staff.am-ը հրապարակել է 2019 թվականի ամենաակտիվ գործատուների տասնյակը՝ հաշվի առնելով նախորդ տարվա ընթացքում հայտարարված թափուր պաշտոնները։ Թոփ տասնյակի մեջ մեծամասնություն են կազմում թեք ոլորտի ընկերությունները, ինչպես նաև տասնյակում են արտադրության ոլորտի ընկերություններ և պետական հատվածը ներկայացնող կազմակերպություն։
Այսպիսով, ուրախ ենք ձեզ հետ կիսվել ամենաակտիվ ընկերությունների տասնյակով։
1. SOFTCONSTRUCT
Թոփ տասնյակը գլխավորում է SoftConstruct-ը նախորդ տարվա ընթացքում հրապարակված 331 թափուր աշխատատեղով: Ընկերությունն իր մեծ ընտանիքի մեջ է ներառում շուկայում այնպիսի առաջատար ապրանքանիշեր, ինչպիսիք են՝ BetConstruct, FeedConstruct, SpringBME, Ucraft, Fasttoken և FastShift-ը։ Կարծում ենք պատահական չէ առաջատար դիրք զբաղեցնելը, քանի որ ընկերությունն այսօր Հայաստանում ամենախոշոր
գործատուներից է՝ ունենալով շուրջ 3000 աշխատակից և աշխարհի մի շարք երկրներում գործող գրասենյակներ։
2. DIGITAIN
Հաջորդ ամենաակտիվ ընկերություններից է եղել առցանց և իրական խաղային ոլորտում ծրագրային լուծումներ մշակող և մատուցող Digitain ընկերությունը` նախորդ տարվա ընթացքում հրապարակելով մոտ 308 թափուր աշխատատեղ staff.am-ի միջոցով։ Ընկերությունը շատ արագ տեմպերով զարգանում է և այսօր արդեն ունի 1500 աշխատակից ու 70-ից ավելի գործընկեր ամբողջ աշխարհում։ Ընկերության պատմության, թիմի, արժեքների մասին հետաքրքրիր անդրադարձը կարող եք կարդալ StaffBlog-ում։
Վերջերս նաև Digitain-ը հրապարակեց իր նոր ամբիցիոզ և տարածաշրջանում խոշորամասշտաբ ԴիջիՔաղաք նախագիծը,
որը որպես հարթակ, աքսելերատոր և ինկուբատոր կնպաստի Հայաստանում սթարտափ էկոհամակարգի և տեխնոլոգիական նորարարությունների զարգացմանը։
3. ALL.ME
all.me-ն այն միջազգային ընկերություններից է, որը շատ կարճ ժամանակահատվածում կարողացավ մեծ ճանաչում ձեռք բերել Հայաստանում, հավաքագրել մեծ թիմ և, նույնիսկ, 2019թ․ դառնալ ամենաակտիվ գործատուներից մեկը՝ հրապարակելով շուրջ 270 թափուր աշխատատեղ։
Ընկերության անձնակազմը, Իռլանդիայի, Կիպրոսի, Ռուսաստանի և Ուկրաինայի գործընկերների հետ միասին, ֆինտեխի, էլ․ առևտրի, սոց․ մեդիայի ոլորտներում այնպիսի ծրագրային լուծումներ են ապահովում, որոնք կիրառելի են ամբողջ աշխարհում։ 
Ընկերությունը շարունակում է ընդլայնել իր թիմը Հայաստանում, նոր թափուր աշխատատեղերին ծանոթացեք staff.am-ում, իսկ ընկերության արժեքների, մշակույթի, կառուցվածքի և գործունեության մասին պատմում է all.me թիմը staff.am անդրադարձում։
4. ՀՀ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Պետական հատվածի հետ staff.am համագործակցությունն ակտիվ մեկնարկեց 2019թ․ կեսերին և ՀՀ Կրթության, գիտության, մշակույթի և սպորտի նախարարությունն առաջինն էր, որի հետ կնքվեց գործակցության հուշագիր։ Ընդամենը մի քանի ամսվա մեջ թափուր հաստիքների քանակը գերազանցեց 242-ը՝ այսպիսով զբաղեցնելով առաջատար դիրքեր 2019թ․ staff.am ամենաակտիվ գործատուների ցանկում։ staff.am-ի հետ գործակցության մասին իր խոսքում ՀՀ ԿԳՄՍՆ Մամուլի խոսնակ Անժելա Կժդրյանը նշել է․
«ԿԳՄՍՆ-ն նոր հնարավորություններ ու մարտահրավերներ ստեղծեց մեզ համար՝ միաժամանակ տալով համագործակցության նոր կապեր ու ուղիներ, ձեռք բերեցինք նոր գործընկերներ՝ որդեգրելով աշխատանքի նոր մոտեցումներ: Այս առումով շատ եմ գնահատում մեր գործընկերային հարաբերությունները staff.am-ի մեր գործընկերների հետ: Սա համագործակցության և գործելաոճի նոր որակ է, որը նաև ամբողջացնում է մեր աշխատանքը»:
5. SYNOPSYS
