StaffCoverages_final
Սկիզբ / Մեր Գործատուները / Բացահայտել ընկերությունները / #StaffCoverages – staff.am անդրադարձը Հայաստանում առաջատար ընկերություններին | 2018թ․ բոլոր թողարկումների ամփոփումը

#StaffCoverages – staff.am անդրադարձը Հայաստանում առաջատար ընկերություններին | 2018թ․ բոլոր թողարկումների ամփոփումը

Ահա և ձեզ հետ միասին ամփոփում ենք #StaffCoverages նախագծի 2018թ․ բոլոր թողարկումները, որոնց ընթացքում այցեր ունեցանք Software ծրագրավորման, առցանց և իրական խաղային ոլորտում ծրագրային լուծումներ մշակող և մատուցող առաջատար ընկերություններից մինչև ֆինանսաբանկային ոլորտի միջազգային ընկերություններ։ Անչափ հետաքրքիր էր հյուրընկալվել Հայաստանի աշխատաշուկայի զարգացման գործում մեծ դերակատարում ունեցող ընկերություններից՝ SFL, Webb Fontaine, Synopsys Armenia, Flux Technologies, HSBC Armenia, Rockbite Games և Digitain, որոնք յուրովի կերտել են իրենց կորպորատիվ մշակույթը, ամուր են հիմնարար արժեքներում և հայտնի բոլոր նվաճումներով։

Բոլոր թողարկումներին կարող եք ծանոթանալ ստորև, որոնք ներկայացված են ըստ մեր կատարած այցերի ժամանակագրական հաջորդականության։

SFL – WE DO SOFTWARE․ staff.am-ը հայկական առաջատար ՏՏ ընկերությունում

Յուրահատուկ կորպորատիվ մշակույթ ունեցող այս կոսմոպոլիտան ընկերությունում աշխատում են խելացի և փորձառու ինժեներներ, ովքեր սիրում են իրենց աշխատանքը և հաճույքով կիսվում են իրենց փորձով ՀՀ-ում տարբեր tech event-ների ժամանակ։

Այստեղ ազատ են աշխատանքային ժամերի և վայրի ընտրության առումով, սակայն պատասխանատու վերջնական արդյունքի համար։ Երբեք չեն դադարում սովորել և կիրառել նոր տեխնոլոգիաներ, ապահովելով տարբեր ոլորտներում ՏՏ լուծումներ՝ ազգային անվտանգությունից մինչև fintech։ Այստեղ կարևորում են սովորելու ձգտումը, որպես հասուն մարդ կայացած լինելը և երբեք չեն մոռանում աշխատանքը դարձնել հաճելի, կազմակերպել տարբեր միջոցառումներ՝ hackathon-ներից՝ մինչև թիմբիլդինգ և party-ներ։

staff.am-ի գործատուները․ Այց միջազգային Webb Fontaine Holding ՏՏ ընկերություն

Հաճելիորեն զարմացած էինք՝ Վեբբ Ֆոնտեն ընկերությունը մեզ համար բացահայտելով։ 13 տարուց ավելի պատմություն ունեցող այս ընկերության մասին հավատացած ենք դեռ շատ կլսենք։ Այն աշխատանքը, որն իրականացվում է այս ընկերության կողմից աշխարհի տարբեր  մայրցամաքներում, առաջատար տեխնոլոգիաները, որոնք կիրառվում են այստեղ, կորպորատիվ մշակույթն ու ծավալուն արտոնությունների փաթեթը, բանիմաց և խելացի թիմը, արտերկրում փորձի փոխանակման լայն հնարավորություններն ու դինամիկ զարգացող աշխատանքային միջավայրն իսկապես դարձնում են Webb Fontaine ընկերությունը լավագույն ՏՏ ընկերություն ինչպես փորձառու, այնպես էլ սկսնակ մասնագետների համար։

Ցանկանո՞ւմ եք միանալ Վեբբ Ֆոնտեն թիմին, ապա ծանոթացեք այս պահին առկա թափուր աշխատատեղերին հիմա։

Այցելություն Սինոփսիս Արմենիա. Ինչպիսի՞ն է տեխնոլոգիական հսկան իր աշխատակիցների աչքերով

