cover photo_nominations_final
Սկիզբ / Մեր Գործատուները / staff.am-ում ՏՏ ոլորտի թոփ 10 ամենաակտիվ ընկերություններն ըստ էջի դիտելիության

staff.am-ում ՏՏ ոլորտի թոփ 10 ամենաակտիվ ընկերություններն ըստ էջի դիտելիության

staff.am-ում հաճելի նորությունները շարունակվում են։ Այս անգամ մեկնարկում ենք նոր թողարկումների շարք՝ նպատակ ունենալով անդրադառնալ թոփ ընկերություններին, որոնք տարբեր չափանիշներով առաջնային դիրք են զբաղեցնում աշխատաշուկայում։

Ահա և ուրախ ենք ձեզ ներկայացնել ՏՏ ոլորտի թոփ 10 ամենաակտիվ ընկերություններին՝ հաշվի առնելով staff.am-ում ընկերության էջի այցելությունների քանակը։

Նշենք, որ հաճախ ձեզ հետ կկիսվենք վիճակագրական ցուցանիշներով՝ ներկայացնելով տարբեր ոլորտների ամենաակտիվ, թոփ գործատու, ամենաշատ հետևորդներ ունեցող և այլ ցուցիչներով առանձնացված ընկերություններին։

Դե ինչ, մնացեք մեզ հետ, հետաքրքրիր հրապարակումներն առջևում են, իսկ ստորև կարող եք ծանոթանալ Հայաստանում ՏՏ ոլորտի թոփ 10 ընկերությունների #StaffHistory-ներին։

all logos

Betconstruct_cover

566249 դիտում

 

BetConstruct ընկերությունը, որը բազմաթիվ մրցանակների դափնեկիր է ծրագրավորման և ծրագրային ապահովման ոլորտում և տրամադրում է առցանց և գրասենյակային խաղային լուծումներ, գլխավորում է staff.am-ում ՏՏ ոլորտի ամենաակտիվ ընկերությունների թոփ տասնյակը՝ ըստ staff.am-ում ընկերության էջի այցելությունների։

Ի դեպ, BetConstruct-ն այն ընկերություններից է, որ առաջինն է միացել staff.am-ին հարթակի թողարկումից հետո և արդեն շուրջ 2,5 տարվա համագործակցության հաջողակ ուղի ենք անցել, համագործակցել staff.am տարբեր ձևաչափերով նախագծերում՝ «Կուլիսներից այն կողմ» պանելային քննարկմանը, StaffTalks նախագծում և այլ տարբեր ծրագրերում։

Թափուր աշխատանքներ

cover_nominations_digitain

531748 դիտում

 

Առցանց և իրական խաղային ոլորտում ծրագրային լուծումներ մշակող և մատուցող խոշորագույն ընկերություններից Digitain-ը թոփ ամենաակտիվներից է staff.am-ում՝ գրավելով շուրջ 531748 օգտատերերի հետաքրքրությունը։

#StaffCoverages նախագծի շրջանակներում մենք նաև առիթ ունեցանք այցելելու Digitain ընկերություն, զրուցելու դիջիթեյնցիների հետ և բացահայտելու կորպորատիվ մշակույթն ու բոլոր այն ձեռքբերումները, որոնց շնորհիվ էլ այսօր Digitain-ը ցանկալի գործատու է Հայաստանում։

Synopsys_cover

209064 դիտում

 

Սիլիկոնային չիպերի նախագծման, ստուգման, IP ինտեգրման եւ կիրառման անվտանգության ստուգման համար, իր լավագույն գործիքներով, կամ այլ կերպ ասած՝ Smart, Secure Everything-ի համաշխարհային առաջատար՝ Synopsys ընկերությունը եզրափակում է staff.am-ում թոփ ամենաակտիվ ընկերությունների եռյակը։