Աշխարհի ծրագրային ապահովման 15-րդ խոշորագույն ընկերությունը, թիվ 1-ը` էլեկտրոնային նախագծման ավտոմատացման ծրագրերի մշակման և սպասարկման ոլորտում, առաջինը` անալոգային, ներկառուցված հիշողության բլոկների և կիսահաղորդչային մտավոր սեփականության շուկայում, և վերջին տարիների` ծրագրային ապահովման անվտանգության և որակի ստուգման ոլորտում Գարթների Մոգական քառակուսու Առաջատար ընկերությունը պատահական չէ, որ Հայաստանի ամենաակտիվ գործատուների ցանկում եզրափակում է թոփ 5-յակը։
2019թ․ Սինոփսիսը հրապարակել է շուրջ 231 թափուր հաստիք։ Այսօր ընկերությունում աշխատում է 850 մասնագետ, որոնցից 11%-ը գիտությունների թեկնածուներ և դոկտորներ են, 35%-ից ավելին՝ կանայք։ Իսկ թե ինչպիսին է տեխնոլոգիական հսկան իր աշխատակիցների աչքերով, կարդացեք staff.am հատուկ անդրադարձում։
6. ATENK
Աթենք ընկերության հետ staff.am-ը սկսել է համագործակցել հարթակի գործարկման սկզբից։ Նախորդ տարվա ընթացքում ընկերությունը դրսևորեց մեծ ակտիվություն աշխատաշուկայում՝ հրապարակելով 227 թափուր աշխատատեղ արտադրության ոլորտում։
Հայաստանում սկսելով իր գործունեությունը դեռևս 1993 թվականին՝ Աթենք ընկերությունը շարունակ գրանցում է նորանոր հաջողություններ, քանի որ այստեղ միահյուսվում են ավանդականն ու ժամանակակիցը, եվրոպականն ու ազգայինը, բազմամյա վաստակ ունեցող մարդկանց փորձը, գիտելիքները, խորհուրդը և երիտասարդ մասնագետների եռանդն ու ներուժը։
7. PicsArt
PicsArt ընկերությունը 2019թ․-ին նույնպես գրանցեց մեծ հաջողություններ թե ամբողջ աշխարհի մակարդակով, թե Հայաստանում՝ որպես տարվա ամենաակտիվ գործատուներից մեկը։ Հրապարակվել է շուրջ 209 թափուր աշխատատեղ տվյալագիտության, մարքեթինգի, ծրագրավորման, գրաֆիկ դիզայնի և այլ ոլորտներում։
Իսկ վերջերս էլ անչափ ոգևորիչ էր, որ ընկերության կողմից ստեղծված արհեստական բանականությամբ աշխատող նկարների խմբագրման հավելվածը հայտնվել է ամբողջ աշխարհում 2019թ․ ամենաշատ ներբեռնված 20 հավելվածների շարքում։
8. HelpSystems Armenia
Աշխարհահռչակ HelpSystems ընկերության հայաստանյան ներկայացուցչությունը շարունակում է ընդլայնել իր թիմը, ինչպես նաև մեկնարկել նոր կրթական ծրագրեր՝ այսպիսով նպաստելով հայաստանյան ՏՏ համայնքի զարգացմանը։ 2019թ․ ընթացքում ընկերությունը հրապարակել է ծրագրավորման ոլորտի շուրջ 170 թափուր աշխատատեղ։
Ի դեպ, ընկերության Հայաստանում հիմնադրման, կորպորատիվ մշակույթի ու գործունեության մասին ավելի մանրամասն կարող եք ծանոթանալ StaffBlog անդրադարձում, իսկ վերջերս թողարկած #HSUniversity ծրագրին՝ այստեղ։
Տեխնոլոգիական ոլորտի աշխատատեղերի ստեղծման գործում 2019թ․-ին իր ակտիվությամբ աչքի է ընկել Alternative Creative Network ընկերությունը, որը մեդիա գովազդների պրոֆեսիոնալ ծառայություններ է մատուցում իր գործընկերներին։ Մեկ տարվա ընթացքում հրապարակվել է շուրջ 159 աշխատանքի հայտարարություն։ Իսկ նոր անձնակազմը մշտապես վերազինվում է նոր գիտելիքներով և պատրաստվում նոր մարտահրավերների։
10 Coca Cola Hellenic Armenia
2019 թվականին staff.am-ում ամենաակտիվ գործատուների թոփ 10-յակը եզրափակում է Կոկա-Կոլա Հելլենիկ Արմենիա ընկերությունը՝ հրապարակելով 150 թափուր աշխատատեղ։ Ընկերությունը կայուն տեմպերով առաջ է շարժվում՝ պահպանելով և ստեղծելով արժեքներ, իսկ այդ ամենի հիմքում կարևորելով մարդկային ռեսուրսները, սոցիալական ռեսուրսները և հարաբերությունները։
Նախորդ տարի Կոկա-Կոլա Հելլենիկ Արմենիան «Մենեջմենթ Միքս» ընկերության հետ համատեղ մեկնարկեց «Երիտասարդների զարգացում 2019» ծրագիրը՝ նպատակ ունենալով զարգացնել երիտասարդների «կյանքի» և «բիզնես» հմտությունները, ինչպես նաև ապահովել սահուն մուտք աշխատաշուկա։