Լինելով ՀՀ-ում խոշորագույն ՏՏ ընկերություններից մեկը, Սինոփսիսն իր գործունության տասնյակից ավելի տարիների ընթացքում մեծ ներդրում է ունեցել Հայաստանում ՏՏ ոլորտի զարգացման մեջ՝ կրթելով ինժեներների նոր սերունդներ, ովքեր այսօր հաջողությամբ նոր ծրագրեր են իրականացնում, ոչ միայն հայկական գրասենյակում, այլ նաև ամբողջ աշխարհում։ Սինոփսիսի կողմից ստեղծված պրոդուկտներն ու ծրագրերն, այօսր օգտագործվում են համաշխարհային տեխնոլոգիական հսկաների կողմից։ Իսկ քանի որ ՀՀ գրասենյակը ամենամեծերից մեկն է, ԱՄՆ-ից դուրս, ապա այդ աշխատանքի կարևոր մի մասն էլ իրականացնում են հենց հայ մասնագետները։

Սինոփսիս Հայաստանի գրասենյակ միանշանակ էլի կայցելենք, քանի որ մեկ անդրադարձով հնարավոր չէ ամփոփել ՀՀ ամենախոշոր գործատուներից մեկի աշխատանքային գործունությունը։ Ուրախ ենք, որ ՀՀ-ում ընկերությունը դինամիկ աճ է գրանցում և համալրում է իր թիմը։ Եթե արդեն փորձառու ինժեներ եք, ապա Սինոփսիսն իսկապես նպաստում է անհատի շարունակական մասնագիտական աճին, տրամադրում է մրցունակ աշխատավարձ և արտոնությունների անզուգական փաթեթ։

Իսկ ուսանողներին, ովքեր դեռ չեն կողմնորոշվել ՏՏ ոլորտում ինչ ուղղություն են ցանկանում ընտրել, ապա միանշանակ ուսումնասիրեն այն բոլոր հնարավորությունները, որոնք առկա են իր ոլորտում աշխարհի ամենախոշոր ընկերություններից մեկում։

 

1f1e04d8

staff.am-ի գործատուները․ Հանդիպում Flux Technologies-ի երիտասարդ և խելացի թիմի հետ

Երիտասարդ, խելացի, լուսավոր ու մի քիչ էլ խենթ: Այ այսպես կնկարագրեինք Ֆլաքսիանինների այս հրաշք թիմին։ Հավատարիմ մնալով իրենց անվանը՝ Flux, որը կարելի է նկարագրել որպես – միշտ առաջ գնացող, հոսող` այս թիմն իսկապես դինամիկ մեծանում է՝ հավաքագրելով և ինչու չէ նաև կրթելով ծրագրավորողների նոր սերունդ։ Գեղեցիկ և հարմարավետ գրասենյակում, որտեղ ոչ պակաս հաճելի է նաև աշխատանքային մթնոլորտը, մարդիկ ամեն օր աշխատում են իրենց հաճախորդներին հնարավորինս լավագույն տեխնոլոգիական լուծումներ տրամադրելու համար։ Եվ ինչպես իրենք են ասում, յուրաքանչյուր նոր նախագիծ, յուրաքանչյուր նոր երկրից հնարավորություն է սովորելու և ինքնակատարելագործվելու։ Դե ինչ, մեզ մնում է միայն մաղթել այս երիտասարդ ընկերությանը հետագա զարգացում, ընդլայնում և նոր հաղթանակներ։

 

HSBC. Ավելի քան 150 տարվա պատմություն ամբողջ աշխարհում, ավելի քան 20 տարվա պատմություն Հայաստանում։ staff.am-ը այցելել է HSBC Բանկ Հայաստան

HSBC-ն աշխարհի ամենամեծ բանկային և ֆինանսական ծառայություններ տրամադրող կազմակերպություններից է:

Միջազգային ստանդարտներ կրող այս ընկերությունում ամեն ինչի մասին մանրամասն մտածված է։ Այստեղ մարդիկ գնահատվում են իրենց անձնային հատկանիշների, այլ ոչ թե զբաղեցրած պաշտոններին համապատասխան, Բանկի գլխավոր գործադիր տնօրենն ակտիվ մասնակցություն է ունենում թիմակիցների աշխատանքային առօրյայում, այստեղ կարիերայի հնարավորությունները երբեք չեն սահմանափակվում միայն Հայաստանով, այստեղ չկա խտրականություն և առաջին հերթին կարևորվում է աշխատասիրությունը նվիրվածությունն ու ավելին կատարելու ցանկությունը, այստեղ աշխատող մայրիկներն իրենց ապահով և գնահատված են զգում։ Բանկը հավասարապես արժևորում է իր աշխատակիցների գոհունակությունն աշխատանքից, նրանց մասնագիտական և անձնական զարգացումը, առողջ ապրելակերպն ու ֆինանսական կայունությունը։