Համագործակցության երկու տարիները շատ արդյունավետ ու ակտիվ էին՝ պանելային քննարկումներ, այցելություն Synopsys Armenia` ծանոթանալու և ձեզ հետ կիսվելու ՏՏ ոլորտի այս հսկայի գործունեությամբ Հայաստանում, նոր նախագծերում ներգրավվածություն։ 

all.me-new

202468 դիտում

All.me ընկերության #StaffHistory-ն կարելի է մեկնաբանել երկու իմաստով, մի կողմից staff.am-ի հետ համագործակցության պատմություն, մյուս կողմից` անձնակազմի հավաքագրման պատմություն։

All.me միջազգային ընկերությունը, որը ներկայացնում է սոցիալական․ ցանց (meNetwork), վճարային համակարգ (mePay) և առևտրային հարթակ (meMarket), մոտ մեկուկես տարի առաջ որոշեց ներկայացուցչական գրասենյակ հիմնել Հայաստանում և սկսեց հավաքագրել իր անձնակազմին staff.am-ի միջոցով։ Այդ ողջ ընթացքում All.me-ի կողմից տեղադրվել են շուրջ 150 աշխատանքներ, և շնորհիվ աշխատաշուկայում դրսևորած ակտիվության, All.me-ն այսօր ՏՏ ոլորտի ամենաակտիվ ընկերություններից մեկն է՝ ըստ staff.am-ում էջի այցելությունների քանակի։

10web_cover134308 դիտում

1oWeb-ն արհեստական բանականությամբ և մեքենայական ուսուցմամբ հարստացված ավտոմատացված լուծումներ է տրամադրում վեբ կայքերի պատրաստման համար։ Ընկերությունն այն հաջողակ ստարտափերից է, որ սկսելով իր գործունեությունը 2017թ․, սկսեց արագ տեմպերով աճել և նոր թիմակիցներ հավաքագրել staff.am-ի միջոցով։

Այսօր 10Web ընկերության նկատմամբ օգտատերերը մեծ հետաքրքրություն են ցուցաբերում՝ ծանոթանալու և դիմելու տեխնիկական ոլորտի, թվային մարքեթինգի, որակի կառավարման, դիզայներների, մեքենայական ուսուցման, հաճախորդների աջակցման և այլ թափուր աշխատատեղերին։

Թափուր աշխատանքներ

Workfront_cover

128683 դիտում

 

Workfront Armenia-ն ԱՄՆ սահմաններից դուրս խոշորագույն Workfront կայքն է ամբողջ աշխարհում, որն ապահովում է ծրագրային զարգացում և խելացի լուծումներ։ Անչափ ոգևորող է նաև այն, որ Workfront Armenia-ն առաջին ընկերությունն է, որ սկսեց համագործակցել staff.am-ի հետ և հավաքագրել լավագույն թիմակիցներին մեր հարթակի միջոցով։

Համագործակցության ողջ ընթացքում առաջարկելով ավելի քան 150 թափուր աշխատատեղեր և ունենալով բավականին շատ էջի դիտումներ՝ Workfront Armenia-ն այսօր համալրում է ՏՏ ոլորտի թոփ ամենաակտիվ ընկերությունների ցանկը։

Թափուր աշխատանքներ

PicsArt_cover

127967 դիտում

 

Պիքսարտյան աշխատանքային ոճի, առաջարկվող մասնագիտական զարգացման հնարավորությունների, կորպորատիվ մշակույթի նկատմամբ օգտատերերը չեն կարող ուշադրություն չդարձնել։ Ամբողջ աշխարհում միլիոնավոր օգտատերեր ունեցող PicsArt-ի այս ողջ գրավչությունների շնորհիվ էլ ընկերությունն իր առանձնահատուկ տեղն է զբաղեցնում թոփ տասնյակում։

Ի դեպ, staff.am և PicsArt ընկերությունների համագործակցությունը չի սահմանափակվում միայն HR և գործատուի բրենդավորման գործիքներ տրամադրելով, այլ նաև ընկերությունն ակտիվ ներգրավված է staff.am տարբեր նախագծերում՝ պանելային քննարկումներ, StaffTalks և StaffBlog տարբեր նախագծերին մասնակցություն։

