Որակի վերահսկիչ մսամթերքի արտադրամասում

Էլ. փոստով

Վերջնաժամկետ՝ 11 Հուլիս 2024

Աշխատանքի պայմաններ՝ Մշտական

Կատեգորիա՝ Որակի կառավարում

Աշխատանքի տեսակը՝ Ամբողջ դրույք

Գտնվելու վայրը՝ Երևան

Աշխատանքի նկարագրություն՝

Աթենք ընկերությունը փնտրում է որակի վերահսկող` Ավանում գտնվող մսամթերքի արտադրամասում արտադրանքի որակին հետևելու համար: Աշխատանքը հերթափոխային է:

Աշխատանքային պարտականություններ

Արտադրանքի որակի ամենօրյա վերահսկողություն
Մսային հումքի ամենօրյա զննում և լաբորատոր փորձերի կատարում
Համտեսի կազմակերպում և տվյալների արձանագրում
Հիգիենայի գործընթացի վերահսկում, գնահատում և արդյունքների գրանցում
Փորձանմուշների ուղարկում հավատարմագրված լաբորատորիաներ, արդյունքների հավաքագրում
Արտադրության տարբեր բաժիններում ամենամսյա ներքին աուդիտի գործընթացների անցկացում
Անվտանգության տեսչություն ներկայացվող եռամսյակային փաստաթղթերի հավաքագրում
Ամսական խնդիրների ամփոփում և անհրաժեշտ հաշվետվությունների ներկայացում տնօրինությանը

Անհրաժեշտ հմտություններ

Բարձրագույն կրթություն (ոլորտին առնչվող)
Տեխնոլոգիական գործընթացների գերազանց իմացություն
Սննդի անվտանգության տեսչության ստանդարտների իմացություն
Արտադրամասում հիգիենայի նորմերի գերազանց իմացություն
Որակի ապահովման, վերահսկման կանոնների գերազանց իմացություն
Վերլուծական միտք
Հաղորդակցման զարգացած հմտություններ
Թիմում աշխատելու զարգացած հմտություներ

Պահանջվող թեկնածուի մակարդակը: Չսահմանված

Լրացուցիչ տեղեկություն

Ինքնակենսագրականներն ուղարկել hr@atenk.am էլ. փոստին՝ նամակի թեմայում նշելով աշխատատեղի անվանումը (Որակի վերահսկիչ մսամթերքի արտադրամասում):

Խնդրում ենք հստակորեն նշել, որ աշխատանքի մասին տեղեկացել եք staff.am-ի միջոցով:

Մասնագիտական հմտություններ

ASP.NET MVC

Դիմել էլ. փոստով

Տարածեք այս հայտարարությունը սոց․ մեդիայի միջոցով։

Ընկերության մասին

«Աթենք» ընկերությունը հիմնադրվել է 1993 թ.-ին։ 2009 թ.-ին ընկերությունը ձեռք են բերում Ադամյան եղբայրները: Նոր սեփականատերերի խոշոր ներդրումների շնորհիվ իրականացվում է գործարանի ամբողջական տեխնիկական վերազինում եվրոպական արտադրության ժամանակակից սարքավորումներով, ինչը զգալիորեն ավելացնում է արտադրական հզորությունները:
Այսօր «Աթենք» ընկերությունն ունի երշիկի, մսային ուտեստների և կիսաֆաբրիկատների արտադրության մասնագիտացված 2 խոշոր գործարան և ներկայանում է ավելի քան 250 անուն ապրանքատեսակով: Ընկերության գործունեության հիմքում եվրոպական չափորոշիչների, որակի և սանիտարահիգիենիկ բոլոր պահանջներին համապատասխանող արտադրության սկզբունքներն ու արժեքներն են:
Շնորհիվ բարձրորակ արտադրանքի բազմազանության և հաճախորդամետ հետևողական քաղաքականության վրա հիմնված զարգացման նոր հայեցակարգի «Աթենք»-ը դառնում է շուկայի առաջատարը ցայսօր չզիջելով իր դիրքերը: Արդեն երկար տարիներ «Աթենք» ընկերությունը ՀՀ 100 խոշոր հարկատուների ցանկում է:
«Աթենք» ընկերության կայուն զարգացման ուղու և կերտվող պատմության կարևորագույն գործոնը պրոֆեսիոնալ և գործին նվիրված թիմն է, հմուտ ու փորձառու մասնագետները, բանիմաց աշխատակիցները: Այսօր ընկերությունն ունի շուրջ 800 աշխատակից, և այս թիվն աճում է ամեն ամիս:
«Աթենքը» համագործակցում է հայաստանյան և արտասահմանյան խոշոր մատակարարների հետ` արտադրության մեջ կիրառելով նաև սեփական տեխնոլոգիաներն ու մեթոդները: Ընկերությունը կառավարում և համակարգում է հումքի մատակարարումից մինչև պատրաստի արտադրանքը վաճառքի կետ հասցնելու ամբողջ գործընթացը: Գործարանն ունի սեփական լաբորատորիա, ինչը թույլ է տալիս վերահսկել ապրանքի որակն արտադրության բոլոր փուլերում:

2015 թ.-ից «Աթենք» ընկերությունն ընդլայնում է արտադրության ծավալները, սպառողին առաջարկելով կիսաֆաբրիկատների լայն տեսականի, որն այսօր ներկայացվում է «Աթենք» ընկերության ֆիրմային խանութներում, սուպերմարկետներում և առևտրի կետերում:
«Աթենք» ընկերությունը ունի 33 ֆիրմային խանութ ՝ ՀՀ-ում 28, Վրաստանի Հանրապետությունում 5:
Որպես երշիկի մասնագիտացված ֆիրմային խանութների ցանց` Հայաստանում ամենամեծն է. 28 խանութներից 25-ը գտնվում են Երևան քաղաքի տարբեր շրջաններում, 1 խանութ ք ․ Աբովյանում (Կոտայքի մարզ), 1 խանութ ք ․ Էջմիածնում (Արմավիրի մարզ), 1 խանութ ք ․ Գյումրի (Շիրակի մարզ):