ով ճանաչում է, գնում է, ցույց է տալիս ճանապարհը,-նշեց Րաֆֆի Սեմերջյանը
Անկախ մեզնից՝ իննովացիոն տեխնոլոգիաները մտնում են մեր կյանք։ Անհնար է աշխատել հին մեթոդներով նոր մարդկանց հետ։ Հենց երիտասարդներից պետք է կարողանանք սովորել ու լինել ,-նշեց Էդգար Կարապետյանը
Աշխատաշուկա 2023
Հատկապես ՄՌԿ ոլորտի մասնագետների համար ամենասպասված հատվածներից մեկը աշխատաշուկայի ամենամյա վերլուծության ներկայացումն էր։
Վերլուծական հատվածի կարևոր բաղադրիչներից էր 10 ամենաակտիվ ոլորտներում ՄՌԿ մասնագետների միջին աշխատավարձերի համեմատական վերլուծության ներկայացումը։
Միասնական Մշո Քոչարին
Միջոցառման ավարտին հայտարարվեց սպասվող անակնկալի մասին։ Նախորդ տարվա մասնակիցների մոտ հաճելի հիշողություններ արթնացան, քանի որ staff.am Գալա 2022 ամփոփել էին միասնական երգով։
Այժմ հերթը ոչ թե երգելունն էր, այլ պարելունը, այն էլ քոչարի։ Դժվար ժամանակներում կարիք կար վերագտնելու մեր ազգային պինդ ու արժեքավոր ինքնությունը՝ վերադառնալու մեր արմատներին ու լցվելու կենսական աղբյուրով, լինելու միասնական անգամ ամենաբարդ ժամանակներում։ Հյուրերի համար սա անսպասելի եզրափակում էր։ Ուս-ուսի տված, գեղեցիկ պարային շարժումներով մեր գործընկերները միացան միասնականության խորհրդանիշ «Մշո Խըռ»-ին։
Առաջին անգամ եմ մասնակցում Գալա միջոցառմանը։ Շատ օգտակար են staff.am-ի կիրառած բոլոր գործիքները։ Միջոցառման ընթացքում տեղեկացա նաև աշխատանքային վերլուծության գործիքների մասին,որոնք, կարծում եմ, շատ օգտակար են գործնական աշխատաշուկայում։
Տաթևիկ Նավասարդյան, BIVAC ARMENIA
Ինչպես միշտ, շատ հետաքրքիր և յուրահատուկ ֆորմատով տարեվերջյան միջոցառում էր։ Շնորհակալություն միշտ բարձր որակի միջոցառումներ կազմակերպելու համար։ Հիանալի առիթ էր HR գործընկերներին տեսնելու և շփվելու համար, դրական էմոցիաներ ստացա։
Էմմա Մարգարյան, EARLY ONE
staff.am Գալա 2023-ի նեթվորքինգը հիանալի հնարավորություն էր։ Աշխատաշուկայի վերլուծության վերաբերյալ տեղեկատվության տրամադրումը ևս կարևոր է հավաքագրման տարեկան ռազմավարական պլանների մշակման համար։ Ժամանցի համար՝ հատուկ շնորհակալություն։
Ժաննա Իսրայելյան, ASEDL
Ամփոփենք
Հենց այսպես՝ «Մենք»-ի գաղափարով էլ ամփոփվեց «Մենք ենք մեր HR-ները» միջոցառումը։
Այսչափ դրական լիցքերով էլ մտնում ենք 2024թ․, որտեղ, վստահաբար, մեզ սպասում են նոր գաղափարներ, անելիքներ ու բազմաթիվ նորարար ու արդյունավետ նախագծեր։ Դե ինչ, դուք վայելեք միջոցառման լուսանկարները, իսկ մեզ մնում է կրկին շնորհակալություն հայտնել բոլոր նրանց, ում համար և ում շնորհիվ մենք մեծ սիրով ու եռանդով ամեն տարի կազմակերպում ենք բոլորիս սիրելի staff.am-ի գալա միջոցառումը։