Թափուր աշխատանքներ

webb fontaine_cover

122256 դիտում

 

ՏՏ ոլորտի ամենաակտիվ թոփ տասնյակի մեջ է մտնում նաև միջազգային Webb Fontaine ընկերությունը, որի գլխամասային գրասենյակը գտնվում է Շվեյցարիայում։ Շնորհիվ մեր ակտիվ համագործակցության մենք այցելեցինք նաև Webb Fontaine ընկերություն և զրույց ունեցանք երիտասարդ, բանիմաց և աշխատասեր թիմի հետ հաճելի աշխատանքային միջավայրում։

Ի դեպ, վերջերս նաև Երևանում կայացավ Webb Fontaine ՏՏ ընկերության առաջին միջազգային համաժողովը, որի ժամանակ քննարկվեցին Հայաստանում ընկերության գործունեության ընդլայնման հեռանկարները։

HS_cover

115727 դիտում

 

Աշխարհահռչակ Help Systems ընկերության հայաստանյան ներկայացուցչությունը՝ HS International-ը նույնպես հատուկ դիրք է զբաղեցնում թոփ տասնյակում։ 2015թ․ հիմնվելով Հայաստանում՝ ընկերությունը միանգամից շատ մեծ աճ ունեցավ, ինչի հիմքում ընկած էր նվիրվածությունը պրոդուկտներին և ծառայություններին, թիմային աշխատանքի մշակույթը և աշխատանքի կառավարման գործիքները։

Այժմ նաև HS International-ը մեկնարկել է HS University ծրագիրը՝ նպատակ ունենալով սկսնակ մասնագետներին դարձնել առավել հմուտ նոր տեխնոլոգիաներում և համալրել թիմը նոր պրոֆեսիոնալներով։

Joomag_cover111453 դիտում

 

staff.am-ում, ըստ ընկերության էջի դիտելիության, ամենաակտիվ ընկերությունների ցանկում է Joomag-ը՝ թվային ինտերակտիվ կոնտենտի ստեղծման համար (թվային ամսագրեր, ֆոտոալբոմներ, կատալոգներ և էլեկտրոնային գրքեր) նախատեսված հարթակը, որը վերջերս համագործակցություն է սկսել Getty Images ամերիկյան ֆոտոգործակալության հետ՝ առցանց խմբագիրներին ապահովելու միլիոնավոր պրեմիում դասի կրեատիվ և խմբագրական նկարներով։

Ընկերությունը նաև առաջինն էր, որտեղ մենք այցելեցինք StaffCoverages թողարկումը պատրաստելու համար, զրույց ունեցանք  Joomager-ների հետ։ Ամենահետաքրքիր բանը, որ նկատեցինք Joomag-ում, այն է՝  այստեղ չկա work-life հավասարակշռություն, այլ միայն life-life հավասարակշռություն: Աշխատանքը հաճույք է, իսկ աշխատակիցները՝ երջանիկ։

Վստահ ենք, որ ՏՏ ոլորտի թոփ ամենաակտիվ ընկերությունների շարքն օրեցօր կհամալրվի նոր ընկերություններով, որոնցից ամեն մեկն իր տպավորիչ դերը կունենա աշխատաշուկայի զարգացման գործում։

Ինչպես արդեն նշեցինք, մեր այս թողարկումը պարբերական բնույթ է կրում և անդրադառնալու ենք տարբեր չափանիշներով և ոլորտներում թոփ ընկերություններին՝ հիմնվելով staff.am կարիերայի հարթակի տվյալների բազայի վրա։

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

Без имени-2

Ինչպես ճամփորդությունները կարող են զարգացնել սոֆթ հմտությունները

Երբ ճամփորդում եք, անգամ կարևոր չէ գործուղման թե հանգստի նպատակով, Դուք միայն տեսարժան վայրեր չէ, …

Leave a Reply

Your email address will not be published. Required fields are marked *