Մի խոսքով անչափ տպավորված ենք HSBC Բանկի կորպորատիվ մշակույթով, և հավատացած ենք, որ դեռ վերադառնալու ենք, քանի որ մեկ անդրադարձով հնարավոր չէ փոխանցել այն աշխատանքը, և դրա կարևորությունը պետական մակարդակով, որն իրականացվում է՝ առաջին հայացքից պաշտոնական թվացող պատերից այս կողմ:

Image result for rockbite games logo Rockbite Games. staff.am այց gamedev ոլորտի առաջատար ընկերություն

Rockbite-ը ևս մեկ հայկական հաջողության պատմություն է, որը ապացուցում է, որ պետք է լինել հետևողական, ունենալ հստակ նպատակ, սիրել գործդ և երբեք չհուսահատվել ձախողումներից։ Ռոքբայթում կարծես տեղափոխվում ես զուգահեռ իրականություն, իսկ ինչ-որ պահից սկսած էլ, մտածում ես, որ գեյմինգի ոլորտում ինքդ էլ դեմ չէիր լինի աշխատել, նամանավանդ նման յուրօրինակ թիմում 🙂

Միանշանակ կարող ենք ասել, որ պետք է լինել անվերջ ստեղծարար, ունենալ տաղանդ և նպատակասլացություն այդքան մրցակցային ու մեծ ոլորտին՝ ինչպիսին է համաշխարհային գեյմինգի շուկան, մարտահրավեր նետելու համար։ Ռոքբայթի մասնագետների մոտ դա միանշանակ ստացվում է։ Հուսով ենք Ռոքբայթի կողմից այս պահին մշակվող նոր խաղը, կունենա շլացուցիչ հաջողություն և վերջապես ընկերությանը կբերի վաղուց սպասված համաշխարհային top chart-երի վերին հորիզանականները։

 

logostaff.am-ի անդրադարձը առցանց և իրական խաղային ոլորտում ծրագրային լուծումներ մշակող և մատուցող խոշորագույն ընկերություններից Digitain-ին

2018 թվականին մեր վերջին այցը առցանց և իրական խաղային ոլորտում ծրագրային լուծումներ մշակող և մատուցող առաջատար ընկերություններից Digitain էր, որի ծառայությունը և պրոդուկտը ներկայումս կարողանում է հավասար ոտք մեկնել ոլորտի գիգանտների հետ։ Մենք առաջին անգամ էինք այցելում նման մեծ կազմակերպություն, որտեղ աշխատում էին ավելի քան 1000 աշխատակից և հաճելիորեն զարմացած էինք այն աշխատանքային մթնոլորտով, որը տիրում էր Digitain-ում։

Մենք շատ ենք կարևորում Հայաստանում նման խոշորագույն գործատուի գործունեությունը։ Բացի խոշորագույններից մեկը լինելուց՝ Digitain-ը նաև խթանում է մշակութային և ազգային բազմազանությունը։  Ընկերությունը ստեղծում է այնպիսի կորպորատիվ մշակույթ և հավաքագրում է այնպիսի աշխատակիցների, ովքեր կկիսեն միևնույն մարդկային արժեքները, ընկերության զարգացման հեռանկարներն ու կկարևորեն թիմայինը։

#StaffCoverages նախագիծը շարունակական է և 2019 թվականին մենք ձեզ հետ միասին կբացահայտենք նորանոր ընկերություններ, որոնք առանձնանում են իրենց ոլորտում առաջարկվող յուրահատուկ լուծումներով, թիմային մշակույթով և մարդկային ռեսուրսների կառավարման առանձնահատուկ մոտեցումներով։
Եթե ցանկանում եք, որ staff.am թիմը այցելի նաև Ձեր ընկերություն և լուսաբանի ձեր ընկերության բոլոր նորարարություններն ու ձեռքբերումները #StaffCoverages նախագծի շրջանակներում, ապա կարող եք կապ հաստատել մեզ հետ՝ գրելով [email protected] էլ․ հասցեին կամ պարզապես զանգահարելով 011 900 901 հեռախոսահամարով։

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

all-cover

staff.am-ի այցը аll.me` նորարարական IT ընկերություն

Staff.am թիմի այցն այս անգամ նույնպես շատ տպավորիչ ու յուրահատուկ էր․ այցելել էինք միջազգային ընկերություն, …

Leave a Reply

Your email address will not be published. Required fields are marked *