Մենք ապրում ենք հասարակությունում, որտեղ տեղեկատվական տեխնոլոգիաները կազմում են բիզնեսի և առօրյա կյանքի անբաժանելի մասը, այլ կերպ ասած՝ աշխարհը գնում է թվայնացման։ Ըստ staff.am-ի կատարած հետազոտության վերջին վեց ամիսների ընթացքում բոլոր աշխատանքների 41%ը ՏՏ ոլորտում են։
Հայկական և միջազգային ընկերություններ, որոնք նոր են սկսում իրենց գործունեությունը և ընկերություններ, որոնք ունեն իրենց հարուստ կենսագրությունը, ժամանակին համընթաց շարժվելով` առաջարկում են լավագույն տեխնոլոգիական լուծումներն իրենց բնագավառում։ Իսկ այդ պրոդուկտների մշակման գործընթացում անչափ կարևոր է պրոֆեսիոնալների ներգրավումն իրենց ընդլայնվող թիմում։
StaffBlog-ն առանձնացրել է 15 #cool ընկերություններ, որոնք այս պահին համալրում են իրենց թիմերը։
BetConstruct
BetConstruct միջազգային ընկերությունը, որը մասնագիտացած է ծրագրավորման և ծրագրային ապահովման ոլորտում, տրամադրում է առցանց և գրասենյակային խաղային լուծումներ և 14 երկրներում ունի ծրագրավորման, վաճառքի և սպասարկման իր կենտրոնները։ Կազմակերպության հայաստանյան մեծ թիմում կան IOS ծրագրավորողի, Android ծրագրավողի, կրտսեր/ավագ ծրագրավորողների թափուր հաստիքներ։ Ցանկանո՞ւմ ես միանալ ընկերության հայաստանյան մեծ թիմին, ուրեմն շտապիր դիմել։
Synopsys
Synopsys Armenia ընկերությունը զբաղվում է գիտահետազոտական և ճարտարագիտական աշխատանքներով՝ էլեկտրոնային նախագծման ավտոմատացման, արտադրության համար նախագծման և կիսահաղորդչային մտավոր սեփականության մշակման ոլորտներում: Այսօր, ունենալով ավելի քան 700 որակյալ հայ մասնագետ, Սինոփսիս Արմենիան հայկական ՏՏ ոլորտի խոշորագույն գործատուներից մեկն է, և ԱՄՆ-ից դուրս գտնվող ամենամեծ մասնաճյուղը: Թիմը հրավիրում է աշխատանքի ամենատարբեր հմտություններ և մասնագիտացումներ ունեցող ծրագրավորողների։
Staff.am
staff.am-ն ուրույն աշխատանքային հարթակ է Հայաստանում, որտեղ գործատու ընկերությունները հանդիպում են աշխատանք փնտրողների հետ` ունենալով մեկ նպատակ՝ գտնել տաղանդավոր աշխատակից կամ սիրելի աշխատանք: staff.am-ը հայկական շուկա է ներմուծում աշխատանքի և աշխատակիցների փնտրման նոր մշակույթ` դարձնելով այդ գործընթացն ավելի դյուրին ու հետաքրքիր: Հաղթող ճանաչվելով Նորարարական համաֆինանսավորվող դրամաշնորհային մրցույթի (IMG – Innovation Matching Grant) եզրափակիչ փուլում՝ staff.am-ն արդեն գործնական քայլեր է ձեռնարկում ոչ միայն աշխարհագրության ընդլայնման և նոր շուկաներում staff.am-ի հետագա ներկայացման, այլ նաև թիմի ընդլայնման, արհեստական բանականությամբ աշխատող նոր գործիքակազմի մշակման ուղղությամբ։ Hirebee․ai #HRtech հարթակի մշակման համար մեր թիմ ենք հրավիրում նոր մասնագետների։
Joomag
Joomag ընկերությունը, հիմնվելով 2009 թվականին 4 հայ երիտասարդների կողմից, ինտերակտիվ թվային հրատարակչության ոլորտում շատ արագ միջազգային ճանաչում ձեռք բերեց։ Ընկերությունն այժմ ունի թափուր աշխատատեղեր ՏՏ ոլորտի մասնագետների համար։
Rockbite Games
Rockbite Games ընկերությունը զբաղվում է այնպիսի խաղերի ստեղծմամբ և մշակմամբ, որոնք կհավանեն միլիոնավոր մարդիկ։ Ընկերությունում աշխատում են լավագույն մասնագետների հետ ու առաջարկում միջավայր, որ ցանկացած game geek կհավանի։ Այժմ ընկերությունը փնտրում է մոտիվացված, թիմային աշխատանքի հմտությանը տիրապետող խաղային ծրագրավորողի։
PicsArt
PicsArt մեծ ընտանիքը շարունակում է համալրվել։ Հայ ծրագրավորողների կողմից ստեղծված ամերիկյան ընկերություն է, որի լուսանկարների խմբագրման հավելվածից ամբողջ աշխարհում օգտվում են միլիոնավոր մարդիկ։ Այս հավելվածի ծրագրավորման հիմքը դրվել է Հայաստանում ՝ հայ ծրագրավորողների և կրեատիվ մարդկանց կողմից։
Synergy
Synergy International Systems-ը ծրագրային ապահովման և խորհրդատվության ընկերություն է, որը մշակում է տվյալների կառավարման համակարգեր։ Միջազգային ընկերությունն ունի թափուր աշխատատեղեր և փնտրում է իր ցանկալի թիմակիցներին։
Accontech
Accontech ընկերությունը, որը տրամադրում է ծրագրավորման ոլորտում խորհրդատվական և տեխնիկական աջակցության ծառայություններ, փնտրում է ավագ PHP ծրագրավորողի։
Redkite
Redkite ընկերությունը, որն առաջարկում է յուրօրինակ տեխնոլոգիական լուծումներ, համագործակցության է հրավիրում փորձառու և աշխատասեր ծրագրավորողների՝ Երևանի և Շվեդիայի մասնաճյուղերում։
LS Innovations
LS Innovations-ը միջազգային ընկերություն է, որի նպատակն է ապահովել նորարարական լուծումներ նորարարական տեխնոլոգիաներով։ Այժմ ընկերությունն ունի թափուր հաստիքներ աշխատասեր Node.js և JavaScript ծրագրավորողների համար։
Benivo
Benivo-ն հարթակ է, որն ընկերություններին տրամադրում է աջակցություն իրենց աշխատակիցների տեղափոխման ու վերաբնակման հարցերում, որի ծառայություններից օգտվում են Google-ը, Microsoft-ը, Bloomberg-ը, Vodafone-ը, Apple-ը: Այժմ ընկերությունն աշխատանքի է հրավիրում պրոֆեսիոնալ և աշխատասեր Ավագ Front End ծրագրավորողի։
GinosiApartels
Ginosi Apartels-ը հայկական հաջողված startup է, որի գլխամասային գրասենյակը գտնվում է Երևանում, ընկերությունը գրասենյակներ ունի նաև ԱՄՆ-ում և Իսպանիայում: Հայաստանյան թիմում ընկերությունն աշխատանքի է հրավիրում JavaScript ծրագրավորողի։
Workfront
Workfront-ը ծրագրային ապահովման ընկերություն է, որը մշակում է վեբի վրա հիմնված աշխատանքի կառավարման և ծրագրի կառավարման ծրագիր, որը կարգավորում է ձեռնարկության աշխատանքի կառավարումը, խնդիրների վերհանումը, փաստաթղթերի կառավարումը, ժամանակի վերահսկումը և փաթեթի կառավարումը: Ընկերությունն իր թիմ է հրավիրում ոլորտում փորձառու տեխնիկական աջակցության ինժեների։
Blockchain
Blockchain R&D Hub տեխնոլոգիական ընկերությունը, որը հիմնականում կենտրոնացած է գլոբալ շուկաների համար բլոկբաստերային լուծումների ստեղծման վրա, փնտրում է թիմային աշխատանքի և որոշումներ կայացնելու հմտություններով Angular ծրագրավորողի։
Loy and Hutz
Loy & Hutz գերմանական կազմակերպությունը, որը հաջող գործունեություն է ծավալում CAFM մատակարարման ոլորտում ավելի քան 30 տարի, փնտրում է տրամաբանական մտածողությամբ և կոմունիկացիայի հմտությամբ ծրագրավորողի։
